çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
Ichki ishlar vazirligi ID kartalar, xorijga chiqish pasportlari va istalgan raqamlar kombinatsiyasiga ega haydovchilik guvohnomalarini yuqori to‘lov evaziga berish xizmatini yo‘lga qo‘yishni taklif etuvchi qaror loyihasini muhokamaga qo‘ydi. gazeta.uz »
Davlat organlarining veb-saytlari yagona portalga o‘tadi, pensiyalar avtomatik ravishda tayinlana boshlaydi, avtomobillar uchun eko-stikerlar joriy etiladi, renovatsiya asosida qurilishning yangi tartibi joriy etiladi - 1-martdan nimalar o‘zgaradi? gazeta.uz »
O‘zbekistonda uy-joy sotib olayotganda to‘lanadigan QQSning bir qismini keshbek shaklida qaytarish mexanizmini joriy etish rejalashtirilmoqda. Ushbu chora uy-joy sohasida yashirin iqtisodiyotni kamaytirishga qaratilgan. gazeta.uz »
Oliy Majlis huzuridagi NNTlarni qo‘llab-quvvatlash jamg‘armasi O‘zbekistonda xorijiy grantlar to‘xtatilishidan jabr ko‘rgan tashkilotlarni qo‘llab-quvvatlashga tayyor. Jamg‘arma rahbari bu haqda AQShning yangi ma’muriyati USAID’ning xorijiy yordamini to‘xtatgani haqidagi xabarlar fonida ma’lum qildi. gazeta.uz »
O‘zbekistonda 1-martdan 15-avgustga qadar ov mavsumi yopiladi. Ekologiya vazirligi bu vaqt davomida yovvoyi hayvonlar va qushlarni ovlash qat’iy taqiqlangani, ov qoidalarini buzish javobgarlikka sabab bo‘lishidan ogohlantirdi. gazeta.uz »
O‘zbekistonda asosiy yog‘ingarchiliklar bahorda kuzatilsa-da, 2025-yil ko‘klamida yog‘in kutilmalari u qadar katta emas. Bu esa ayni sug‘orish davrida suv bilan bog‘liq vaziyat murakkab bo‘lishini anglatadi. gazeta.uz »
Senatdagi qo‘mita majlisida O‘zbekistonda 2024-yilda sodir bo‘lgan yo‘l-transport hodisalari sabablari to‘g‘risida ma’lumot berildi. Unga ko‘ra, YTHlarning 47,1 foizi haydovchilarning piyodaga yo‘l bermasligi, 3,7 foizi rulda uxlab qolish, 22,8 foizi belgilangan tezlikka rioya qilmaslik oqibatida sodir bo‘lgan. gazeta.uz »
O‘zbekistonda 2024-yilda 459 mingdan ortiq fuqaro profilaktik hisobga olindi. Bu ko‘rsatkichni optimallashtirish maqsadida ishlab chiqilgan qonun loyihasi deputatlar tomonidan birinchi o‘qishda qabul qilindi. gazeta.uz »
Prezident “Ikkinchi jahon urushidagi g‘alabaning 80 yilligi” esdalik yubiley medalini ta’sis etdi. U urush qatnashchilari va ularga tenglashtirilgan shaxslarga, shuningdek, mehnat fronti faxriylariga beriladi. gazeta.uz »
O‘zbekiston qo‘shinlarida dronlar va ularga qarshi kurashish, sun’iy intellekt bilan ishlaydigan kibertuzilmalar, robotlashgan texnikalarni qo‘llash va havo hujumidan mudofaa bo‘yicha yangi bo‘linmalarni tashkil etish rejalashtirilmoqda. gazeta.uz »
Qonunchilikka kiritilgan o‘zgartirishlarga ko‘ra, 12 balldan ko‘proq jarima to‘plagan haydovchilar transportni boshqarish huquqidan vaqtincha mahrum etilishi belgilanmoqda. Shuningdek, avtomobilni mast holda boshqargan va tekshiruvdan o‘tishdan bo‘yin tovlagan haydovchilar jinoiy javobgarlikka tortiladi. gazeta.uz »
O‘zbekistonda maktab o‘quvchilariga energiya sarfi savodxonligi asoslari o‘rgatila boshlanadi. Resurslarni tejashga oid misollar ta’lim dasturlariga kiritiladi. Qolaversa, Yaponiya tajribasi asosida iste’molchilar energiya tejash savodxonligi bo‘yicha o‘qitiladi. gazeta.uz »
Islom taraqqiyot banki O‘zbekistonda ta’lim va yo‘l infratuzilmasini yaxshilash uchun qariyb $300 mln ajratadi. Grant bitimlari doirasida inklyuziv ta’lim talablariga asoslangan jami 58 ta maktabi quriladi. gazeta.uz »
