“Paxtakor” futbol klubining sobiq futbolchisi, O‘FA faxriylar kengashi raisi, “O‘zbekiston Respublikasida xizmat ko‘rsatgan yoshlar murabbiysi” To‘lagan Isoqov 76 yoshida vafot etdi. Isoqov jarohati sababli 1979-yilda samolyot halokatiga uchragan “Paxtakor” tarkibida bo‘lmagan edi.
Rossiyaning Xakasiya hududida turli qiyinchiliklarga uchrab, og‘ir moddiy ahvolda qolgan O‘zbekiston fuqarosi va uning uch nafar farzandi Bosh konsulxona ko‘magida vatanga qaytarildi.
Qashqadaryo YHXB ijtimoiy tarmoqlarda tarqalgan YTH bo‘yicha ma’lumot berdi: Nexia 2 va Cobalt to‘qnashuvida 1 kishi shifoxonada vafot etdi, 2 kishi jarohatlandi. 9 nafar qurbon borligi haqidagi xabar tasdig‘ini topmadi.
Qashqadaryo YHXB ijtimoiy tarmoqlarda tarqalgan YTH bo‘yicha ma’lumot berdi: Nexia 2 va Cobalt to‘qnashuvida 1 kishi shifoxonada vafot etdi, 2 kishi jarohatlandi. 9 nafar qurbon borligi haqidagi xabar tasdig‘ini topmadi.
Shavkat Mirziyoyev General Motors International direktori bilan avtomobillarni mahalliylashtirishni chuqurlashtirish va mahsulot turlarini kengaytirish masalalarini muhokama qildi. “O‘zbekiston - strategik muhim davlat… Mamlakatda Chevrolet’ning keng tarqalgani meni quvontiradi”, - dedi kompaniya vakili.
Toshkent aeroportida erkak ziyoratchi ko‘rinishida kiyinib, noqonuniy yuk olib kirishga urindi. Bojxonachilar undan qariyb 205 mln so‘mlik 1798 o‘ram turli dori vositasini olib qo‘ydi.
Toshkent metropolitenida mini kutubxonalar ochildi. Endilikda yettita bekatda, shuningdek, “Alisher Navoiy” va “Paxtakor” vokzallari o‘rtasidagi o‘tish yo‘laklarida kitob javonlari mavjud. Yo‘lovchilar safar davomida kitob o‘qishi mumkin bo‘ladi, deya ta’kidladi Transport vazirligi.
O‘zbekiston va YI viza rejimini soddalashtirish bo‘yicha muzokaralar o‘tkazishi mumkin, ammo bu ertangi kun masalasi emas, dedi YIning O‘zbekistondagi elchisi Gazeta’ga. Unga ko‘ra, bu ikki tomonlama munosabatlar mustahkamlanishi va o‘zbekistonliklarning YI davlatlari viza qoidalariga rioya qilishiga bog‘liq.
Abror Muxtor Aliyning siyosatshunos Hamid Sodiq haqidagi fikrlari muhokamalarga sabab bo‘ldi. Diniy bloger, jumladan: “Bizning aqidada… shunaqa odamlarni o‘ldiringlar, deyilgan”, dedi.
Oktabrda aholi va tadbirkorlik subyektlarining inflyatsion kutilmalari o‘tgan oyga nisbatan pasayib, mos ravishda 11,7 va 11,1 foizni tashkil etdi. Kommunal xizmatlar va yoqilg‘i-energiya narxlari oshishi asosiy xavotirligicha qolmoqda.
O‘zbekistonda aholiga ko‘rsatilayotgan tibbiy xizmatlarda xususiy sektorning ulushi 30 foizga yetdi. Xususan, oftalmologiya va operativ oftalmologiyaning 60 foizi, LOR va endoskopik LOR xizmatlarining 70 foizi hamda stomatologik tashxis va muolajalarning 91 foizi xususiy klinikalar tomonidan ko‘rsatilyapti.
