Jurnalistika va ommaviy kommunikatsiyalar universitetida o‘nlab talabalar formada kelmagani, shuningdek, kech qolgani uchun darsga kiritilmadi. Talabalardan birining bildirgan videoe’tirozini dekan “OTMning sha’niga dog‘ tushirish” deb baholadi.
Surxondaryoda YPX inspektoriga 10 mln so‘m pora berishga uringan Hindiston fuqarosi ushlandi. U texnik nosoz avto boshqargan va alkogol iste’mol qilgani aniqlangan. Holat yuzasidan jinoyat ishi qo‘zg‘atilib, tergov olib borilmoqda.
Toshkentda yanvar oyida avtobusda chiptasiz yurgan 11 502 yo‘lovchi jarimaga tortildi. Har kuni avtobuslar 1,4 mln yo‘lovchi tashiydi. Chiptasiz yurganlik uchun 41 200 so‘m jarima belgilangan.
Toshkentda yanvar oyida avtobusda chiptasiz yurgan 11 502 yo‘lovchi jarimaga tortildi. Har kuni avtobuslar 1,4 mln yo‘lovchi tashiydi. Chiptasiz yurganlik uchun 41 200 so‘m jarima belgilangan.
Italiyadagi qishki Olimpiadada Daniil Yeybog 1500 metrga short-trek bo‘yicha umumiy hisobda 14-o‘rinni, Medet Nazarov gigant slalomda 50-o‘rinni egalladi. O‘zbekistonlik sportchilarning dastlabki chiqishlari 14 va 15-fevral kunlari bo‘lib o‘tdi.
Chilonzor tumanida Howo yuk mashinasi o‘zi bilan bir yo‘nalishda ketayotgan velosipedni urib yubordi. Oqibatda undagi 22 yoshli yigit halok bo‘ldi. Tarmoqlardagi videoda u yetkazib berish xizmatida ishlaganini ko‘rish mumkin.
2026-yilda O‘zbekiston bozorida beshta yangi avtomobil modellari, jumladan, mahalliylashtirilgan BYD Yuan Up taqdimoti bo‘lib o‘tadi, deya xabar qildi “O‘zavtosanoat” rahbari Ulug‘bek Rozuqulov. Elektromobil ishlab chiqarish Jizzaxdagi zavodda yo‘lga qo‘yilishi rejalashtirilgan.
Raqobat qo‘mitasi yirik savdo tarmoqlari va majmualarini Ramazon oyida ijtimoiy muhim mahsulotlar narxini asossiz oshirmaslik bo‘yicha ogohlantirdi. Tadbirkorlar narxga ta’sir etuvchi omillar haqida idoraga tezkor xabar berishi kerak.
O‘zbekistonda hafta davomida yog‘ingarchilik deyarli kuzatilmaydi. Harorat kunduz kunlari +20…+25 darajagacha isiydi, kechalari +7…+12 daraja atrofida bo‘ladi.
Samarqand aeroportida Turkiyaga yuborilayotgan ikki ayol to‘xtatildi. Ular ishlashga ketayotganiga ishongan, ammo fohishalik maqsadida olib ketilayotgani aniqlangan. Chipta va xarajatlarni Turkiyadagi o‘zbekistonlik ayol to‘lab bergan, unga nisbatan jinoyat ishi qo‘zg‘atildi.
O‘zbekiston prezidenti 19-fevral kuni bo‘lib o‘tadigan Tinchlik kengashining birinchi yig‘ilishida ishtirok etish uchun AQSh poytaxtiga safar qiladi.
Buxoro viloyatida kechqurun va tungi vaqtda havo sifatining keskin yomonlashishi kuzatildi. O‘zgidromet bunga shamol va changli tuman sabab bo‘lganini xabar qildi.
Sea Breeze Uzbekistan kurortining oqova va ichimlik suv tizimlari 2027-yil yakunigacha qurilishi aytilmoqda. Majmuaga Chorvoq suv omboridan yiliga 10 mln kub metr suv olish ko‘zda tutilyapti. “Loyiha Toshkent aholisi ichimlik suviga ta’sir qilmaydi”, - dedi Toshkent viloyati hokimligi vakili. Gazeta reportaji.
