Rossiyaning Novosibirsk shahrida og‘ir moddiy ahvolga tushib qolgan fuqaro va uning ikki farzandi O‘zbekistonga qaytarildi. Tegishli organlar ular uchun sertifikat va aviachiptalar taqdim qildi.
Toshkent shahrida fuqaro yo‘qolib ketish xavfi ostidagi noyob lemur savdosi bilan shug‘ullanayotgani aniqlandi. Jonzot hayvonot bog‘iga topshirildi, fuqaroning harakatlari jinoiy sudda ko‘rib chiqiladi.
Qoraqalpog‘istondagi “Barsakelmes” tuz koni hududida chegaralarda tuzni qayta ishlashga ixtisoslashtirilgan Kungrad Salt Free Zone sanoat zonasi tashkil etiladi. 2030-yilgacha jami 200 mln dollar investitsiya hisobiga konning mavjud imkoniyatlaridan samarali foydalanish rejalashtirilgan.
Yuliya Risyukova Ta’limni rivojlantirish respublika ilmiy-metodik markaziga rahbar etib tayinlandi. Hilola Umarova o‘tkazgan yig‘ilishda markaz oldidagi vazifalar belgilab berildi.
O‘zbekiston futbolchilari U-17 jahon chempionati guruh bosqichini Paragvay ustidan g‘alaba bilan boshladi. Azizbek Abdumo‘minov raqib darvozasini ikki bor ishg‘ol qildi (video, foto, statistika).
O‘zbekistonning savdo geografiyasi kengayishi va xizmatlar ulushi ortayotgani tufayli eksport hajmi o‘sishda davom etmoqda. AQSh, Fransiya, BAA va Ozarbayjonga yuk tashish hajmi oshmoqda, Rossiya, Xitoy, Qozog‘iston va Turkiyaga qaramlik kamaymoqda.
AQSh hukumatining shatdauni boshlanganiga 35 kun 9,5 soat bo‘ldi va bu mamlakat tarixidagi eng uzoq davom etgan shatdaundir. 650 ming federal davlat xizmatchisi haq to‘lanmaydigan ta’tilda, yana 600 ming kishi maosh olmasdan ishlamoqda.
Jahonda oltin narxining oshishi O‘zbekiston budjetiga qo‘shimcha daromad keltirdi, shu sababli hukumat xarajatlarni prognozdan tezroq oshirdi. To‘qqiz oy davomida davlat butun yilga mo‘ljallangan xarajatlar rejasini 90,4 foizga bajardi, deya xabar berdi Markaziy bank.
O‘zbekiston sentabr oyida dunyodagi yagona oltin sotuvchisi bo‘ldi. Markaziy bank bir oy ichida 4 tonna oltin sotgan, yillik kesimda esa sotuv hajmi 21 tonnani tashkil etdi.
AQShning O‘zbekistondagi sobiq elchisi Jon Hyorbstning fikricha, Vashingtonning MOga nisbatan hozirgi yondashuvi yanada pragmatik, o‘zaro manfaatli kelishuvlarga yo‘naltirilgan. “MO - AQSh” sammiti arafasida u Gazeta`ga AQSh ma’muriyati va mintaqa mamlakatlari o‘rtasidagi munosabatlar haqida gapirib berdi.
O‘zbekistonda 1-yanvardan fuqarolar davlat ijtimoiy sug‘urtasi bilan majburiy va ixtiyoriy asosda qamrab olinadi. 1-yanvardan homiladorlik va tug‘ish nafaqasi, 2026-yil 1-iyuldan vaqtinchalik mehnatga layoqatsizlik nafaqasi avtomatik shaklda tayinlanadi.
Centrum Air Samarqand - Dushanbe - Samarqand aviaqatnovini to‘xtatdi. Bu qarorga yo‘nalish bo‘yicha talab pastligi sabab bo‘lgan. Muntazam aviareyslar 7 yillik tanaffusdan so‘ng 20-iyuldan boshlab qayta yo‘lga qo‘yilgandi.
Tashkent Pharma Park klasteri hududida bolalar tagliklari va gigiyena vositalarini ishlab chiqarish yo‘lga qo‘yilishi mumkin. 20 mln dollarlik loyihani Procter & Gamble korporatsiyasi tarkibidagi Prima turk kompaniyasi amalga oshirishi rejalashtirilmoqda.
