Raqobat qo‘mitasi Golden House Property Group kompaniyasi ustidan tushgan o‘nlab shikoyatlarni o‘rganmoqda. Nazorat organi aralashuvi bilan iste’molchilar foydasiga 1,1 mlrd so‘mdan ortiq mablag‘ qaytarildi.
Namanganda Hajga noqonuniy yo‘llar bilan yuborish evaziga 4 nafar fuqarodan 26 ming dollar talab qilgan shaxs ushlandi. U 6 ming dollarni olgan vaqtida qo‘lga tushdi. Unga nisbatan firibgarlik moddasi bilan jinoyat ishi qo‘zg‘atildi.
So‘nggi oylarda O‘zbekistonda inflyatsion kutilmalarning pasayish sur’atlari sekinlashdi. Martda aholi va tadbirkorlarning yillik inflyatsion kutilmalari mos ravishda 11% (-0,2%) va 10,7% gacha (-0,1%) pasaydi.
Shanba kuni Buxoroning tarixiy qismida beshinchi bor Bukhara Night Race xalqaro xayriya yugurish musobaqasi bo‘lib o‘tdi. 3500 dan ortiq ishtirokchini birlashtirgan tadbirda 10 km masofa bo‘yicha trassa rekordi yangilandi. Qolaversa, ilk bor yugurish ekskursiyasi tashkil etildi.
Hans Kristian Andersen nomidagi xalqaro mukofotning 2026-yilgi g‘oliblari bolalar yozuvchisi Maykl Rozen (Buyuk Britaniya) va illyustrator Say Gao (Xitoy) bo‘ldi. Yozuvchi Dinara Mo‘minova ushbu voqeaning ahamiyati, sovrindorlar kitoblarini o‘zbek tiliga tarjima qilish nima uchun zarurligi xususida so‘z yuritadi.
Urbanizatsiya qo‘mitasi raisi Sherzod Kudbiyev qimmatbaho soati bilan ko‘rinish bergani ortidan kelib chiqqan muhokamalarga izoh berdi. U tanqidlarni o‘rinli deb atadi. “Bu soat men uchun juda qadrli, ko‘p narsalarni eslatib turadi.
Rossiyaning Vladikavkaz shahrida chiqindi konteyneri ichidagi noma’lum buyum portlashi oqibatida o‘zbekistonlik ishchi halok bo‘ldi. Holat yuzasidan jinoyat ishi qo‘zg‘atildi. Marhumning 5 nafar farzandi bo‘lgan.
Ruanda (Afrika) O‘zbekiston bilan diplomatik aloqalar o‘rnatgan 167-davlatga aylandi. Antaliyada TIV rahbarlari Baxtiyor Saidov va Olive Nduxungirexe tegishli kommyunike hamda siyosiy maslahatlashuvlar haqida memorandum imzoladi.
Qashqadaryoda bir guruh erkaklar lolazorni avtomobillarda payhon qilgani aks etgan video tarqaldi. Holat o‘rganilib, huquqbuzarlar aniqlangan. Ekologiya qo‘mitasiga ko‘ra, ularga jami 61,8 mln so‘m jarima tayinlandi.
O‘zbekiston sportchilari Bangkokda o‘tkazilgan kikboksing bo‘yicha Jahon kubogida umumjamoa hisobida ikkinchi o‘rinni egalladi. Ular 36 ta oltin, 22 ta kumush va 14 ta bronza, jami 72 ta medalga sazovor bo‘ldi.
Qozog‘iston prezidenti O‘zbekiston va Qozog‘iston xalq artisti Farrux Zokirovni 80 yillik yubileyi munosabati bilan II darajali “Do‘stlik” ordeni bilan mukofotladi. “Sizning san’atingiz ko‘p yillardan buyon turli avlod va elat vakillarini birlashtirib kelmoqda”, - deb ta’kidladi Qasim-Jomart Toqayev.
