Olimpiya medallari quyoshda yaraqlaydi. Ammo endi o‘zbek futbolining o‘z ko‘rinmas medali bor. Gazeta’ning shu nomli filmi o‘yinchiyu murabbiylarning oddiy va rostakam hikoyalaridan qay tariqa Parij yo‘llanmasini qo‘lga kiritishga qodir terma jamoa shakllanganini bayon qiladi. Dmitriy Povarovning taqrizi shu haqda.
O‘zbekiston prezidenti matbuot kotibi BMT bosh kotibining global kommunikatsiyalar bo‘yicha o‘rinbosari va BMT matbuot kotibi bilan uchrashuvlar o‘tkazdi. Ularda axborot sohasidagi hamkorlik, dezinformatsiyaga qarshi kurashish, jurnalistlarni tayyorlash va boshqa masalalar muhokama qilindi.
Estoniya Rossiyaning uchta qiruvchi samolyoti mamlakat havo hududini buzganini da’vo qildi. Tramp “bu unga yoqmagani”ni aytib, “katta muammolar”dan so‘z ochdi. Rossiya buni rad etib, samolyotlar neytral suvlar ustidan o‘tganini aytmoqda.
Qurilish vazirligi Toshkentda bitta uy uchun 200 ming dollargacha xarajat borligini aytgan tadbirkor Usmonjon Abdusamadovning ustidan IIVga ariza kiritdi. Vazirlikka ko‘ra, u “jamoatchilikda asossiz axborot tarqalishiga va islohotlarga nisbatan salbiy munosabat shakllanishiga” sababchi bo‘lgan.
Qurilish vazirligi Toshkentda bitta uy uchun 200 ming dollargacha xarajat borligini aytgan tadbirkor Usmonjon Abdusamadovning ustidan IIVga ariza kiritdi. Vazirlikka ko‘ra, u “jamoatchilikda asossiz axborot tarqalishiga va islohotlarga nisbatan salbiy munosabat shakllanishiga” sababchi bo‘lgan.
O‘zbekiston qonunchiligiga ona suti o‘rnini bosuvchi mahsulotlarni reklama qilishni cheklashga qaratilgan o‘zgartirishlar kiritiladi. Chaqaloqlarni 6 oylikkacha faqat ko‘krak suti bilan boqishni targ‘ib qilish va 2030-yilga kelib bu ko‘rsatkichni 70 foizga yetkazish bo‘yicha dastur ham qabul qilinadi.
O‘zbekiston Keniya bilan diplomatik munosabatlar o‘rnatdi. Hujjat Nyu Yorkda ikki davlat tashqi ishlar vazirlari Baxtiyor Saidov va Musaliya Mudavadiy tomonidan imzolandi. Keniya O‘zbekiston bilan diplomatik aloqalar o‘rnatgan 163-davlat bo‘ldi.
O‘zbekistonning Ukrainadagi elchixonasi Kiyev viloyatida majburiy mehnatdan qutqarilgan 13 nafar fuqaroni vatanga qaytarish choralari ko‘rilayotganini ma’lum qildi. Elchixona odamlarni “inson xayoti uchun xavf tug‘dirishi mumkin bo‘lgan holatlar tufayli” Ukrainaga tashriflarni rejalashtirmaslikka chaqirdi.
O‘zbekistonda perinatal markazlar va tug‘ruqxonalarga ona suti bilan boqishni qo‘llab-quvvatlash bo‘yicha sertifikatlar berish qayta tiklanadi. Rejalarga ko‘ra, 230 ta muassasa emizish uchun qulay shart-sharoitlarni ta’minlash uchun sertifikatlashtirishni talab qiladi.
Iqtisodchi Behzod Hoshimov kambag‘allikka qarshi kurashda eng samarali usul iqtisodiy o‘sish ekanini ta’kidladi. Uning aytishicha, tadqiqotlar kambag‘allik masalasida Afrika mamlakatlari va Hindistondagi kabi eksperimental intervensiyalar uzoq muddatda yaxshi ta’sirga ega bo‘lmasligini ko‘rsatmoqda.