O‘zbekiston prezidentiga giyohvandlikka qarshi kurashni kuchaytirish, prokuratura tizimini raqamlashtirish va kiberxavfsizlik sohasida huquqiy ta’limni rivojlantirish bo‘yicha tashabbuslar taqdim etildi.
AQShning Kentukki shtatida UPS kompaniyasining yuk samolyoti halokatga uchradi, oqibatda kamida 7 kishi halok bo‘ldi, 11 kishi jarohatlandi. Samolyot bortida taxminan 144 ming litr yonilg‘i bo‘lgan, hodisadan so‘ng yong‘in boshlanib, keng hududga tarqaldi.
Afg‘onistonning DABS energetika kompaniyasi ma’lum qilishicha, elektr uzatish liniyalariga zarar yetkazgan zilziladan so‘ng O‘zbekistondan Afg‘onistonga elektr ta’minoti tiklandi. Kobul va Bag‘lon jumladan 11 ta hududda elektr ta’minoti qayta yo‘lga qo‘yildi.
Nyu York merligi uchun saylovda demokrat-sotsialist Zohran Mamdani g‘alaba qozondi. 34 yoshli siyosatchi 100 yildan ortiq vaqt ichida shaharning eng yosh meri, bu lavozimdagi ilk musulmon va shaharning kelib chiqishi janubiy osiyolik bo‘lgan ilk rahbari bo‘ldi. Saylovda 1969-yildan beri eng yuqori davomat kuzatildi.
Olot tumanida fuqaro 24 tup jiyda daraxtini o‘zboshimchalik bilan ekskavator yordamida qo‘porib tashlagan. Buning oqibatida tabiatga 189,5 mln so‘m zarar yetgan.
Ohangaronda soliq inspektori soliq tekshiruvini ijobiy hal qilib berishni va’da qilib, fermerdan 5 ming dollar pora talab qilishda gumonlanib qo‘lga olindi. Shuningdek, Navoiyda sport maktabi direktori va bosh hisobchisi murabbiyning xizmat safari pullaridan ulush talab qilganlikda gumonlanib ushlandi.
Toshkent viloyatida yangi aeroport quriladigan hududda yangi loyihalar va qurilish ishlari cheklanadi. Bu ushbu hududdagi mavjud mulklar qiymati asossiz oshishining oldini olish maqsadida qilinmoqda.
Vashingtonga yetib borgan Shavkat Mirziyoyevni AQSh davlat kotibining o‘rinbosari Kristofer Landau kutib oldi. Shundan so‘ng davlat rahbari AQShda ishlayotgan va ta’lim olayotgan vatandoshlar bilan ko‘rishdi.
Andijon viloyatida tuman hokimi o‘rinbosari 60 sotix yer ajratib berish uchun 15 ming dollar pora olayotgan vaqtda qo‘lga olindi. Unga nisbatan Jinoyat kodeksining ikkita moddasi bo‘yicha jinoyat ishi qo‘zg‘atildi.
Farg‘ona tumanida maishiy chiqindilardan elektr energiyasi ishlab chiqaruvchi korxona qurilishi boshlandi. Loyihaga Xitoyning China Everbright International Ltd kompaniyasi qariyb $150 mln sarmoya kiritmoqda.
O‘zbekiston bo‘ylab bir necha minglab ingliz tili o‘qituvchilari oktabrda o‘tkazilgan attestatsiya natijalaridan norozi. Ular sinovlar haddan tashqari qiyin bo‘lgani, ba’zi savollar esa bahsli ekanini aytmoqda va jarayonni qayta tashkil etishni so‘ramoqda. Gazeta vaziyatni o‘rgandi.
Uzbekistan Airways, Uzbekistan Airports va “O‘zbekiston temir yo‘llari” kompaniyalari 2025-yil yakunigacha xizmat ko‘rsatish tannarxlarini kamida 20 foizga kamaytirishi kerak, dedi transport vaziri Ilhom Mahkamov.
O‘zbekistonda dori vositalarini ro‘yxatdan o‘tkazish muddatlari qisqartirish ko‘zda tutilmoqda. Bunda generik dori vositalarini qo‘shimcha klinik sinovlardan o‘tkazish talab etilmaydi. Tibbiy jihozlar yagona atama ostida to‘rtta xavfsizlik darajasi bo‘yicha ko‘rib chiqish vaqtlari belgilanadi.
