Toshkent tumani KHAY yo‘lida joylashgan 9 qavatli uyning qurilish ishlari loyiha talablariga javob bermasligi aniqlandi. Quruvchi tashkilot ayrim joylarda gazoblok o‘rniga g‘isht ishlatgan va qo‘shimcha qavat qo‘shgan.
AQSh Davlat departamenti Kongressni USAID tarqatib yuborilishi haqida xabardor qilib, uni “birlamchi vazifasidan chetga chiqib ketgan” deb atadi. Agentlik funksiyalarining bir qismini Davlat departamenti o‘z zimmasiga oladi.
Tailandning Pattaya shahrida insultga chalinib, chap tomoni ishlamay qolgan fuqaro O‘zbekistonga qaytarildi. U xorijga ishlash uchun ketgan, biroq ahvoli og‘irlashgan. Bangkokdagi bosh konsulxona bunday holatlar ko‘paygani bois tibbiy sug‘urta olish va ish beruvchi bilan shartnoma tuzish zarurligini eslatdi.
Shavkat Mirziyoyev 31-mart kuni amaliy tashrif bilan Xo‘jand shahrida bo‘ladi. U yerda O‘zbekiston, Tojikiston va Qirg‘iziston yetakchilarining qo‘shma uchrashuvi hamda ikki tomonlama muzokaralar o‘tkaziladi.
В Ашхабаде состоялась международная конференция «Год мира и доверия: развитие международной деятельности во имя детей», собравшая представителей разных стран для обсуждения актуальных вопросов защиты детства.
2025-yilning birinchi choragida 21 ta madaniy meros obyektiga zarar yetkazildi. Shundan, 7 tasi jinoiy, qolgani ma’muriy huquqbuzarlik hisoblanadi. “Dastlabki hisob-kitobga ko‘ra, zarar miqdori 302 mlrd so‘mni tashkil etadi”, - dedi Madaniy meros agentligi mutaxassisi.
Yangiqo‘rg‘on tumanida 3 nafar bola xonadonning yerto‘lasida o‘tinlarni yoqishi oqibatida yong‘in yuzaga keldi. Hodisa sabab ulardan biri - 4 yoshli bola voqea joyida halok bo‘ldi, ikki nafari tanasining turli qismlaridan kuyish jarohatini oldi.
Samarqand shahrida Onix haydovchisi YPX inspektorini mashina kapotida sudrab, qochib ketgandi. Sudda u mast otasi onasiga kuch ishlatayotganini eshitgandan so‘ng uyga shoshganini bildirdi. YPX xodimi esa qamoq bilan bog‘liq bo‘lmagan jazo berishni so‘radi. Haydovchining ozodligi 3 yilga cheklandi.