Endi “Kambag‘al oilalar reyestri”dagi oilalarning farzandlari oilaviy bog‘chalarga borsa, ota-onalar to‘lovining 40% qismi davlat hisobidan qoplanadi. Agar bu toifadagi tarbiyalanuvchilar belgilangan miqdordan oshib ketsa, kompensatsiya ketma-ketlik asosida beriladi.
AQSh prezidentining Janubiy va Markaziy Osiyo bo‘yicha maxsus vakili Serjio Gor va davlat kotibi o‘rinbosari Kristofer Landau oktabr oyi oxirida O‘zbekistonga tashrif buyuradi. “Keng ko‘lamli iqtisodiy va xavfsizlik masalalari” muhokama qilinishi rejalashtirilgan, deb xabar berdi AQSh Davlat departamenti.
Veolia Energy Tashkent poytaxtning ayrim hududlarida issiq suv rangining o‘zgarishi isitish mavsumiga tayyorgarlik bilan bog‘liq vaqtinchalik hodisa ekanligini ma’lum qildi. Suv sifati tashqi ta’sirlar bilan o‘zgargani tasdiqlansa, belgilangan tartibda to‘lovlarni qayta hisoblash masalasi ko‘rib chiqiladi.
Rossiyadagi konsullik muassasalariga o‘zbekistonliklar tomonidan qalbaki hujjatlar taqdim etish holatlari kuzatilmoqda, deb xabar berdi TIV. Vazirlik Telegram’da soxta guvohnomalar tayyorlash xizmatlari keng tarqalganini eslatib, fuqarolardan faqat rasmiy organlarga murojaat qilishni so‘radi.
“Yulduzli tunlar”, “Uch ildiz”, “Avlodlar dovoni” singari asarlar muallifi Pirimqul Qodirov tavalludiga 25-oktabr kuni 97 yil to‘ldi. Gazeta sana munosabati bilan O‘zbekiston xalq yozuvchisining asarlari asosida test tayyorladi.
O‘zbekiston transport vaziri Bryusselda Ahlers Logistics ijrochi direktori bilan uchrashib, mahalliy kompaniyalar hamkorligida zamonaviy logistika markazlari tashkil etish masalasini muhokama qildi. Avvalroq bu kompaniya Toshkent yaqinida omborxona majmuasi yoki logistika terminali qurishga qiziqish bildirgandi.
Prezident ichki ishlar xodimlari kuni munosabati bilan yo‘llagan tabrigida ularni “chinakam xalqchil tuzilma”ga aylantirishga qaratilgan islohotlarni esladi. U huquqbuzarliklarning barvaqt oldini olish, mahallalarda xavfsiz muhitni yaratish ustuvor vazifa bo‘lib qolishini ta’kidladi.
O‘zbekistonda YUNISEF va Fondazione Reggio Children ko‘magida Erta ta’lim bo‘yicha mintaqaviy tadqiqot va innovatsiya markazi tashkil etildi. Markaz bola shaxsiga yo‘naltirilgan sifatli ta’limni rag‘batlantiradi va bola hayotining dastlabki yillarida tanqidiy fikrlash va ijodkorlik ko‘nikmalarni mustahkamlaydi.
Markaziy bank raisi Timur Ishmetov 2025-yilda jahon bozorida oltin “narxi oshishi hisobiga o‘tgan yilgiga nisbatan ko‘proq sterilizatsiya bo‘lishini” ta’kidladi - bu MB valyuta intervensiyalari hajmi ko‘proq bo‘lishini anglatadi.
O‘zbekiston prezidenti maslahatchisi Abdulaziz Kamilov Yevropa Ittifoqi bilan imzolangan Kengaytirilgan sheriklik va hamkorlik to‘g‘risidagi bitim ko‘p vektorli siyosatining natijasi ekanini ta’kidladi.
Raqamli texnologiyalar vaziri Yevropaning SES provayderi bilan O‘zbekistonda sun’iy yo‘ldosh internet habini yaratish bo‘yicha kelishuv imzolanganini ma’lum qildi. Uning ta’kidlashicha, tizim nafaqat mamlakatning chekka hududlari, balki qo‘shni davlatlar bilan ham yuqori tezlikdagi aloqani ta’minlaydi.
Sentabrda O‘zbekiston oltin eksporti ($1,5 mlrd) bilan bir qatorda importini ham keskin oshirdi ($79,6 mln). Energoresurslar importi qisqarishda davom etmoqda (-14,3%). Oltin, energoresurslar va xizmatlarsiz oylik eksport hajmi yil boshidan buyon eng yuqori o‘sishni namoyon qildi (+21,2%).
25-oktabr - Ichki ishlar organlari xodimlari kuni arafasida prezident Shavkat Mirziyoyev jamoat xavfsizligi va xalq osoyishtaligini ta’minlashga qo‘shgan hissasi uchun qator soha vakillarini orden va medallar bilan taqdirladi.
Moliya bozorining Markaziy bank vositalariga nisbatan sezgirligi pastligicha qolmoqda, shuning uchun regulyator ularni qayta ko‘rib chiqadi, dedi MB raisi Timur Ishmetov. Uning qo‘shimcha qilishicha, monetar siyosatning shaffofligi va prognozliligini oshirish rejalashtirilmoqda.
O‘zbekistonda 25-oktabr - ichki ishlar organlari xodimlari kuni. Bayramga yaxshi gaplar yarashadi, albatta. Biroq so‘nggi vaqtlarda bu tizim tubdan islohotga muhtojligi haqidagi fikrlar tobora ko‘paymoqda. Gazeta jamoatchilik faollarining fikrini o‘rgandi.
Jinoyat kodeksiga yangi o‘zgartirishlarga ko‘ra, voyaga yetmagan shaxslar jazoni o‘tab bo‘lganidan so‘ng sudlanmagan hisoblanadi. Shuningdek, ozodlikni cheklash va mahrum qilish jazolarining eng kam muddati 6 oydan 1 oygacha qisqartirildi.