O‘zbekistonda endi nashriyot tahririyati bosh muharrir lavozimiga oliy ma’lumotga va noshirlik faoliyatida kamida 3 yil ish stajiga ega bo‘lgan shaxs tayinlanishi mumkin. Shuningdek, bosh muharrir nashriyotning ijodiy faoliyati uchun qonunchilikka muvofiq javobgar ekani belgilandi.
Surxondaryo viloyatida qadimiy tangalarni xorijga olib chiqmoqchi bo‘lgan shaxs ushlandi. Tangalar XVI asrga oid bo‘lib, ularda arab yozuvida diniy iboralar va hukmdor nomlari bitilgan. Ular Termiz arxeologiya muzeyiga topshirildi, tergovga qadar tekshiruv harakatlari olib borilmoqda.
O‘zbekiston prezidenti Shavkat Mirziyoyev AQSh prezidenti Donald Trampning taklifiga binoan Markaziy Osiyo mamlakatlari va AQSh yetakchilarining “C5+1” formatidagi sammitida ishtirok etish uchun Vashingtonga jo‘nab ketdi.
OTMni bitirganiga 3 yildan oshmaganlarni ishga olgan tadbirkorlarga 18 foizli stavkada 5 mlrd so‘mgacha kredit ajratiladi. Bunda har 1 mlrd so‘mgacha bo‘lgan mablag‘ uchun kamida bir bitiruvchini ishga olish shart.
Shavkat Mirziyoyev Doha sammitida kambag‘allikni qisqartirish dasturlarini qo‘llab-quvvatlash uchun Global ijtimoiy adolat jamg‘armasini tashkil etishni taklif qildi. “Rivojlanayotgan mamlakatlarning ijtimoiy dasturlariga resurslarni jalb qiladigan yangi moliyaviy arxitekturani yaratish vaqti keldi”, - dedi u.
Toshkent viloyati Ohangaron tumanining 6400 gektar hududida Central Asia Smart City shaharchasini qurish rejalashtirilmoqda. 10 mlrd dollar to‘g‘ridan-to‘g‘ri investitsiyalar jalb qilinadi, 150 mingta ish o‘rni yaratiladi.
O‘zbekiston prezidenti Shavkat Mirziyoyev Dohada Qatar amiri Shayx Tamim bin Hamad Ol Soniy bilan uchrashuv o‘tkazdi. “Yashil” energetika, transport, geologiya, to‘qimachilik, turizm, infratuzilmani rivojlantirish va boshqa yo‘nalishlarda fikr almashildi.
Surxondaryo viloyatiga Xitoyning Zhongtong Bus kompaniyasida ishlab chiqarilgan 35 ta zamonaviy avtobus yetkazib kelindi. Yangi avtobuslar to‘liq brutto-shartnomasi asosida shahar ichki yo‘nalishlarida qatnovni boshlaydi.
Yuqori Chirchiq tumanida Koreyaning Haehan Architecture kompaniyasi bilan hamkorlikda 400 gektarlik Tashkent medical smart city qurish rejalashtirilmoqda. Sarmoya miqdori 5 mlrd dollar. Loyiha doirasida tibbiyot muassasasi, maktab, bog‘cha, koreys uslubidagi kvartal va boshqa inshootlar barpo etiladi.
Kiyev viloyatidagi issiqxonada ishlashga majburlangan 19 nafar o‘zbekistonlik Moldova orqali o‘z vataniga qaytarildi. Ularning ozod etilgani haqida Ukraina huquq-tartibot idoralari sentabr oyida xabar bergandi.
O‘zbekiston shaxmatchi qizlari Ozarbayjon terma jamoasini saralash bahsida 2,5:1,5 hisobi bilan mag‘lub etdi va ilk bor Ispaniyada bo‘lib o‘tadigan jamoaviy jahon chempionatiga yo‘llanmani qo‘lga kiritdi.
2024-yilda 271 mingdan ortiq nikoh qayd etilgan bo‘lsa, 45 mingta oila ajrashgan - bu ko‘rsatkichning 28 foizi 30 yoshgacha bo‘lganlar hissasiga to‘g‘ri keladi. Senatorlar oilaviy munosabatlarni mustahkamlash choralarini kuchaytirish zarurligini ta’kidladi va Oila qo‘mitasiga parlament so‘rovi yubordi.