FIDE Nomzodlar turniri g‘olibi Javohir Sindarov Toshkentda tantanali kutib olindi. U jahon shaxmat toji uchun kurashda Gukeshni mag‘lub etsa, keyingi turnirda Nodirbek Abdusattorovni kutishini aytdi.
XVJ O‘zbekistonni raqobatdosh tarmoqlarda foyda bilan ishlayotgan davlat korxonalarini xususiylashtirish va “yashovchanligini yo‘qotganlarini” tugatishga chaqirdi. Investorlar ishonchi va davlat xarajatlari samaradorligini oshirish uchun amaldorlar mol-mulkini deklaratsiyalash to‘g‘risidagi qonunni qabul qilish lozim.
XVJ O‘zbekistonga 2026-yilda budjet xarajatlari o‘sishini cheklash, 2027-yildan foydali qazilmalardan tushumni hisobga olmagan holda nominal birlamchi taqchillikning yuqori chegarasini belgilashni tavsiya qildi.
Huquq himoyachisi Irina Matviyenko ayollar va bolalarni himoya qilish to‘g‘risida qabul qilingan qonundagi bo‘shliqlarni ko‘rsatib o‘tdi. Uning so‘zlariga ko‘ra, bolalarga qarshi sodir etilgan bir qator jinoyatlar prokuratura yurisdiksiyasidan tashqarida qolib ketishi mumkin.
Prezident ijtimoiy himoya tizimini takomillashtirishga qaratilgan takliflar bilan tanishdi. Unga ko‘ra, 2026-yil 1-sentabrdan 18 yoshdan katta chuqur aqliy zaif shaxslarning parvarishlovchilari uchun oylik nafaqa to‘lash, rivojlanishida nuqsonli bolalar uchun “Erta aralashuv” xizmati yo‘lga qo‘yiladi.
Shavkat Mirziyoyev Ko‘ksaroy qarorgohida FIDE Nomzodlar turniri g‘olibi Javohir Sindarovga “Mehnat shuhrati” ordenini topshirdi. “Hech bir natija o‘z-o‘zidan bo‘lmaydi. Buning zamirida uzoq yillik mehnat, bolalikdan orttirilgan tajriba, qat’iy iroda, temir intizom yotibdi”, - dedi davlat rahbari.
Hukumat qarori bilan pedagoglarni ijtimoiy qo‘llab-quvvatlash doirasida ayrim davlat xizmatlaridan foydalanishda 50 foiz chegirma joriy etildi. Xususan, ular ko‘chmas mulk, sertifikat olish va boshqa qator davlat xizmatlaridan imtiyoz asosida foydalanishi mumkin.
Toshkentda omborlar ijara narxi AQShdagidan yuqori ekani ma’lum bo‘ldi. Sabab - sifatli maydonlarning tanqisligi: omborxonalar sig‘imi rivojlangan davlatlardagiga nisbatan o‘nlab baravar past. Mintaqaviy forumda mazkur sanoatning rivojlanish istiqbollari va uning oldida turgan muammolar muhokama qilindi.
Eron TIV rahbari Abbos Arakchi Livandagi sulh munosabati bilan Hurmuz bo‘g‘ozi tijorat kemalari uchun ochilganini e’lon qildi. Urush boshidan beri to‘sib qo‘yilgan strategik yo‘l endi belgilangan yo‘nalish bo‘yicha harakatlanish uchun ochiq bo‘ladi.
Kiprda o‘tgan Nomzodlar turnirida g‘olib bo‘lgan Javohir Sindarov prezident tomonidan “Mehnat shuhrati” ordeni bilan taqdirlandi. Grossmeysterga avvalroq “O‘zbekiston Respublikasida xizmat ko‘rsatgan sportchi” faxriy unvoni berilgandi.
O‘rta Chirchiq tumanidagi uyda sodir bo‘lgan portlash oqibatida 30 yoshli erkak va 3 nafar voyaga yetmagan farzandi halok bo‘ldi. Uning turmush o‘rtog‘i va onasi shifoxonaga yotqizildi. Holat yuzasidan jinoiy ish ochilib, tuman FVB, gaz va elektr ta’minoti korxonalari xodimlariga xizmat tekshiruvi tayinlandi.