Shavkat Mirziyoyev Al-Kuvaytda Agility Logistics raisi Xenadi al-Solih bilan uchrashdi. Kompaniya O‘zbekistonda Ko‘rfaz mamlakatlariga qishloq xo‘jaligi mahsulotlarini yetkazib beradigan qo‘shma logistika markazini qurmoqchi. gazeta.uz »
1-martdan Play Mobile kompaniyasi Uzcard tizimidagi SMS-xabarnoma uchun tariflarni oshiradi. Bitta SMS narxi 84,2 so‘mdan 168,4 so‘mga ko‘tariladi. Bu infratuzilma xarajatlari va elektr narxining oshishi hamda boshqa omillar bilan izohlanmoqda. CardXabar Telegram boti xizmati ham qimmatlaydi. gazeta.uz »
Avtomobillarga gaz balloni o‘rnatish uchun ruxsatnomani endilikda onlayn olish mumkin. Xizmatdan foydalanish uchun my.gov.uz orqali ariza yuboriladi. Xizmat narxi - 112 500 so‘m. gazeta.uz »
MB so‘rovi ko‘rsatdiki, tadbirkorlar ishbilarmonlik muhitini nisbatan pessimistik baholamoqda. To‘rtinchi chorakda o‘rta va yuqori quvvatdagi kompaniyalar ulushi 50% gacha kamaydi - bu 1,5 yildagi minimum. gazeta.uz »
1-maydan import elektromobillar uchun utilizatsiya yig‘imi miqdori sezilarli oshadi. Investitsiyalar vazirligi vakili Inomjon Abdurahmonov buni akkumulyatorlarni qayta ishlash infratuzilmasini yaratish va mahalliy avtosanoatni qo‘llab-quvvatlash zarurati bilan izohladi. “Gazeta.uz” uning dalillarini o‘rgandi. gazeta.uz »
Prezident yoshlar o‘rtasidagi yuqori ishsizlikning salbiy oqibatlari haqida ogohlantirdi. Bu muammoni hal qilish uchun ishsizlikka qarshi kurash yangi bosqichga ko‘tariladi. Mahalla bankirlari yangi kredit mahsulotlari hisobiga 250 ming kishini daromadli qilishi reja qilinmoqda. gazeta.uz »
9-fevraldan 12-fevralgacha O‘zbekistonda gazga bo‘lgan talabning oshishi va ob-havoning sovishi tufayli metan zapravkalariga gaz yetkazib berish vaqtincha qisqartirildi, deya xabar berdi “O‘zenergoinspeksiya. gazeta.uz »
O‘zbekistonda yosh sportchilarni topish, saralash va tayyorlashning raqamli tizimi joriy etiladi. Maktab o‘quvchilarining biror sport turiga qobiliyati aniqlanib, elektron platformaga kiritiladi, sport maktablari va federatsiyalar esa atletlarni tanlab oladi. gazeta.uz »
O‘zbekiston Markaziy bankining AQSh dollarini so‘mga nisbatan almashuv kursi ilk bor 13 000 so‘mlik nuqtadan oshdi. Yil boshidan buyon milliy valyuta 0,65 foizga qadrsizlandi. Devalvatsiya sur’ati o‘tgan yilning shu davriga nisbatan pastroq bo‘ldi. gazeta.uz »
O‘zbekistonda endi mahkumlar 1 ta kitob o‘qish orqali o‘tayotgan jazo muddatini 3 kunga qisqartirishi mumkin bo‘ladi. Bu uchun mahkum o‘qigan kitobi bo‘yicha imtihon topshirishi kerak bo‘ladi. Tegishli qonun deputatlar tomonidan birinchi o‘qishda qabul qilindi. gazeta.uz »
MHTI sharhiga ko‘ra, yanvar oyida foydalanilgan avtomobillar va elektromobillar narxi pasayishda davom etdi. Mashhur budjetli modellar ham, eng qimmat avtomobillar ham arzonladi. Kam kilometrli Equinox va Malibu narxlari oshdi. gazeta.uz »
O‘zbekistonda mikromoliya banki instituti joriy etiladi. Qonun bilan mikromoliya tashkilotlarini mikromoliya banklariga, mikromoliya banklarini esa tijorat banklariga aylanishiga asos yaratildi. gazeta.uz »
Ekologiya vazirligi 1-noyabrga qadar plastik chiqindilarni kamaytirish bo‘yicha qonun loyihasini ishlab chiqadi. Hujjat bilan plastikni qabul qilish punktlarini tashkil etish, utilizatsiya qilish uskunalarini o‘rnatish hamda “taralarni qaytarish” tizimini joriy etish ko‘zda tutilgan. gazeta.uz »