Samarqandda YUNESKO Bosh konferensiyasining 43-sessiyasi doirasida sun’iy idrok etikasi bo‘yicha tadqiqotlar uchun Beruniy nomidagi YUNESKO-O‘zbekiston xalqaro mukofotining ilk sovrindorlariga mukofotlar topshirildi.
Navoiyda xotini, qaynotasi va qaynonasini yuk mashinasida bosib ketib, o‘ldirgan shaxs umrbod ozodlikdan mahrum etildi. Fuqaro ularni bosib ketgandan so‘ng, yana qayrilib, ikkinchi marta ularning ustiga yuk mashinasini haydagan. Mashinadan tushib, chalajon holatdagi xotinini pichoqlagan.
O‘zbekiston prezidenti AQSh bilan hamkorlikning to‘rt ustuvor yo‘nalishi - energetika, strategik xomashyo, logistika va IT sohasini ko‘rsatib o‘tdi. Qayta tiklanuvchi energiya manbalarini rivojlantirish energiya narxini 15% ga pasaytirishi va uni mintaqadagi eng arzon manbalardan biriga aylantirishi mumkin.
O‘zbekiston amerikalik hamkorlar bilan shaxsiy ma’lumotlarni saqlash to‘g‘risidagi qonunchilikni yangilashni yakunlamoqda, dedi Shavkat Mirziyoyev. Uning aytishicha, bu Apple Pay va Google Pay to‘lov tizimlarini ishga tushirish, shuningdek, raqamli akademiyalar va startap hablarni rivojlantirish uchun sharoit yaratadi.
BMT Xavfsizlik kengashi Suriya muvaqqat prezidenti Ahmad al-Sharaa hamda mamlakat ichki ishlar vaziri Anas Xattobdan sanksiyalarni olib tashladi. Al-Sharaa 10-noyabr kuni Vashingtonda Donald Tramp bilan uchrashishi kutilmoqda.
O‘zbekistonlik 20 yoshli Umid Zohirjonov Turkiyadan deportatsiya qilindi. U vatanda kiberfiribgarlik sodir etib, 10 dan ortiq fuqaroning mablag‘ini o‘zlashtirishda ayblanmoqda va qidiruvda edi. Bosh konsulxona javobgarlikdan qochib, chetda yashayotganlarni jinoiy ta’qib etish davom ettirilishini eslatdi.
Sovuq havo massasi O‘zbekiston hududidan asta-sekin chekinmoqda. Havo harorati dam olish kunlari kunduzi +14…+17 darajagacha, mamlakat janubida esa +18…+20 darajagacha ko‘tariladi.
Buxoroda ekologiya bo‘limi xodimiga kuch ishlatgan fuqarolar javobgarlikka tortildi. 4 nafar fuqaro noqonuniy ravishda saksovul kesgan hamda ekologiya bo‘limi xodimi va IIB inspektorining talablariga bo‘ysunmagan.
YUNESKOning Samarqanddagi konferensiyasida misrlik Xolid Al-Anani to‘rt yil muddatga yangi bosh direktor etib saylandi. U tashkilotning o‘n ikkinchi rahbariga aylanadi va 15-noyabr kuni Odri Azule o‘rniga lavozimga kirishadi.
Markaziy Osiyo nafaqat strategik jihatdan muhim, balki “avvalgi prezidentlar e’tiborsiz qoldirgan” o‘ta boy hududdir, dedi Donald Tramp “C5+1” sammitida. Uning so‘zlariga ko‘ra, tomonlar yirik bitimlar, jumladan, Amerika harbiy texnikasini yetkazib berish bo‘yicha kelishib olgan.
Navoiy viloyati sobiq hokimi Abduxoliq Aydarqulov 83 yoshida vafot etdi. U faoliyatini sovxozlarni ta’mirlash ustaxonalarida boshlagan. 1991-yildan 1995-yil 5-yanvargacha Navoiy viloyati hokimi bo‘lgan. 1994-yilda “Shuhrat” medali bilan mukofotlangan.
