Rieltorlik faoliyatini tartibga soluvchi yangi qonun qabul qilindi. Unda rieltorlik tashkilotlari va ko‘chmas mulk bo‘yicha agentlarning vakolatlari, mijozlarning huquq va majburiyatlari, xizmat ko‘rsatish shartnomalariga qo‘yiladigan talablar hamda ko‘chmas mulk bo‘yicha axborot olish tartibi belgilandi.
O‘zbekiston Jurnalistlar uyushmasi huzurida Blogerlar ijodiy kengashi tashkil etildi. Unga jurnalist va bloger Eldor Asanov rahbar bo‘ldi. Kengash vazifalari sifatida blogerlarni birlashtirish, manfaatlarini himoya qilish, huquqiy yordam ko‘rsatish va treninglar o‘tkazish belgilandi.
“O‘zbekneftgaz” sobiq rahbari Bahodirjon Sidiqov ayblovlarni rad etdi va ishning 19 epizodi, jumladan, Jizzakh Petroleum’dagi ulushni sotish va konlarni topshirish, Uzbekistan GTL va Ark Chemical loyihalari bo‘yicha o‘z pozitsiyasini bayon qildi.
O‘zbekiston milliy terma jamoasi himoyachisi Behruz Karimov faoliyatini Shveysariyaning “Lugano” klubida davom ettiradi. 19 yoshli futbolchi JCH-2026dagi ishtirokidan so‘ng Yevropa klubi bilan shartnoma imzoladi.
O‘zbekistonda mahsulotlar umumiy xavfsizligi talablari joriy etilmoqda. Unga ko‘ra, ishlab chiqaruvchi, import qiluvchi, distribyutor va vakolatli vakil mahsulot xavfsizligi uchun mas’ul bo‘ladi, xavfli mahsulotlarni bozordan qaytarib olish va muomaladan chiqarish mexanizmlari belgilanadi.