Peshku tumanida oshxona reklamasi uchun fuqaroni oyog‘idan osib qo‘yib videoga olgan shaxslar jarimaga tortildi. Kadrda fuqaro yonida qassob rolidagi shaxs pichoq charxlab turgani ko‘rinadi. Sud ularning harakatlarini reklama to‘g‘risidagi qonunchilikni buzish deb topdi.
IIV Kuala-Lumpurda o‘zbekistonliklarni shahvoniy ekspluatatsiya va majburiy mehnatga jalb qilgan guruh faoliyatiga chek qo‘ydi. Fuqarolar Telegram orqali restoranga ishga taklif etilgan va pasportlari olib qo‘yilgan.
Anvar Davletov Xorazm viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari, Alisher Duschanov viloyat hokimi o‘rinbosari lavozimiga tayinlandi.
“Boburnoma”, “Muxtasar” va “Mubayyin” asarlari muallifi Zahiriddin Muhammad Bobur tavalludiga 14-fevralda 543 yil to‘ldi. Sana munosabati bilan Gazeta shoh va shoirning asarlari asosida test tayyorladi.
Qozog‘istonlik figurali uchuvchi Mixail Shaydorov Milan-2026 o‘yinlarida jami 291,58 ball bilan oltin medalni qo‘lga kiritdi. Bu Qozog‘iston uchun qishki Olimpiadalardagi 32 yillik tanaffusdan keyingi ilk oltin medal bo‘ldi.
1-fevraldan chiqarilganiga 50 yildan oshgan avtomobillardan foydalanish va qayta ro‘yxatdan o‘tkazish taqiqlandi. Tartib antikvar avtomobillarlarga tegishli emas. YHXX avtomobilni antikvar deb topilishi uchun qanday talablar borligini tushuntirdi.
O‘zgidromet agentligi Forish tumani Bog‘don shaharchasidan o‘tgan yo‘lga yashin tushganini ma’lum qildi. Tuman hokimligi esa hodisa yuz berganini rad etib, suratni sun’iy intellekt orqali yaratilganini bildirdi.
Gazeta va Yandex Books birgalikda jamoat arboblari va adiblarning kitob javonlariga nazar tashlaydi. “Kitob ulashish” kuniga bag‘ishlangan sonda filologiya fanlari bo‘yicha falsafa doktori Tillaniso Nuryog‘di mutolaaning ahamiyati, o‘qishning shaxsiy tanlovga aylangani va o‘zi sevgan kitoblar haqida fikr yuritadi.
Jahonda geosiyosiy vaziyatning keskinlashuvi ommaviy qirg‘in qurollariga munosabatni o‘zgartiryaptimi? Hozirgi kunda qaysi davlatlar yadro qurollariga ega va ular yadro arsenallarini qanday rivojlantirmoqda? Yangi yadroviy qurollanish poygasi xavfi va zamonaviy texnologiyalarning ta’siri haqida Gazeta sharhi.
Jizzax viloyati Forish tumani Qizilqum qishlog‘iga sel keldi. Sel suvlari 30 ga yaqin aholi xonadonlarning hovlisi va tomorqalariga kirgan.
“Najmiddin Kubro”, “Ardaxiva” badialari, “To‘rabekaxonim”, “Gaplashadigan vaqtlar” singari qissalar muallifi Omon Matjon tavalludiga 14-fevralda 83 yil to‘ldi.
“Kinotavsiya”ning navbatdagi sonida Sarvar Karimov bir qancha sevgi qissalari haqida hikoya qiladi. Shuningdek, qirg‘izistonlik kinoijodkorlar tasvirga olgan “Jannat onalar oyog‘i ostida” filmining davomi - “Onamga maktub” kartinasi va boshqa filmlar ham yaqin kunlarda katta ekranlarga chiqishi kutilmoqda.
Yanvarda yillik inflyatsiya 7,2% bo‘ldi, narxlar o‘sishining 13 foizi go‘sht mahsulotlariga to‘g‘ri keldi. Dehqon xo‘jaliklarida ishlab chiqarish hajmi qisqarishi va import keskin o‘sishi fonida prezident ozuqa ekinlari maydonini ko‘paytirish va chetdan yetkazib berishga bo‘lgan bog‘liqlikni kamaytirish topshirig‘ini berdi.
“Ezgulik” inson huquqlari jamiyatiga korrupsiyaga qarshi kurashish loyihasi uchun yutgan 500 mln so‘m grant mablag‘i berilmaydigan bo‘ldi. Parlament komissiyasiga ko‘ra, Antikorrupsiya agentligi shartnoma imzolamagach, pul Moliya vazirligiga qaytarilgan. “Ezgulik” jamiyati senator hamda agentlikni sudga bermoqchi.