Jizzax shahriga 10 ta zamonaviy Ankai avtobuslari olib kelindi. Ular shahar ichi yo‘nalishlariga brutto-shartnoma asosida joylashtiriladi.
O‘zbekiston prezidenti Vashingtonda bo‘lib o‘tgan “C5+1” sammitida AQSh prezidentining Markaziy Osiyo bilan hamkorlikni rivojlantirishdagi rolini yuqori baholadi. U Donald Tramp Rossiyaning Ukrainaga qarshi urushini to‘xtata olishiga umid bildirdi.
General Motors O‘zbekistonda mahsulotlar turini kengaytirishni va mahalliylashtirishni chuqurlashtirishni rejalashtirmoqda. Vashingtonda Shavkat Mirziyoyev va kompaniya global ijrochi direktori o‘rtasida uchrashuv bo‘lib o‘tdi.
O‘zbekiston va AQSh nodir metallarni qazish, nasos stansiyalarini modernizatsiyalash, tomchilatib sug‘orishni joriy etish, samolyotlar, soya dukkaklari va paxta yetkazib berish bo‘yicha shartnomalar imzoladi.
Qosim-Jomart Toqayev AQSh prezidenti bilan uchrashuvda Qozog‘istonning Ibrohim kelishuvlariga qo‘shilish niyatini ma’lum qildi. Bitim Tramp tashabbusi bilan 2020-yilda Isroil va 4 ta arab davlat ishtirokida tuzilgan.
Markaziy Osiyo-AQSh (C5+1) sammitida qatnashgan O‘zbekiston prezidenti navbatdagi shunday sammitni Samarqandda o‘tkazish taklifi bilan chiqdi. Shavkat Mirziyoyev, shuningdek, “Markaziy Osiyo investitsiyaviy sherikligi” jamg‘armasini ishga tushirish, muhim minerallar sohasida maxsus qo‘mita tuzish kabilarni taklif qildi.
Shavkat Mirziyoyevning AQSh savdo vaziri Xovard Latnik bilan uchrashuvida hududlararo hamkorlik mexanizmlarni yaratish va qishloq xo‘jaligi sohasidagi hamkorlik haqida gaplashildi. Tomonlar, shuningdek, savdo bo‘yicha Muvofiqlashtiruvchi kengash ta’sis etishdan manfaatdor ekanini ta’kidladi.
Shavkat Mirziyoyev va Donald Tramp Oq uyda “C5+1” sammiti boshlanishidan oldin muzokara o‘tkazib, qo‘shma loyihalarni ilgari surishning ahamiyatini qayd etdi. Tramp yana bir bor o‘ziga qulay vaqtda O‘zbekistonga kelishga taklif etildi.
AQSh Xalqaro moliyaviy taraqqiyot korporatsiyasi (DFC) Toshkentda vakolatxonasini ochishni rejalashtirmoqda. Bu haqda Shavkat Mirziyoyev va DFC rahbari Ben Blekning Vashingtondagi uchrashuvida so‘z bordi.
14 yoshga to‘lmagan bolani zo‘rlagani uchun sudlangan shaxs umumiy tartibli koloniyadan manzil-koloniyaga o‘tgach, u yerni tark etib, yaqinda 9 yoshli qizni zo‘rladi. Gazeta yuristlar bilan bunday holatlar takrorlanmasligi uchun huquqni qo‘llashda nimalar o‘zgarishi kerakligi haqida suhbatlashdi.
MO mamlakatlari uchun Jekson-Venik tuzatishini bekor qilish taklifi, O‘zbekistonda energiya saqlash tizimlarini quradigan BAA kompaniyalari, JSTga a’zolik bo‘yicha Kanada bilan erishilgan kelishuv, “Toshturma” o‘rnida quriladigan mehmonxona va boshqalar - Gazeta’ning kunlik dayjestida.