O‘zbekiston kichik AES qurish bo‘yicha xalqaro konsorsium tuzadi. Bunday stansiyalarni boshqa hududlarda ham qurish masalasi ko‘rib chiqiladi. “Prezident islohotlari katta miqdordagi elektrni talab qiladi, atom energetikasi esa iqtisodiy taraqqiyotni ta’minlaydi, deb hisoblaymiz”, - dedi “O‘zatom” rahbari. gazeta.uz »
O‘zbekistonda 2024-yilda 469 568 nafar shaxs ma’muriy jazoga tortildi. Bu 2023-yilga nisbatan 49 380 nafarga ko‘p. Ko‘rilgan ishlarning asosiy qismi mayda bezorilik, litsenziyasiz yo‘lovchilar tashish, ichki ishlar organlari xodimlarining qonuniy talablarini bajarmaslik kabi huquqbuzarliklardan iborat bo‘lgan. gazeta.uz »
O‘zbekistonda 2025-yilda shifokor qabuliga navbat to‘liq elektron shaklga o‘tkaziladi, stomatologiya xususiy sektorga beriladi, shifokorlar ish samaradorligi uchun ustamalar ola boshlaydi. Viloyat miqyosidagi ixtisoslashtirilgan tibbiyot muassasalari ko‘p tarmoqli poliklinikalarga aylantiriladi. gazeta.uz »
O‘zbekistonda atrof-muhitga yuqori ta’sir ko‘rsatadigan korxonalar uchun kompensatsiya to‘lovlari bo‘yicha qator imtiyozlar joriy etiladi. Bu uchun havo ifloslanishini nazorat qiluvchi fon monitoringi stansiyalari o‘rnatish lozim. gazeta.uz »
2026-yildan O‘zbekistonda g‘isht ishlab chiqarish solig‘i ikki baravarga oshiriladi, 2027-yildan esa qo‘riqlanadigan yerlardagi karerlarda qum qazib olish taqiqlanadi. G‘isht o‘rniga penoblok va gazoblokdan keng foydalanuvchi qurilish tashkilotlariga “Shaffof qurilish” platformasida ustuvorlik beriladi. gazeta.uz »
1-sentabrdan “yashil tadbirkor” maqomini beruvchi platforma ishga tushirilishi mumkin. Bunday maqomga ega korxonalar “Shaffof qurilish” platformasida ustuvorlik, barqarorlik reytingida ballar va boshqa imtiyozlarga ega bo‘ladi. gazeta.uz »
2024-yilda O‘zbekiston iqtisodiyotining kuzatilmaydigan hajmi 505 trln so‘mdan oshib, yalpi ichki mahsulotning 34,8 foizini tashkil etdi. Yashirin iqtisodiyotning asosiy qismi qishloq xo‘jaligi, qurilish va xizmat ko‘rsatish sohalariga to‘g‘ri keladi. gazeta.uz »
Haftaning birinchi yarmida O‘zbekiston bo‘ylab asosan qor ko‘rinishidagi yog‘ingarchilik kutilmoqda. Kunduzgi harorat 0…+5 daraja bo‘ladi. 12-fevraldan harorat asta-sekin ko‘tarila boshlaydi, 14-fevralga kelib havo +8…+11 darajagacha iliydi. gazeta.uz »
O‘zbekistonda may oyidan “Toza qo‘llar” dasturi boshlanadi. Barcha sog‘liqni saqlash va ta’lim muassasalarida qo‘l yuvish joylari jihozlanishi, jamoat hojatxonalari va umumiy ovqatlanish punktlari sovun hamda antiseptik bilan ta’minlanishi, sanitariya-gigiyena tizimini yaxshilash dasturi qabul qilinishi kerak. gazeta.uz »
Prezident farmoni bilan yil oxirigacha Ai-80 benzinidan foydalanish va sotishni cheklash uchun “barcha kuchlarni safarbar qilish” belgilandi. Shu bilan birga, aholi “sifatli, ekologik toza va arzon yoqilg‘i” bilan ta’minlanishi kerak. gazeta.uz »
O‘zbekistonda xizmat ko‘rsatgan xalq ta’limi xodimi Xayriddin Ma’sudov 88 yoshida vafot etdi. Marhum uzoq yillar xalq ta’limi vazirining o‘rinbosari, 2017-yildan hozirgacha “Barkamol avlod” jamiyati kengashi rais o‘rinbosari sifatida ishlagan. gazeta.uz »
Agar pensioner chet elga chiqsa va uch oy ichida O‘zbekistonga qaytmasa, pensiya to‘lovlari to‘xtatilishi xabar qilingandi. Qaytgandan so‘ng 24 oygacha bo‘lgan pensiya mablag‘ini olish mumkin. “Gazeta. gazeta.uz »