Yangi nizom banklar, jumladan, mikromoliya banklariga mijozlarga mobil ilova orqali o‘lchovli oltin quymalarni sotish va qayta sotib olish imkonini beradi. Qimmatbaho metallni olish uchun shaxsni tasdiqlovchi hujjat va “maxfiy kod”ni ko‘rsatish kerak.
Jizzaxda “Hududgaz”ning yetakchi mutaxassisi tadbirkordan 6 ming dollar olgan vaqtida ushlandi. U aslida tashqi ta’sirsiz nosoz holatga kelgan gaz hisoblagich uchun dalolatnoma tuzgan va uni bekor qilish hamda jinoyat ishi qo‘zg‘atilmasligini ta’minlash uchun pul so‘ragan.
Donald Tramp AQSh Ukrainaga uzoq masofali Tomahawk qanotli raketalarini yetkazib berishni rejalashtirmayotganini aytdi. OAV bir necha kun avval Pentagon raketalarni yetkazib berishni ma’qullagani, yakuniy qarorni qabul qilish Trampda qolganini yozgandi.
Toshkentda “Oltin kuz” II Xalqaro kamer va simfonik musiqa festivali ochildi. Tadbirda O‘zbekiston, Qozog‘iston, Qirg‘iziston, Tojikiston, Rossiya, Germaniya va boshqa mamlakatlardan ijrochilar va ijodiy jamoalar ishtirok etmoqda.
Toshkentda YPX xodimini mashinasining kapotida sudrab ketgan 23 yoshli haydovchi qo‘lga olindi. Hokimiyat vakiliga qarshilik ko‘rsatish bo‘yicha jinoiy ish ochildi. Haydovchi bungacha 144 marta yo‘l harakati qoidalarini buzgani aniqlandi.
2026-yil 1-yanvardan 2600 ta retseptli dori o‘rtacha narxi 40−50% arzonlashishi kutilmoqda. Farmatsevtika mahsulotlarining barcha davlat xaridlari farma. xarid. uz elektron platformasi orqali amalga oshiriladi.
Davlat moliyalashtiradigan kam uchraydigan kasalliklar soni 5 dan 10 taga, bepul davolanish yoshi esa 18 dan 21 gacha oshiriladi. Prezident tegishli dasturni tasdiqladi. 2026−2030-yillarda uni amalga oshirishga qariyb 1 trln so‘m yo‘naltiriladi.
Energetika vazirligining xabar berishicha, Boysundagi “M-25” konidagi 202-quduqdan chiqayotgan gaz o‘chib qolgach, atrof-muhitga zarar yetkazmasligi uchun qayta yoqilgan. Avvalroq tumanda yana kuchli vodorod sulfid hidi yoyilgani haqida xabarlar tarqalgandi.
1-yanvardan boshlab O‘zbekiston AQSh fuqarolari uchun 30 kunlik vizasiz rejimni joriy etadi. Prezident bu haqdagi farmonni imzoladi. Ushbu rejim hozirda 55 yosh va undan katta bo‘lgan sayyohlarga nisbatan qo‘llanadi.
Prokuraturada jinoyat haqida xabar olingan paytdan boshlab sud qarori ijrosigacha bo‘lgan ish jarayonlarini raqamlashtirish rejalashtirilmoqda. Prezident Shavkat Mirziyoyev tergov ishlariga sun’iy intellekt texnologiyalarini joriy etish bo‘yicha ko‘rsatma berdi.
O‘zbekistonda sintetik narkotiklar ishlab chiqarish va tarqatish ortmoqda - ular yashirin laboratoriyalarda tayyorlanib, internet orqali sotilmoqda. Prezident bunday jinoyatlar uchun jazoni kuchaytirish zarurligini ta’kidlab, 2027-yilgacha mo‘ljallangan narkojinoyatlarga qarshi kurashish milliy dasturini ma’qulladi.
O‘zbekiston prezidenti farmoni bilan ichki ishlar vaziri o‘rinbosari - Jamoat xavfsizligi departamenti boshlig‘i Bekmurod Abdullayev va Jazoni ijro etish departamenti boshlig‘i Rustam Tursunov lavozimidan ozod etildi.
Prezident tomonidan imzolangan hujjat bilan aholi sud muhokamalarida masofadan ishtirok etishining huquqiy asosi yaratilmoqda. Videokonferensaloqa rejimidagi sud majlisida masofadan ishtirok etayotgan shaxslarning shaxsi ishni ko‘rayotgan sud tomonidan axborot texnologiyalaridan foydalangan xolda aniqlanadi.