Shavkat Mirziyoyev va AQSh Eksport-import banki bosh direktori Jon Yovanovichning Vashingtondagi uchrashuvida O‘zbekiston va bank o‘rtasidagi hamkorlikni kengaytirish masalalari muhokama qilindi. Gap energetika, muhim minerallar, transport, qishloq xo‘jaligi, IT va boshqa sohalardagi loyihalar haqida ketmoqda.
Andijon viloyati Buloqboshi tumanida Xitoy bilan hamkorlikda 350 mln dollarlik sanoat va qurilish loyihasi boshlandi. Uning doirasida shiferdan tortib yo‘lak plitkasigacha ishlab chiqaruvchi korxonalar, logistika markazi va Buloqboshi City qurish ko‘zda tutilgan.
O‘tgan oktabr oyida iste’molchilarning energiya resurslaridan noqonuniy foydalanishi bilan bog‘liq 192 ta holat aniqlandi. Tabiiy gaz va elektr energiyasi talon-toroji oqibatida bir oy davomida tizimga 99 milliard so‘mlik zarar yetkazildi.
Ohangaronda 6400 gektar maydonda 10 mlrd dollarlik investitsiya bilan ingliz huquqini tatbiq etuvchi “aqlli shahar” qurilishi rejalashtirilmoqda. Tashabbuskor Going Investment uni MOdagi eng yirik savdo, sanoat va moliya markazi sifatida ko‘rmoqda. Tramvay liniyasi va universitet qurilishi ham mumkin.
Toshkentda chiqindidan qarzdorlarga elektr uchun to‘lov qilishni cheklash haqida xabarlar berila boshlandi. HET vakiliga ko‘ra, 20 mingga yaqin qarzdorga SMS ogohlantirishlar yuborildi. 5 kun ichida qarzdorlik bartaraf etilmasa, “svet”ga to‘lov qilish cheklanadi. Dekabrdan boshqa hududlarda ham shu amaliyot boshlanadi.
Collins English Dictionary 2025-yil so‘zi sifatida “vayb koding” (vibe coding)ni tanladi, bu tabiiy tilni sun’iy intellekt yordamida kompyuter kodiga aylantiradigan yangi dasturiy ishlanmani anglatadi.
AQSh davlat kotibi Marko Rubio o‘z mamlakatining MO davlatlari bilan “muhim masalalar bo‘yicha milliy manfaatlari bir-biriga mos kelishini” aytib, munosabatlarda yangi davr boshlanishini bildirdi. AQSh maxsus vakili Serjio Gor ham Tramp ma’muriyati Markaziy Osiyoga ko‘proq e’tibor qaratmoqchi ekanini aytdi.
Sobiq “Toshturma” hududi kompensatsiya tariqasida sanoat korxonasiga berilgan, ammo ushbu hudud Toshkent bosh rejasida konservatsiya (qo‘shimcha turar va noturar bino qurilishi taqiqlangan) zona sifatida qayd etilgan.
Senator Jeyms Rish AQSh Kongressiga Markaziy Osiyo davlatlari, jumladan, O‘zbekistonga nisbatan Jekson-Venik tuzatishini bekor qilish to‘g‘risidagi qonun loyihasini taqdim etdi. Uning so‘zlariga ko‘ra, AQSh Markaziy Osiyo mamlakatlariga o‘z kelajagini o‘zi belgilashda yordam berishga intilmoqda.
2027-yilga kelib Markaziy bank hisobotlarning to‘liq raqamli va standartlashtirilgan yangi modeliga o‘tadi. MBning loyihalar, jarayon va ma’lumotlarni boshqarish bo‘yicha bosh direktori Go‘zal Rahimova Gazeta`ga loyihaning maqsadi, uning banklar, fintex va mijozlar uchun ahamiyati haqida so‘zlab berdi.