Mahalliylashtirish loyihalariga 10 yilgacha muddatga xorijiy valyutada 6%, milliy valyutada 12% stavkada kredit ajratiladi. Tadbirkorlarga ilg‘or texnologiyalar transferi uchun 1 million dollargacha, sanoat startaplari uchun 1 milliard so‘mgacha kompensatsiya beriladi.
“Dizayn” jamoasi a’zosi Dilshodbek Musabekov vafot etdi. Ijodkor ko‘rsatuvlarda boshlovchilik qilgan va bir qancha filmlarda rol ijro etgan.
Huquqni muhofaza qiluvchi organlar Andijonda sintetik narkotiklar ishlab chiqarilgan yashirin laboratoriya aniqladi. Dala hovli va ijaraga olingan ombordan 26 kg mefedron hamda qariyb 1,5 tonna prekursor musodara qilindi. Ularning qora bozordagi qiymati 1 mln dollarga baholanmoqda.
Hududlarda “Yagona buyurtmachi xizmati” injiniring kompaniyalari qurilish sifati va samaradorligini nazorat qilishga ulgurmayapgani bois Qoraqalpog‘iston, Samarqand va Farg‘onada qurilish sohasida buyurtmachi xizmatlariga tajriba tariqasida xususiy sektor jalb qilinadi.
O‘zbekiston prezidenti keyingi haftadan boshlanadigan Ramazon oyida narx-navo barqarorligini ta’minlash har qachongidan ham muhim ekanini ta’kidladi. Davlat rahbari dehqon bozorlari va yirik savdo komplekslarida arzonlashgan oziq-ovqat yarmarkalarini boshlash bo‘yicha topshiriq berdi.
Toshkentda ota-bola yashirin omborda saqlangan va dorixonalarga yetkazish uchun mo‘ljallangan 3 mlrd so‘mlik sertifikatsiz dorilar bilan ushlandi. Tezkor tadbirda 133 mingdan ortiq dori, 50 ming dollar, 10,6 mln so‘m va 150 ta bank kartasi ham ashyoviy dalil sifatida olindi. Tekshiruv olib borilmoqda.
Prezident Ohangaron tumanidagi Enco Group korxonasida bo‘ldi. Qiymati 60 mln dollarlik zavod yiliga 25 ming tonna mahsulot ishlab chiqaradi. Eksport salohiyati 300 mln dollar bo‘lib, mahsulot Germaniya, Latviya, Estoniya, Bolgariya va MDH davlatlariga yetkazib berilishi rejalashtirilgan.
Ohangaronda qiymati 30 mln dollar va yillik ishlab chiqarish hajmi 87 mln dollarni tashkil etuvchi Premier maishiy texnika korxonasi qurilishi yakunlanmoqda. Hozir O‘zbekistonda bu kabi korxona ikkita, Markaziy Osiyoda esa to‘rtta.
O‘zbekiston prezidenti mahalliy avtomobillarga talabini rag‘batlantirish maqsadida avtokredit stavkasini pasaytirish va hajmini oshirish chorasini ko‘rish topshirdi.
Shavkat Mirziyoyev Ohangarondagi Infinity Copper Group korxonasida bo‘ldi. Qiymati $36 mln bo‘lgan loyiha Xitoy va Germaniya kompaniyalari bilan amalga oshirilmoqda. U 350 mln dollarlik eksportni ta’minlashi kutilmoqda, mahsulotlarni BAA, Afrika qit’asi, AQSh va Yevropaga yetkazib berish reja qilingan.
Shavkat Mirziyoyev mutasaddilarga mahalliy korxonalar uchun xomashyo importiga tegishli bojlarni to‘liq qayta ko‘rib chiqishni topshirdi. Prezident kichik korxonalarning xomashyoga ehtiyojini aniqlab, xomashyo zaxirasini shakllantirish vazifasini qo‘ydi.
Ohangaronda Vades Group amalga oshirayotgan loyiha doirasida yiliga 6 mln dollarlik SIM karta chiplari va bank kartalari eksporti yo‘lga qo‘yiladi. Ishlab chiqariladigan mahsulotlar Qozog‘iston, Tojikiston, Qirg‘iziston, Mozambik, Kambodja kabi qator davlatlarga eksport qilinishi rejalashtirilgan.
