O‘zbekistonda nogironlik belgilangan va rivojlanishida orqada qolish xavfi mavjud bolalar uchun “Erta aralashuv” xizmati joriy etildi. Bunda maxsus pedagoglar va davolovchi jismoniy tarbiya yo‘riqchilari ishtirokida bolalarga korreksion-pedagogik yordam, nutq va jismoniy rivojlantirish mashg‘ulotlari ko‘rsatiladi.
Kitob tumanida FVV xodimi - mayor Husniddin Sharapov Qashqadaryo daryosiga tushib ketgan 9 yoshli bolani qutqarib qoldi. Bolaning ahvoli yaxshi ekani, uyida ekani ma’lum qilingan.
Namangan viloyati “Jamoa bo‘lib bir oy davomida eng ko‘p ekilgan gullar” yo‘nalishida Ginnes rekordini o‘rnatdi. 65-xalqaro Gullar festivali avvalida Ginnes vakili viloyat hokimi Shavkatjon Abdurazzoqovga maxsus sertifikatni topshirdi.
O‘zbekistonlik grossmeyster Javohir Sindarov Super Chess Classic Romania turnirida uchinchi o‘rinni bo‘lishdi. So‘nggi turdagi durangdan so‘ng u 9 imkoniyatdan 5 ochko to‘plab, 42,5 ming dollar mukofot puli ishlab oldi. Birinchi o‘rinni Vinsent Keymer egalladi.
Qurbon hayiti munosabati bilan Toshkentdan hududlarga 28 ta qo‘shimcha aviareys va 55 ta avtobus reyslari amalga oshiriladi. Aviareyslar Buxoro, Termiz, Urganch va Nukusga borish-qaytish yo‘nalishida tashkil etilgan.