Hukumat qarori bilan Qarshi shahrining yangi bosh rejasi tasdiqlandi. Unga ko‘ra, viloyat markazi keyingi 18 yil ichida Koson, Qarshi va Ko‘kdala tumanlari hududiga qarab 7 ming 767 gektarga, ya’ni qariyb ikki baravar kengayadi.
Hukumat qarori bilan Kambag‘allikni qisqartirish davlat maqsadli jamg‘armasi faoliyatini tashkil etish bo‘yicha nizom tasdiqlandi. Yangi tartibga ko‘ra, 1-oktabrdan jamg‘arma mablag‘lari hisobidan fuqarolarga naqd pul shaklida beriladigan mablag‘lar bosqichma-bosqich ijtimoiy karta orqali taqdim etiladi.
O‘zbekistonda 2024-yilda o‘tkazilgan reydlarda yo‘lovchilarni noqonuniy tashish bilan shug‘ullangan 108 mingdan ortiq haydovchi aniqlangan. Ularning 42 141 nafari o‘z faoliyatini qonuniylashtirib, litsenziya olgan.
Prezident tomonidan imzolangan qonun bilan O‘zbekistonda jonli ijro san’ati yanada rivojlantirish ko‘zda tutilmoqda. Hujjat bilan konsert-tomosha dasturlarida ijrochi va asar mualliflari to‘g‘risidagi ma’lumotlar ko‘rsatilishi shartligi belgilab qo‘yilmoqda.
O‘zbekiston 11-martdan e’tiboran Orxus konvensiyasiga rasman qo‘shildi. Konvensiya fuqarolarga atrof-muhit holati bilan bog‘liq ma’lumotlardan foydalanish huquqini kafolatlaydi. Xalqaro hujjat fuqarolarga axborot olish huquqlari buzilgan taqdirda suddan foydalanish imkoniyatini ham beradi.
Toshkent shahri Mirzo Ulug‘bek tumanidagi avtoturargohda Mercedes-Benz haydagan 17 yoshli o‘smir 2 nafar piyodani urib ketdi. Ular 2003 va 2006-yilda tug‘ilgan, birining jarohati og‘ir. Jinoyat ishi qo‘zg‘atildi.
Raqobat qo‘mitasi Navoiy shahridagi restoranga o‘zbek tilida taomnomasi bo‘lmagani, mahsulotlarda narxnomalar qo‘yilmagani va boshqa holatlar bo‘yicha ish qo‘zg‘atdi. Restoran mas’uliga nisbatan ma’muriy bayonnoma rasmiylashtirilib, sudga yuborildi.
Bayramlar munosabati bilan Toshkent - Buxoro - Toshkent yo‘nalishida qo‘shimcha “Afrosiyob” elektropoyezdi qatnovi yo‘lga qo‘yiladi. Qo‘shimcha poyezdlar 20, 25, 31-mart va 1-aprel kunlari harakatlanadi.
Masofalarga qaramay, O‘zbekiston va Fransiya hamkorlikning cheksiz salohiyatiga ega, bugungi kunda uni to‘liq ro‘yobga chiqarish mumkin va zarur bo‘lgan ayni fursatdir. O‘zbekiston investitsiyalar, sanoat va savdo vaziri o‘rinbosari vazifasini bajaruvchi Akram Aliyev kolonkasi.
“Olti haftalik tekshiruvdan so‘ng USAID dasturlarining 83 foizini rasman bekor qilamiz”, - deb yozdi AQSh davlat kotibi Marko Rubio. Uning aytishicha, bekor qilingan 5200 ta shartnoma ba’zi hollarda AQShning milliy manfaatlariga zarar yetkazgan.
O‘zbekistonda ixtisoslashtirilgan maktablar, maktab-internatlarda tahsil olayotgan, ko‘rish organlari va tayanch-harakat apparati kasalliklari bo‘lgan bolalarga transport xizmatlari ko‘rsatiladi. Transportdan foydalanish uchun ajratiladigan summa har bir o‘quvchiga oyiga BHMning 1,2 baravaridan oshmaydi.
O‘zbekistonda biznes egalariga statistik hisobotlarni taqdim etishda bir qancha yengilliklar berilishi rejalashtirilmoqda. Jumladan, endi xodimlar soni 5 nafardan kam bo‘lgan va yillik tushumi BHMning 2 ming baravaridan oshmaydigan korxonalar uch yilda bir marta statistik hisobot topshiradi.