Yanvarda O‘zbekistonda ikkilamchi uy-joy o‘rtacha narxlari nisbatan mo‘’tadil saqlanib, 0,9% ga o‘sdi, yillik hisobda o‘sish 8% ga yetdi. Toshkentda ikkilamchi uy-joy narxlari 0,6% gacha sekinlashdi, ayni paytda yillik hisobda o‘sish 2% gacha tezlashdi.
Prezidentga Toshkentdagi Kreativ industriya bog‘i konsepsiyasi taqdimot qilindi. Uning tarkibiga bog‘, xalqaro dasturlash tarmog‘i maktabi, buk-kafe, kino va video ishlab chiqarish zonalari va boshqa obyektlar kiradi.
Istanbulda Durdona Hakimovaning jasadi chiqindi qutilaridan topilgach, uning dugonasi Sayyora Ergashaliyeva ham qidirilayotgandi. Aniqlanishicha, o‘zbekistonlik ikki erkak Durdonadan avvalroq Sayyorani ham ayni shaklda o‘ldirgan. Gumonlanuvchilar aybiga iqror bo‘ldi.
Toshkentda 16-fevraldan 6, 45 va 137-avtobus yo‘nalishlari o‘zgaradi: 6-avtobus Amir Temur ko‘chasiga chiqmaydi, 45-avtobus Food City’gacha bormaydi, 137-avtobus “Yangi Qo‘yliq ko‘chasi” bekatigacha yuradi.
Juma kuni Shavkat Mirziyoyev Toshkent viloyatining Ohangaron tumaniga tashrif buyuradi. Davlat rahbari korxonalar faoliyati bilan tanishadi, tarmoq va hududlarda yuqori iqtisodiy o‘sish sur’atlarini ta’minlash bo‘yicha yig‘ilish o‘tkazadi.
Raqobat qo‘mitasi Alhadaya BFQ reklamasida aniqlangan qonun buzilishi yuzasidan moliyaviy jarima qo‘lladi. Qo‘mitaga ko‘ra, reklamada mazkur BFQga xos bo‘lmagan ta’sir xususiyatlari tilga olingan va uning “terapevtik samaradorligi va kasalliklarni yengillashtirishi” haqida chalg‘ituvchi ma’lumotlar berilgan.
O‘zbekistonda dam olish kunlari yog‘ingarchiliksiz ob-havo bo‘lishi kutilmoqda. Yakshanba kuni harorat kechasi +5…+10, kunduzi +17…+22 daraja atrofida bo‘ladi. Ayrim joylarga tuman tushishi mumkin.
Andijon viloyatida tadbirkorni yollanma qotil orqali o‘ldirishni rejalashtirgan guruh a’zolari ushlandi. Ular qotilga kelishilgan 1500 dollardan dastlabki pulni berayotgan vaqtda qo‘lga olingan. Holat yuzasidan qasddan odam o‘ldirishga suiqasd moddasi bilan jinoyat ishi qo‘zg‘atildi.
“Asakabank” boshqaruvi raisi lavozimida ishlab kelayotgan Kudratilla Tulyaganov Toshkent shahrining Olmazor tumani hokimi bo‘ldi.
Shavkat Mirziyoyev Asaka, Oltinko‘l, Xo‘jaobod, Shahrixon tumanlari hamda Andijon shahrini ishsizlik va kambag‘allikdan xoli hududlarga aylantirish vazifasini qo‘ydi. Oltinko‘l, Izboskan, Asaka, Qo‘rg‘ontepa va Buloqboshida tomorqa maktablari tashkil etiladi.
Rashid Abdullayev “O‘zbekipaksanoat” uyushmasi raisi bo‘ldi. Bunga qadar u uyushma raisi birinchi o‘rinbosari bo‘lgan.
Adliya vazirligi elektron litsenziyalash tizimida nodavlat OTMlarga yangi litsenziyalar berilgani ma’lum bo‘ldi. Keyinroq Oliy ta’lim vazirligi bunga tizimdagi texnik nosozlik sabab bo‘lganini bildirdi va o‘zgarishni rad etdi.