O‘zbekiston Ichki ishlar vazirligi XCM nomli yangi moliyaviy piramida haqidagi ma’lumotlar paydo bo‘lganidan so‘ng surishtiruv ishlarini boshladi. Shuningdek, ichki ishlar organlari xodimlarining ushbu platformani targ‘ib qilishda ishtiroki bo‘yicha xizmat tekshiruvi tayinlandi.
Sirdaryoda o‘zlari yo‘lovchi sifatida ketayotgan mashinani olib qochib, yo‘lda ularni to‘xtatmoqchi bo‘lgan ichki ishlar xodimini pichoqlagan ikki yigit sudlandi. Hukmga ko‘ra, ularning biri 9 yil 6 oy, ikkinchi esa 15 yil 6 oy muddatga ozodlikdan mahrum qilindi.
U-17 Jahon chempionatida Paragvay ustidan qozonilgan g‘alabadan so‘ng O‘zbekiston o‘smirlar terma jamoasi murabbiyi Islom Ismoilov futbolchilar hayajonni yengib, shtab ko‘rsatmalarini bajarganini va raqib bosimiga dosh berganini aytdi.
JSTga a’zo bo‘lish jarayoni doirasida O‘zbekiston Kanada va Panama bilan tovar va xizmatlar bozoriga kirish bo‘yicha muzokaralarni yakunlashga oid protokollarni imzoladi. JST bo‘yicha maxsus vakil Azizbek Urunov jarayonni to‘liq yakunlashda hamon uchta mamlakat qolayotganini aytdi (ular qaysilar ekani noma’lum).
O‘zbekiston Energetika vazirligi BAAning Masdar kompaniyasi bilan Navoiy viloyatida 300 MVt/600 MVt·soat va AMEA Power kompaniyasi bilan 200 MVt/800 MVt·soat quvvatli 2 ta energiya saqlash tizimini qurish bo‘yicha shartnomalar imzoladi.
Gazeta va Yandex Music “Mahallalar musiqasi” loyihasini davom ettiradi. Bu safargi qahramon jahon gimnastikasi afsonasi Oksana Chusovitina bo‘ldi. Biz u bilan bolaligi, o‘z nomi bilan ataluvchi maktab, qizlarga bo‘lgan munosabat va Olimpiya o‘yinlari haqida suhbatlashdik.
O‘zbekiston va AQShning hududlararo aloqalarini, jumladan, G‘arbiy Virjiniya, Michigan va Kaliforniya shtatlari bilan amaliy hamkorlikni yo‘lga qo‘yish orqali rivojlantirish rejalashtirilmoqda. Shavkat Mirziyoyev va AQSh Kongressi vakillari ishbilarmon doiralarning o‘zaro tashriflarini tashkil etishga kelishib oldi.
Toshkent shahri Olmazor tumanidagi ko‘p qavatli uyda yashovchi 14 yoshli bola 9-qavatdan yerga yiqilib tushdi. U mutaxassislar yordamiga qaramay, shifoxonada vafot etdi. Tekshiruv ishlari boshlandi.
Investitsiyalar, sanoat va savdo vaziri o‘rinbosari Ilzat Qosimov Xitoy investitsiyalari O‘zbekistonga xavf solayotgani haqidagi fikrlarga munosabat bildirdi. “Chet ellik investorlar O‘zbekistonda yer sotib ololmaydi, loyihalarda ish o‘rinlarining aksariyatini o‘zbekistonliklar egallaydi”, - deydi u.
O‘zbekistonda 2025-yil 1-iyuldan boshlab 86 turdagi tovarlarga eksport bojxona bojlari joriy etiladi. Ular orasida go‘sht mahsulotlari, bug‘doy, don, guruch, mineral o‘g‘itlar, charm xomashyosi, tabiiy gaz va boshqa tovarlari bor.