O‘zbekistonda faoliyat yuritgan Humans kompaniyasi asoschisi va rahbari Vladimir Dobrinin Interpol orqali xalqaro qidiruvga berildi. U kompaniya atrofida davom etayotgan sud va arbitraj muhokamalari fonida qimor o‘yinlarini tashkil etish hamda jinoiy daromadlarni legallashtirish ishi bo‘yicha gumonlanmoqda.
Qozog‘iston yashash guvohnomasini berish tartibini kuchaytirmoqda, deb yozmoqda DW. Endi xorijliklar, jumladan, Markaziy Osiyo fuqarolari uchun qozoq tilini kamida B1 darajasida bilish majburiy bo‘ladi.
Namangan viloyatidagi tibbiyot muassasalarida bemorlardan qariyb 300 mln so‘m asossiz undirilgani aniqlandi. Raqobat qo‘mitasiga ko‘ra, mablag‘larni qayta hisoblab, iste’molchilarga qaytarish bo‘yicha majburiy ko‘rsatma berilgan.
O‘zbekiston Turkiyada yashovchi 37 yoshli tadbirkor Ravshan Muhitdinovni ham Interpol orqali qidiruvga berdi. U o‘zganing mulkini qasddan nobud qilish yoki unga shikast yetkazish, uyushgan qurolli guruh tuzish yoki unda ishtirok etish hamda bezorilikda ayblanmoqda.
Navoiy viloyati Uchquduq, Tomdi, Konimex va Nurota tumanlarida 2400 ta yo‘rg‘a tuvaloq yovvoyi tabiatga qo‘yib yuborildi. Qushlar GPS orqali kuzatuvga olindi. Loyiha Ekologiya qo‘mitasi va BAA ishtirokida amalga oshirildi.
“O‘zbekiston metallurgiya kombinati” boshqaruvining sobiq raisi va investitsiyalar vaziri o‘rinbosari Dilshod Axmedov xalqaro qidiruvga berildi. Unga o‘zlashtirish yoki rastrata qilish moddasi bo‘yicha ayblov e’lon qilingan.
O‘zbekistonda dam olish kunlari ko‘plab hududlarda yog‘ingarchiliksiz ob-havo bo‘ladi. Harorat kunduzi +20…+25, janubda esa +26…+28 darajagacha ko‘tariladi.
XVJ O‘zbekiston YAIM 2026-yilda 6,8 foizga o‘sishini prognoz qilmoqda. Yaqin Sharqdagi urush fonida noaniqlik darajasi yuqori saqlanib qolayotgani hisobiga iqtisodiy pasayish xavfi ham bor. Urushning ta’siri O‘zbekistonga asosiy hamkor davlatlar bilan savdo aloqalari va xomashyo narxlari o‘zgarishi orqali seziladi.
O‘zbekistonda qurilish texnikasi parkini yangilash maqsadida maxsus texnika importiga imtiyozlarni tiklash rejalashtirilmoqda, dedi qurilish vaziri Sherzod Hidoyatov. Uning so‘zlariga ko‘ra, shuningdek, obyekt maydoniga qarab yer solig‘ini hisoblash muddatlarini differensiatsiya qilish taklif etilmoqda.
“O‘zbekiston” xalqaro anjumanlar saroyining ochiq maydonida X Xalqaro jaz festivali bo‘lib o‘tadi. 28-apreldan 12-maygacha Toshkent aholisi va mehmonlari uchun Leonid Agutin va Therr Maitz, Stenli Klark, Kurt Elling hamda Jazzirama jamoalari o‘z dasturlarini taqdim etadi. Kirish bepul.
OAVda COVID-19 ning BA.3.2 (Sikada) shtammi tarqalayotgani haqidagi xabarlar fonida SES raisining birinchi o‘rinbosari Nurmat Atabekov munosabat bildirdi. Unga ko‘ra, variant jiddiy xavf tug‘dirmaydi va O‘zbekistondagi epidemiologik barqarorlikka ta’sir ko‘rsatmaydi.
