O‘zbekistonlik grossmeyster Javohir Sindarov Nomzodlar turnirining so‘nggi turida durang o‘ynadi va to‘plangan ochkolar soni bo‘yicha rekordni yangiladi. U musobaqani birorta ham mag‘lubiyatsiz o‘tkazib, 14 ochkodan 10 ochko jamg‘ardi.
Shavkat Mirziyoyev Rossiya prezidenti administratsiyasi rahbarining birinchi o‘rinbosari Sergey Kiriyenko boshchiligidagi delegatsiyani qabul qildi. Tomonlar birinchi AES qurilishi loyihasini amalga oshirish va tinch atom sohasidagi hamkorlikni muhokama qildi.
Ko‘ksaroy qarorgohida Shavkat Mirziyoyev ishtirokida Farrux Zokirovning 80 yillik tavallud ayyomiga bag‘ishlangan bayram tadbiri bo‘lib o‘tdi. O‘zbekiston xalq artistiga “Buyuk xizmatlari uchun” ordeni topshirildi.