Iqtisodiy tadqiqotlar va islohotlar markazi Toshkent shahrida bir kishining daromadi hisobiga uy-joy sotib olish uchun 14,9 yil kerak bo‘lishini ma’lum qildi. So‘nggi 3 yilda mazkur narx-daromad ko‘rsatkichi mamlakat bo‘yicha 11 yildan 9,9 yilgacha pasaygan.
O‘zgalar parvarishiga muhtoj shaxslar uchun kunduzgi qatnov asosida qarab turish xizmati yo‘lga qo‘yildi. Autsorsing shartlari asosida xizmat ko‘rsatishga jalb etilgan tadbirkorlik subyekti haftada 5 ish kuni davomida kuniga kamida 8 soat davomiylikda xizmat ko‘rsatadi.
Raqobat qo‘mitasi Toshkentda tashqi reklama qonunchiligini buzgan kompaniyalarga nisbatan jarimalar qo‘lladi. Ular orasida Carvon AYQSH tarmog‘i, KFC restorani va Stroy Center savdo markazi bor.
Toshkent shahrining barcha tumanlaridagi yo‘llarni ta’mirlash uchun jami 12 mlrd so‘m miqdorida mablag‘ ajratilishi kutilmoqda. Har bir tumanga 1 mlrd so‘mdan ajratilib, bu pullar obodonlashtirish bo‘limlari boshqaruviga o‘tkaziladi.
O‘zbekistonda 1-iyundan issiqlik ta’minoti bo‘yicha yangi talablar joriy etiladi. Barcha yangi va rekonstruksiya qilinadigan binolarda quyosh panellari, suv isitgichlar va issiqlik nasoslarini o‘rnatish majburiy bo‘ladi.
Prezident qarori bilan O‘zbekistonning isitish tizimini isloh qilish rejalashtirilmoqda. Eski qozonxonalar va tarmoqlar yangilanadi, markazlashtirilgan issiqlik ta’minoti qamrovi kengaytiriladi, usiz uylarda lokal qozonxonalar quriladi. Bu gaz sarfini 20 foizga kamaytirishi kerak.
Prezident qarori bilan Qurilish va uy-joy kommunal xo‘jaligi vazirligi huzurida “Issiqlikta’minoti” AJ tashkil etiladi hamda vazirlikka issiqlik ta’minoti sohasida yagona davlat siyosatini yuritishni yuklanadi.
Qirg‘iziston prezidenti Markaziy Osiyo mamlakatlariga bir-birlari uchun vizasiz rejim va xorijliklar uchun mintaqaning yagona vizasini joriy etishni taklif qildi. Silk Road viza loyihasi O‘zbekiston va Qozog‘istonda 2018-yildan beri muhokama qilinmoqda, biroq hozircha amalga oshirilmagan.
Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi. Nizomga ko‘ra, endi talabalar o‘zlashtirish ko‘rsatkichi bo‘yicha ta’lim granti o‘rniga qayta taqsimlanadi.
2024-yilda O‘zbekistonda 100 mingdan ortiq xonadonga ega ko‘p qavatli uy-joy qurildi, bu 2023-yilga nisbatan ikki baravar kam. Shuningdek, yil davomida ro‘yxatdan o‘tgan uy-joy oldi-sotdi bitimlari soni o‘tgan yilga nisbatan 5,8 foizga pasaydi, ipoteka kreditlarining o‘sish sur’ati esa sekinlashdi.
Din ishlari bo‘yicha qo‘mita Umra litsenziyasini olish uchun tadbirkorlik subyektlaridan yangi arizalar qabuli 7-mart kuni boshlanganini e’lon qildi. Arizalarni qabul qilish 7-aprelga qadar davom etadi.
Markaziy bank boshqaruv raisi buyrug‘i bilan biznes egalariga elektr eneregiyasi va gaz uchun to‘lovlarni onlayn to‘lashga ruxsat berilmoqda. Yuridik shaxslar mobil ilovalarda to‘lovlarni korporativ bank kartalari orqali amalga oshirishi mumkin bo‘ladi.