2025-yilda 2 mln nafar ayollar bandligini ta’minlash, shundan 1 million 300 ming nafar xotin-qizni tadbirkorlikka jalb etish rejalashtirilmoqda. Buning uchun tijorat banklari tomonidan ayollar tadbirkorligini rivojlantirish uchun qulay moliyaviy paketlar taqdim etiladi.
Markaziy bank mikroqarzlar qoldig‘i va to‘planish darajasi o‘sishi fonida ularga nisbatan bir qator talablarni qattiqlashtirishni rejalashtirmoqda. Choralar banklarning mikroqarzlar bo‘yicha konsentratsiyasiga (kredit kartasi uchun ham) 25 foizlik limit o‘rnatish va boshqa talablarni o‘z ichiga oladi.
O‘zbekistonda iyul oxirigacha Yagona interaktiv davlat xizmatlari portali orqali avtomototransport vositalarini jarima maydonchasidan olib chiqish uchun elektron ruxsatnoma olish xizmatini yo‘lga qo‘yish rejalashtirilmoqda.
Senator Malika Qodirxonova Nurafshon va Zangiotadagi maktablarda tashqi devor va sport zali yetishmasligi bo‘yicha Toshkent viloyati hokimligiga senator so‘rovi yubordi. U joylardagi infratuzilma muammolari o‘quv jarayoniga to‘sqinlik qilayotganini qayd etdi.
O‘zbekiston mamlakatdagi to‘rtinchi yirik mobil aloqa operatori Mobiuz’ni sotishdan 300 mln dollar daromad olishni kutmoqda, deb yozmoqda Bloomberg. Rasmiylar Qatar, Saudiya Arabistoni, Ozarbayjon va Yevropa investorlarining qiziqishiga umid bildirmoqda.
Shanxay hamkorlik tashkiloti sammiti 31-avgust - 1-sentabr kunlari Xitoyning Tyanszin shahrida bo‘lib o‘tadi. Unda 20 dan ortiq mamlakat yetakchilari va 10 ta xalqaro tashkilot rahbarlari ishtirok etadi.
Jahon banki tadqiqotiga ko‘ra, O‘zbekistonda jazirama bilan bog‘liq ortiqcha o‘limlar har 100 ming kishiga 19 tadan 21 tagachani tashkil etmoqda. 2090-yilga borib, O‘zbekistonda issiq havo tufayli yiliga 10 mingdan 23 minggacha kishi vafot etishi mumkin. Boshqa prognozlar.
Qoraqalpog‘istonning Xo‘jayli tumanidagi davlat maktabgacha ta’lim tashkilotlari ob-havoning +40 darajadan yuqori bo‘lishi sababli vaqtincha faoliyatini to‘xtatdi.
AOKAning axborot sohasida nazorat va monitoring bo‘yicha vazifalari Axborotlashtirish va telekommunikatsiyalar sohasida nazorat inspeksiyasiga o‘tdi. Shuningdek, Madaniyat va san’atni rivojlantirish jamg‘armasi hamda Ommaviy kommunikatsiyalar masalalari bo‘yicha markaz PA bo‘ysunuviga o‘tkazildi.
Poytaxtning Mirobod tumani IIB bo‘linmalaridan birining podpolkovnik unvoniga ega bo‘lgan boshlig‘i qo‘lga olindi. U firibgarlik va pora olishda ayblanmoqda.
Raqobat qo‘mitasi ko‘rsatmasi bilan Mobiuz operatori “Mazza!” tarif rejasiga o‘tishdagi cheklovlarni olib tashladi. Iste’molchilar, shuningdek, oylik abonent to‘lovi uchun hisobda mablag‘ yetishmaganida kunlik to‘lovga o‘tish mumkinligidan xabardor qilinmagan. Operator bu borada saytida e’lon joylashtirdi.
Axborot va ommaviy kommunikatsiyalar agentligi faoliyati tugatilib, uning asosida Milliy kontent ishlab chiqaruvchi markaz tashkil etilmoqda. Matbuot kotiblari instituti yanada mustahkamlanadi, aholi bilan kommunikatsiya qilish va ommaviy axborot vositalari bilan ishlashning yangi tizimi joriy etiladi.