17-apreldan Isroil va Livan o‘rtasida o‘t ochishni 10 kunga to‘xtatish tartibi boshlandi. Tramp buni “tarixiy kun” deb atab, Eron bilan ham tinchlik bitimi yaqinligini bildirdi. Ayni paytda, Livan sulhning ilk soatlarida o‘qqa tutishlar davom etganini xabar qilmoqda.
Obidjon Muminov Toshkent shahri hokimining o‘rinbosari - Uy-joy kommunal xo‘jaligi bosh boshqarmasi boshlig‘i etib tayinlandi. Bunga qadar Qurilish va uy-joy kommunal xo‘jaligi vazirligida departament boshlig‘i lavozimida faoliyat yuritib kelgan.
2030-yilgacha madaniyat sohasini rivojlantirishga 1 trln so‘mdan ortiq mablag‘ yo‘naltirish rejalashtirilmoqda. Shu bilan birga, mamlakatdagi 839 ta madaniyat markazini transformatsiya qilish, Samarqandda yangi Ipak yo‘li muzeyini barpo etish va nodavlat madaniyat tashkilotlarini qo‘llab-quvvatlash ko‘zda tutilgan.
O‘zbekistonda harbiy xizmatchilarning ijtimoiy himoyasi kuchaytiriladi. Xususan, Mudofaa vazirligi ofitserlariga xizmat yillari uchun to‘lanadigan oylik ustama miqdori ikki baravarga oshiriladi, kontrakt bo‘yicha xizmat qilayotgan harbiylarning oylik pul ta’minotini 10 foizga ko‘paytiriladi.
“O‘zbek choyxonasi”, “Uch quduq”, “O‘zbekiston” va “Shahrisabz” singari qo‘shiqlari bilan mashhur bo‘lgan “Yalla” ansamblining rahbari hamda solisti Farrux Zokirov 16-aprelda 80 yoshni qarshiladi.
Turkiya hukumati so‘nggi kunlarda to‘qqiz kishining o‘limiga va o‘nlab odamlarning jarohatlanishiga sabab bo‘lgan ikkita hujumdan so‘ng mamlakat bo‘ylab maktablarda xavfsizlik choralarini kuchaytirdi.
Shavkat Mirziyoyev uy-joy kommunal xizmat ko‘rsatish sohasi xodimlarini kasb bayrami bilan tabrikladi. Shuningdek, prezident soha xodimlari oldida turgan vazifalar muhimligini ta’kidlab, ularning mehnatini rag‘batlantirish va tizimni rivojlantirish davlat e’tiborida bo‘lishini qayd etdi.
O‘zbekiston Jahon bankining Water Forward global tashabbusiga qo‘shildi. U 2030-yilgacha 1 mlrd aholi uchun suv xavfsizligini ta’minlashga qaratilgan. Dastur suv infratuzilmasini modernizatsiya qilish, resurslarni tejash va sohada islohotlarni qo‘llab-quvvatlashni nazarda tutadi.
Texnikumlar va akademik litseylar uchun milliy reytinglar joriy etildi. Milliy reytingdagi top 50 texnikumlar 1,2 mlrd so‘mgacha rag‘batlantirilishi mumkin. Reyting natijalari har yili 10-oktabrga qadar e’lon qilinadi.
Chorvoqda chiqindilarni noqonuniy tashlashga qarshi reydlarda 100 dan ortiq qoidabuzarlik aniqlandi. Ikkita noqonuniy chiqindixona bartaraf etildi, 401 tonna chiqindi olib chiqildi. Nazoratni kuchaytirish uchun hududda jami 50 ta videokamera o‘rnatiladi.
16-aprelga o‘tar kechasi Rossiyaning Ukrainaga uyushtirgan ommaviy havo hujumi oqibatida 16 kishi halok bo‘ldi, 100 dan ortiq kishi jarohatlandi. Eng ko‘p Kiyev, Odessa va Dnepr shaharlari zarar ko‘rdi.
