Farg‘ona viloyati YHXB boshlig‘i Akmal Ahmedov turmush o‘rtog‘iga tegishli Malibu`ning 100 dan ortiq jarimalari bekor qilingani ortidan ishdan bo‘shatildi. YHXX barcha jarimalar davlat foydasiga to‘liq undirilganini va qo‘shimcha surishtiruv olib borilayotganini ma’lum qildi.
Toshkentda 2025-yilning birinchi yarim yilligida 1880 kishi tilanchilik bilan shug‘ullanib yurgani aniqlandi. Iyun oyida o‘tkazilgan reydlarda 300 ga yaqin shaxs ushlanib, ularning 70 nafariga ma’muriy qamoq, 47 nafariga jarima qo‘llandi, 44 nafar bola voyaga yetmaganlar markaziga topshirildi.
O‘zbekistonda 2026-yildan boshlab xususiylashtirilgan yer egalari uchun yer va mol-mulk solig‘i birlashtirilishi mumkin. “Agar siz yerni xususiylashtirgan bo‘lsangiz, demak, u allaqachon sizning mulkingizga aylangan”, - dedi Soliq qo‘mitasi raisi.
O‘zbekiston hukumati xizmat ko‘rsatish sohasida soliq yukini kamaytiradigan, lekin budjet daromadlari hajmini saqlab qoladigan yechim ustida ishlamoqda, dedi Soliq qo‘mitasi rahbari. U ko‘plab soliq tizimlarini sanab, tadbirkorlarga aylanma soliqni bekor qilish masalasini muhokama qilishni taklif qildi.