Ekologiya vazirligi Murod Nazarovning “daraxtlar banki” taklifini mavjud moratoriyga alternativ bo‘la olmasligini ta’kidladi. Shuningdek, vazirlik tadbirkorning daraxt kesishda qo‘llayotgan yondashuvlari bo‘yicha huquqni muhofaza qiluvchi organlar tomonidan to‘liq taftish o‘tkazilishi kerakligini ma’lum qildi.
Nepal Telegram messenjerini “onlayn firibgarlik va pul yuvish”ga sabab bo‘lgani uchun bloklashni buyurdi. O‘tgan yili Nepal politsiyasi tranzaksiya dasturiy ta’minotiga buzib kirilishda aloqa uchun Telegram`dan foydalanilganini aniqlagan va shundan so‘ng nazorat kuchaytirilgandi.
“Milliy tiklanish” partiyasi rahbari Alisher Qodirov kasallangan daraxtni ham kesish qiyinlashganini ta’kidlab, post qoldirdi. “Daraxt kesilmasin degani mutlaqo kesilmasin emas, zarur bo‘lsa, kesilishi mumkin degani bo‘lishi kerak!” - deydi deputat.
YUNESKO bir qator shartlar bilan O‘zbekistonning Shahrisabzdagi yodgorlik chegaralarini qayta ko‘rib chiqish tashabbusini ma’qulladi. Temuriylar davriga oid faqat 4 ta obyekt yodgorlik sifatida tan olinishi, qolgan hudud esa bufer zona bo‘lishi mumkin. Ungacha obyekt Xavf ostidagi jahon merosi ro‘yxatida qoladi.
Hukumat 2025−2027-yillarda respublika va mahalliy ijro etuvchi hokimiyat organlarida ichki nazorat tizimini takomillashtirish konsepsiyasini tasdiqladi. Yangi konsepsiya xavflarni boshqarish, hisobdorlikni mustahkamlash va nazorat jarayonlarini samarali qilishni nazarda tutadi.
Hukumat sun’iy intellekt texnologiyalarini joriy etish bo‘yicha ustuvor loyihalar ro‘yxatini tasdiqladi. Jami 86 ta loyiha, jumladan, dori bozorini tahlil qilish, SIga asoslangan raqamli tibbiy yordamchi, Toshkent temiryo‘l vokzallarida UzFace tizimini ishga tushirish rejalashtirilmoqda.
Telegram o‘z vakolatxonasini Rossiyada ochishni rejalashtirmoqda. Bunga Rossiyadagi xorijiy IT kompaniyalarning mamlakatga “qo‘nishi” bilan bog‘liq qonun talabi sabab bo‘ldi.
Zo‘ravonlik sodir etgan shaxslar psixologlar tomonidan ishlab chiqilgan individual tuzatish dasturidan o‘tadi. Profilaktika inspektori tajovuzkorning bunday dasturdan o‘tishini ta’minlaydi.
Tojikiston Rog‘un GESidan elektr energiyasi yetkazib berish bo‘yicha O‘zbekiston bilan tuziladigan bitim loyihasini ma’qulladi. Rog‘un GESi qurilish paytida elektr energiyasi vegetatsiya davrida (1-aprel - 30-sentabr) yetkaziladi, stansiya to‘liq loyiha quvvatiga chiqqach esa yil davomida har oy yetkazib beriladi.
Vazirlar Mahkamasi jazoni ijro etish muassasalaridan ozod qilingan shaxslarga nafaqa tayinlash va to‘lash tartibini tasdiqladi. Unga ko‘ra, nafaqa tayinlash uchun murojaat qilish, murojaatlarni ko‘rib chiqish va nafaqa tayinlash “E-probatsiya” axborot tizimi orqali amalga oshiriladi.