90 kundan ortiq chetda bo‘lib qaytganlarni OIVga majburiy testdan o‘tkazish tartibi amalda emas, ammo O‘zbekistonda bunday holatlar uchrayotgani Gazeta`ga ma’lum bo‘ldi. Biz testga chaqiruv olganlarning ayrimlari bilan gaplashdik, rasmiylardan izoh so‘radik. Jarayon rasmiyatchilikka aylangandek taassurot uyg‘otdi.
Prezident QQS ma’murchiligini takomillashtirish va uni qaytarishni nazarda tutuvchi hujjatlar loyihalarini ishlab chiqishni buyurdi. Gap bu soliqni to‘lovchilarni soddalashtirilgan ro‘yxatga olish, marketpleys orqali eksport uchun QQS qaytarish, mehmonxona va tibbiyot biznesini qo‘llab-quvvatlash haqida bormoqda.
Xorijiy davlatlarning og‘ir yukli va yirik o‘lchamli transport vositalari O‘zbekistonda harakatlanishi uchun to‘lovlar miqdori o‘zgardi: endi bu 100 km gacha BHMning 54 foizi (hozirda 222 ming so‘m) bo‘ldi, keyingi har bir km uchun - 0,24 foiz.
O‘zbekiston maktablarida har haftaning juma kuni o‘tkazib kelingan “Sinf soatlari” o‘rniga, dushanba kuni “Kelajak soati” darslari o‘qitiladi. Bu maktabgacha va maktab ta’limi vazirining buyrug‘ida ko‘zda tutilgan.
Janubiy Koreya parlamenti maktablarda dars paytida mobil telefonlardan foydalanishni taqiqlovchi qonunni qabul qildi. Maktablarga, shuningdek, o‘quvchilarga smart qurilmalardan to‘g‘ri foydalanishni o‘rgatish majburiyati yuklandi.
Uzbekistan Airways sentabrda Toshkentdan Termiz, Buxoro, Farg‘ona, Navoiy va Namanganga aviaqatnovlar sonini oshiradi. Parvozlar Airbus A320 samolyotlarida amalga oshiriladi.
Jinoyat ishlari bo‘yicha Shahrisabz tumani sudida Rossiya tomonidan Ukrainaga qarshi urushda o‘z xohishi bilan qatnashgan O‘zbekiston fuqarosi ozodligi 4 yilga cheklandi. U 2024-yil 26-avgust kunidan janglarga kirishib, 2 marta og‘ir jarohatlangan.
O‘zbekistonda 2026-yildan boshlab dori vositalari va tibbiy jihozlarni ro‘yxatdan o‘tkazish 3 bosqichda amalga oshiriladi. Ularning muvofiqlik sertifikatini rasmiylashtirishda xalqaro talablar ko‘zda tutiladi. Shundan so‘ng 5 yillik guvohnoma beriladi.
O‘zbekistonda Telekommunikatsiyalarni tartibga solish agentligi tashkil etiladi. Agentlik operator va provayderlar tomonidan ko‘rsatilayotgan xizmatlar sifati ustidan tegishli monitoring olib boradi va o‘z faoliyatida Vazirlar Mahkamasiga hisobdor bo‘ladi. Monitoring har oyda kamida 1 marotaba o‘tkaziladi.
O‘zbekistonda ilk bor favqulodda vaziyatlarda erta ogohlantirish tizimining milliy standarti qabul qilindi. U aholini ogohlantirishning texnik vositalariga yagona talablarni, ularning tasnifini, shuningdek, mavjud va yangi ishlab chiqilgan tizimlar uchun qo‘llash qoidalarini belgilaydi.
15-iyuldan 15-avgustgacha o‘tkazilgan “Xavfsiz va sog‘lom yurt” tadbirlari davomida 2410 ta jinoyat ishi qo‘zg‘atildi. IIV Tergov departamenti boshlig‘i Ramazon Ashrapovga ko‘ra, gumonlanuvchilarni ushlash holatlari o‘tgan oyga nisbatan 50,7 foizga, qamoqqa olish choralarining qo‘llanishi esa 48 foizga oshgan.
Ikkinchi chorakda O‘zbekistonda bo‘sh ish o‘rinlari soni qariyb 29 foizga oshdi, biroq ish izlovchilarning faolligi pasayli. Biznes muayyan malakaga ega mutaxassislarni qidirmoqda, biroq bozorda shu malakaga ega kadrlar yetishmayapti, deyiladi Markaziy bank sharhida.