O‘zbekistonda 1-iyuldan bond omborlari tizimi joriy etiladi. Endi ayrim tovarlar bojxona rasmiylashtiruvisiz olib kirilib, marketpleyslar orqali sotib olinganidan keyingina rasmiylashtiriladi. Jismoniy shaxslarga sotilganda texnika 5% yagona to‘lov, kiyim-kechak 3% va QQS bilan soliqqa tortiladi.
O‘zbekistonlik bloger Temurmalik Tojiddinzoda otasi ichki ishlar xodimlari tomonidan ruhiy shifoxonaga olib borilgach, uyiga qaytarilgandan so‘ng vafot etganini ma’lum qildi. Bosh prokuratura holat yuzasidan tekshiruv boshlanib, sud-tibbiy ekspertiza tayinlanganini bildirdi.
Dunyoning yirik fondlari, jumladan, BlackRock va Franklin Resources, O‘zMIFning “anchor investorlari” sifatida ishtirok etadi. Ular London va Toshkent fond birjalarida kutilayotgan aksiyalarni joylashtirish doirasida jamg‘armaning 300 mln dollardagi qimmatli qog‘ozlarini sotib olish majburiyatini oldi.
Kongratbay Sharipovga ko‘ra, 26 ta OTM dotatsiyada o‘tiribdi. Ayrim talabalar yiliga 6 mln so‘m kontrakt to‘lasa-da, ammo ularning yillik xarajati 14 mln so‘mni tashkil etmoqda. “Biz mazkur universitetlarni saqlab qolish kerak deydigan bo‘lsak, kontrakt narxlari ustida o‘ylashimiz lozim”, - dedi vazir.
Gazeta insoniyat tarixida muhim ahamiyat kasb etgan chiqishlarni o‘zbek tilida berib boruvchi “Tarixiy nutq” ruknini davom ettiradi. Navbatdagi sonda “Buyuk diktator” filmi yakunida Charli Chaplin gavdalantirgan qahramon tilidan yangragan tinchlikka da’vat etuvchi nutqni havola qilamiz.
Bosh vazir o‘rinbosari Jamshid Xodjayev boshchiligidagi O‘zbekiston delegatsiyasi BAAda qator muzokaralar o‘tkazdi. Keng qamrovli iqtisodiy sheriklik to‘g‘risidagi bitimni tezlashtirish, shuningdek, logistika, qurilish, infratuzilma, islomiy moliya, IT, ta’lim va boshqa sohalarda yangi loyihalar muhokama qilindi.
Buyuk Britaniyada televizor va internetda zararli oziq-ovqatlarni reklama qilishga qo‘yilgan taqiq kuchga kirdi. Yangi qoidalar bolalar semizligiga qarshi kurashishga qaratilgan. Tarkibida yog‘, shakar va tuz miqdori yuqori bo‘lgan 13 toifadagi mahsulot cheklov ostida qoldi.
“O‘zbekneftgaz” kompaniyasi raisi Abdug‘ani Sanginov Termiz, Jizzax, Maroqand va Kuchlik neft bazalari rahbarlarini yo‘l qo‘ygan jiddiy kamchiliklari uchun lavozimlaridan ozod etdi. U bazalar faoliyatini sog‘lomlashtirish, moliyaviy-intizomiy holatni yaxshilash kerakligini ta’kidladi.
Yanvar oxirida Toshkentda kattalar hospisi ochilishi mumkin. U o‘lim xavfi bo‘lgan bemorlarga palliativ yordam ko‘rsatish bo‘yicha uslubiy markazga aylanadi, ularning tajribasi butun mamlakatga tarqatiladi.