2024-yilda Toshkentda ikkilamchi uy-joyning o‘rtacha narxi 1,8% - kv. m uchun 1190 dollargacha pasaydi (2023-yilda - 30% o‘sish), yer esa 2,9% arzonladi - sotixiga 352 mln so‘m. Avvalroq MB ehtimoliy narx korreksiyasidan ogohlantirgandi. gazeta.uz »
Malayziyaning Meraque kompaniyasi Toshkent viloyatining Yangiyo‘l tumanida dron va qishloq xo‘jaligining aqlli texnologiyalarini ishlab chiqarishni yo‘lga qo‘yadi. Kompaniya loyihaga 4,5 mln dollar sarmoya kiritishni rejalashtirmoqda. gazeta.uz »
Bosh prokuratura departamentining 2024-yildagi tadbirlarida elektr va gazdan noqonuniy foydalanish bo‘yicha 1200 dan ortiq holat aniqlandi. Ularda jami 600 mlrd so‘mlik zarar yetkazilgan. Shuningdek, tamaki aylanmasi 9 foizgacha qisqarishi natijasida aksiz solig‘i tushumi 31 foizga oshdi. gazeta.uz »
O‘zbekistondagi chegara punktlaridan navbatsiz o‘tish uchun pulli Fast Track xizmati paydo bo‘ladi. Xizmat doirasida pasport va bojxona nazorati uchun alohida yo‘lak, VIP zal va boshqa sharoitlar yaratiladi. gazeta.uz »
Xalqaro kuryerlik jo‘natmalarining 1 kilosi uchun BHMning 2 foizi miqdorida bojxona yig‘imi joriy etiladi. U barcha xorijiy marketpleyslardan tovarlarni yetkazib berishda va jismoniy shaxslar o‘rtasida jo‘natmalarni yuborishda amal qiladi. gazeta.uz »
O‘zbekistonda Rossiya fuqarolariga nisbatan firibgarlik ishi bo‘yicha 32 kishi ushlandi. Jinoiy guruh koll-markazlar ko‘rinishida rossiyaliklarga sifatsiz BADlar uchun kompensatsiya va’da qilgan. “To‘lovni olish” uchun jabrlanuvchilar firibgarlarning hisobraqamiga “soliq” ko‘rinishidagi mablag‘ni o‘tkazib bergan. gazeta.uz »
O‘zbekistonda 2025-yil uchun hisoblangan minimal iste’mol xarajatlari qiymati bir oyda kishi boshiga 669 ming so‘mni tashkil etdi (+3 foiz). Oxirgi marta bu miqdor energiya tariflari oshishi fonida 4,3 foizga (648 ming so‘mgacha) oshirilgandi. gazeta.uz »
O‘zbekistonda ayrim bojxona yig‘imlari stavkalari JST talablariga muvofiqlashtirish doirasida pasaytirildi. Bojxona qo‘mitasining ma’lum qilishicha, yangi stavkalar tadbirkorlarga 700 mlrd so‘mni tejash imkonini beradi. gazeta.uz »
Prezident “Uy-joyning yagona hayotiy sikli”ni joriy etish taklifini ma’qulladi. 1-iyuldan boshlab quruvchilar ulushdorlar mablag‘ini faqat notarial tasdiqlangan shartnomalar orqali jalb qilishi mumkin. gazeta.uz »
O‘zbekistonda yiliga 10,2 mln tonna chiqindi hosil bo‘lib, uning 10,3 foizi plastmassadan iborat. 2022-yilda plastik hajmi 2013-yilga nisbatan 2,5 baravarga oshdi. Ekologiya vazirligi o‘tkazgan inventarizatsiya ma’lumotlariga ko‘ra, plastmassaning eng yirik iste’molchilari qadoqlash, transport va qurilishdir. gazeta.uz »
O‘zbekistonda 1-martdan palma yog‘i hamda tarkibida shunday yog‘ va transyog‘i bo‘lgan mahsulotlarni majburiy laboratoriya sinovidan o‘tkazish talabi joriy etiladi. Bundan tashqari, mamlakatda oziq-ovqat mahsulotlarida palma yog‘idan foydalanish ustidan nazorat kuchaytiriladi. gazeta.uz »
2024-yil yakuniga ko‘ra, O‘zbekistonda kambag‘allik darajasi 11 foizdan 8,9 foizga kamaydi. Bandlik dasturlari tufayli 719 ming kishi kambag‘allikdan chiqarildi. Kambag‘allikning eng past ko‘rsatkichi Navoiy viloyatida (5,7 foiz), eng yuqori ko‘rsatkichi Xorazm viloyatida (11,9 foiz) qayd etilgan. gazeta.uz »