Toshkent shahrida 18-sonli yo‘nalish avtobuslaridan biri ikkinchisining orqasidan kelib urgan. Voqea sabab avtobuslar biridagi 20 yoshli yo‘lovchi yengil jarohat olgan.
Yanvar-iyul oylarida O‘zbekistonning tashqi savdo aylanmasi 44,4 mlrd dollarga (+19,9 foiz) yetdi. 4,2 mlrd dollar salbiy tashqi savdo balansi qayd etildi. Eksport tarkibida sanoat va oziq-ovqat mahsulotlari eng katta ulushni egalladi, mashinalar va transport asbob-uskunalari eng ko‘p import qilindi.
Andijon shahridagi 36-maktabda direktor va xo‘jalik ishlari bilan shug‘ullanuvchi uch xodim laboratoriyadagi texnik spirtni iste’mol qilish oqibatida zaharlandi. Xo‘jalik mudiri va qorovul vafot etdi, ikki kishi shifoxonada davolanmoqda. Tekshiruv harakatlari boshlandi.
Workmall xususiy bandlik agentligi o‘zbekistonlik elektriklarni Janubiy Koreyada kemasozlik korxonasiga ishga taklif qilmoqda. Nomzodlar soha bo‘yicha diplomga va ushbu yo‘nalishda 1 yildan ortiq rasmiy ish tajribasiga ega bo‘lishi kerak. Oylik maosh 2 571 000 von (1750 AQSh dollari)ga teng.
Banklarga mijozlarga kredit risklari haqida cheklistlar taqdim etish hamda majburiy opsiyalar va avtoto‘ldiriladigan maydonchalar amaliyotiga barham berish majburiy bo‘ldi. Ijtimoiy nafaqa qarzlarini hisobdan chiqarish, so‘ralganidan ortiqcha kredit taklif qilish, to‘lovlarni oldinroq undirish ham taqiqlandi.
Jizzaxdagi xususiy bog‘chada 1,5 yoshli qizcha basseynga tushib ketib, vafot etdi. Maktabgacha va maktab ta’limi boshqarmasi tomonidan xizmat tekshiruvlari o‘tkazilmoqda. Shuningdek, jinoyat ishi qo‘zg‘atilgan bo‘lib, tuman prokuraturasi tomonidan tergov harakatlari olib borilmoqda.
Oktabr oxiridagi issiqlikdan so‘ng O‘zbekistonga sovuq antitsiklon kirib kelishi kutilyapti. Amaldagi qoidaga ko‘ra, mamlakatda isitish mavsumi sutkalik harorat ketma-ket besh kun +8 darajadan past bo‘lganda boshlanadi.
Rossiyaning “Lukoyl” neft kompaniyasi Gunvor Group energetika treyderidan guruhning xorijiy aktivlarini sotib olish bo‘yicha taklif olgani haqida ma’lum qildi. Bitim AQShning OFAC va boshqa nazorat organlari tomonidan tasdiqlanishi kerak.
500 kV quvvatli “Puli-Xumri” elektr uzatish liniyasi tarmog‘i tugallangach, O‘zbekiston Afg‘onistonga elektr energiyasi eksportini bir necha barobarga oshirishi mumkin, dedi energetika vaziri Jo‘rabek Mirzamahmudov.
Bir qancha xorijiy kompaniyalar tomonidan O‘zbekistonda shamol generatorlari uchun zarur butlovchi qismlarni ishlab chiqaruvchi zavod qurish rejalashtirilgan. Zomin tumanida shamol parraklarini, Qo‘ng‘irot tumanida shamol elektr stansiyasi minorasini ishlab chiqaruvchi zavodlarni qurish ishlari amalga oshirilmoqda.
Mirzaobod tumani sobiq hokimi Jonibek Yariyev Sardoba suv omboridagi texnogen ofatdan keyin qurilgan uy-joylarni taqsimlashda qonun buzilishlariga yo‘l qo‘ygani sabab javobgarlikka tortildi. Sud unga tayinlangan 2 yil 6 oy axloq tuzatish ishlari jazosini o‘z kuchida qoldirdi.
Toshkent shahar hokimi qarori bilan poytaxtda issiq suv va issiqlik ta’minoti xizmatlari tariflari oshirilmoqda. Aholi uchun narx 15 foizga, yuridik shaxslar uchun 40 foizga, budjet tashkilotlari uchun 18,8 foizga oshadi. Tariflar oxirgi marta 2024-yil 15-noyabrda ko‘tarilgan.