Chiqindi xizmatlaridan aholining qarzdorligi 622,7 mlrd so‘mni tashkil etdi. 31-dekabr holatiga aholiga ko‘rsatilgan xizmatlar uchun hisoblangan 1,4 trln so‘mning 90 foizi qoplangan. Haqiqatda ko‘rsatilmagan xizmatlar uchun hisoblangan 211,9 mlrd so‘m noreal debitor qarzdorlik elektron tizimdan chiqarildi.
Yanvar-noyabr oylarida aholi tijorat banklariga 19,4 mlrd dollarlik valyuta sotdi, 10,6 mlrd dollarlik valyuta sotib oldi. Ijobiy saldo 8,7 mlrd dollardan ortiqni tashkil etib, ichki valyuta bozorida qo‘shimcha taklif yaratdi.
Belarus prezidenti Aleksandr Lukashenko AQShning sanksiyalarni bekor qilishi evaziga 123 nafar mahbusni afv etdi. Ular orasida Belarus muxolifati yetakchilaridan biri Mariya Kolesnikova, bankir Viktor Babariko va 2022-yilgi tinchlik bo‘yicha Nobel mukofoti sovrindori Ales Belyatskiy bor.
O‘zbekistondagi ASU, Piala va Ava brendlari ostida ichimliklar distribyutori bo‘lgan Qozog‘istonning RG Brands shu’ba korxonasi mahalliy alkogolsiz ichimliklar ishlab chiqaruvchi Southhub kompaniyasini sotib olmoqda.
Sud Toshkentda qo‘poruvchilik harakatlarini sodir etishga tayyorgarlik ko‘rishda ayblangan 20 yoshli yigitni 6 yilga ozodlikdan mahrum qildi. U terroristik tashkilotlar g‘oyalari ta’siriga tushgani, Suriyaga chiqib ketish yo‘llarini surishtirgani va taqiqlangan ekstremistik materiallarni tarqatgani aytiladi.
Jahon banki O‘zbekiston uchun 250 mln dollar miqdoridagi kreditni ma’qulladi. U talabalarni moliyalashtirish tizimini modernizatsiya qilishga qaratilgan EduImkon dasturiga yo‘naltiriladi. Dastur 3 yil ichida 600 ming yoshlar uchun ta’lim kreditlaridan foydalanish imkoniyatini kengaytirishga yordam berishi kutilmoqda.
Qo‘shni davlatning gaz infratuzilmasidagi avariya O‘zbekiston tizimida 6 mln kub metr taqchillikka olib keldi, dedi energetika vaziri Jo‘rabek Mirzamahmudov. Bu kunlik iste’molning deyarli 4 foizi.
O‘zbekistonning “Lukoyl” bilan hamkorligi AQSh sanksiyalariga rioya qilgan holda davom etmoqda, dedi energetika vaziri Jo‘rabek Mirzamahmudov. Rossiya kompaniyasining aktivlarini sotish litsenziyasi 17-yanvarga qadar uzaytirildi.
O‘zbekistondagi metan zapravkalar faoliyatiga vaqtincha cheklov kiritilmoqda. Ularning reja-grafigi mahalliy hokimliklar bilan kelishiladi. Energetika vazirligiga ko‘ra, bu qo‘shni davlatdagi gaz tarmog‘ida kuzatilgan texnik nosozlik tufayli import qilinayotgan tabiiy gaz qisqargani bilan bog‘liq.
Litsenziyasi bo‘lmay turib, Umra tadbirlari haqida reklama joylashtirgan turoperatorlarga chora ko‘rildi. Ularga “Reklama to‘g‘risida”gi qonun talablari buzilgani yuzasidan ish qo‘zg‘atilib, moliyaviy jarima qo‘llandi.
Uzbekistan Airways va “O‘zbekiston temir yo‘llari” Yangi yil arafasida talabalar uchun chiptalarga chegirmalar e’lon qildi. Mahalliy yo‘nalishlar uchun 50 foizli chegirma aviaqatnovlar ekonom-klass tariflari uchun 26-dekabrdan 11-yanvargacha, poyezdlar uchun 18-dekabrdan 12-yanvarga qadar amal qiladi.
2026-yil 1-martidan soliq xizmati xodimlari hamda Navoiy va Chirchiq aholisi sinov tariqasida jami yillik daromadlari bo‘yicha soliq deklaratsiyasi taqdim etadi. Deklaratsiya avtomatik yaratiladi. Nomuvofiqlik aniqlansa, qo‘shimcha baholash va jarimalar qo‘llanmaydi.
O‘zbekistonda endi haydovchilik guvohnomasi yo‘q yoki ushbu huquqidan mahrum etilgan inson mashina boshqarsa, yo‘llardagi kameralar tomonidan aniqlanib, unga nisbatan onlayn ravishda chora ko‘riladi.
Transport vazirligi Madina va Jiddadan 4948 nafar (21 ta reys), Dubaydan esa 235 nafar fuqaro O‘zbekistonga qaytarilganini ma’lum qildi. Reyslar davom ettirilmoqda. “O‘zaviatsiya” agentligida tunu kun ishlaydigan shtab tashkil etilgan.
Shavkat Mirziyoyev Qatar, Bahrayn va Iordaniya rahbarlari bilan telefon orqali Yaqin Sharqdagi keskinlikni muhokama qildi. Muloqotlarda mintaqaviy barqarorlikka tahdid soluvchi harakatlarni zudlik bilan to‘xtatish va nizolarni faqat diplomatik yo‘l bilan hal etish zarurligi ta’kidlandi.
Rostov viloyati Bataysk shahridagi uyda chiqqan yong‘in oqibatida voyaga yetmagan o‘zbekistonlik halok bo‘ldi. Uning hujjatlari yonib ketgani sabab jasadni vatanga qaytarishda muammo yuzaga kelgan. Bosh konsulxona ko‘magida marhumning jasadi Krasnodar-Toshkent reysi orqali O‘zbekistonga olib kelindi.
Xorazm viloyati shahar va tumanlarini zamonaviy qiyofaga keltirish, yo‘l va suv infratuzilmasini yaxshilashga 1 mlrd 600 mln dollar ajratiladi. Prezident Hazorasp, Xonqa, Shovot, Yangiariq, Yangibozor, Tuproqqal’a, Xiva va Urganch shaharlarini ishsizlik va kambag‘allikdan xoli hududga aylantirishni topshirdi.
O‘zbekistondan Yaqin Sharq davlatlariga barcha aviakompaniyalarning reyslari to‘xtatildi. Faqatgina 28-fevralgacha xorijga chiqib ketgan yo‘lovchilarni qaytarish uchun mo‘ljallangan reyslarga ruxsat berilgan.
Tabiiy gaz uchun isitish mavsumida belgilangan ijtimoiy me’yor O‘zbekistonning barcha hududlarida 15-martga qadar uzaytirildi. 15-martdan keyin esa ob-havo sharoitidan kelib chiqib, zarur bo‘lsa, qo‘shimcha choralar ko‘riladi.
Isroilda favqulodda holat tartibi amal qilayotgani munosabati bilan O‘zbekiston elchixonasi vatandoshlarni xavfsizlik choralariga rioya qilishga chaqirdi va Misr orqali chiqib ketish tartibini tushuntirdi.
O‘zbekiston milliy valyutasi fevralni dollarga nisbatan 88,59 so‘mga mustahkamlanish bilan yakunladi va yil boshidagi pasayishni qisman qopladi. Kursning o‘rtacha kunlik tebranishi 0,21% ni tashkil etdi - bu o‘tgan yilning may oyida valyuta koridori kengaytirila boshlaganidan beri eng past ko‘rsatkichdir.
Qo‘qonda 16 yoshli bola IIB profilaktika inspektorini pichoqlab, tan jarohati yetkazdi. Voqea yigit yashayotgan uyda sodir bo‘lgan. Holat yuzasidan voyaga yetmagan O‘.O‘.ga nisbatan jinoyat ishi qo‘zg‘atilib, u protsessual tartibda ushlangan. Hozirda dastlabki tergov harakatlari olib borilmoqda.