çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
Raqamli texnologiyalar vazirligi O‘zbekistonda 112 yagona dispetcherlik xizmati hukumat qarorida belgilangan muddatda ishga tushganini ma’lum qildi. Xizmat IIV, FVV, SSV, Ijtimoiy himoya milliy agentligi hamda “Hududgazta’minot” shoshilinch xizmatlarini ma’lumotlarni uzatishning yagona tarmog‘iga birlashtiradi. gazeta.uz »
O‘zbekistonda kichik AES qurilishi jadvaldan oldinda, birinchi beton 2026-yilning ikkinchi choragida quyilishi rejalashtirilgan, dedi “O‘zatom” rahbari. Stansiya uchun Fransiya va Xitoy texnologiyalari ko‘rib chiqilmoqda, loyiha MAGATE tomonidan nazorat qilinadi. “Bu shunchaki parranda fabrikasi qurish emas”, dedi u. gazeta.uz »
Hafta davomida O‘zbekistonda beqaror ob-havo saqlanib turadi. Hududlarda yomg‘ir yog‘adi, ba’zi joylarda kuchli bo‘ladi. Harorat kechalari +4, kunduz kunlari +8 darajagacha pasayadi. gazeta.uz »
O‘zbekistonda hamshiralarni Amerika standartlari bo‘yicha test sinovlariga tayyorlovchi markaz va MDH davlatlarida yagona bo‘lgan imtihon markazi ochilishi mumkin. Uni muvaffaqiyatli tamomlaganlarni AQShda bandligini ta’minlash reja qilinmoqda. gazeta.uz »
O‘zbekiston AESsiz uddalay olmaydi, deb hisoblaydi “O‘zatom” rahbari Azim Axmedxadjayev. Unga ko‘ra, stansiya mamlakatning energiya xavfsizligini mustahkamlaydi. Rossiya ishtirokidagi loyiha O‘zbekistonni qaram qilib qo‘ymaydi, dedi u. gazeta.uz »
O‘zbekistonda 1-iyuldan boshlab tibbiyot muassasalarini akkreditatsiyadan o‘tkazish, hisoblagichlarni tekshirish va transport vositalarini ekologik sertifikatlash kabi 11 ta davlat xizmati xususiy sektorga o‘tkaziladi. Tegishli qaror prezident tomonidan imzolandi. gazeta.uz »
20-martdan boshlab O‘zbekistonda Xitoyning Temu marketpleysiga kirish bloklandi. Platforma saytini faqat VPN orqali ochish mumkin, mobil ilova esa sekin ishlamoqda. gazeta.uz »
Bosh prokuror Nig‘matilla Yo‘ldoshev O‘zbekiston aholisiga murojaat bilan chiqdi. U huquqiy islohotlarning samaradorligini oshirish, jinoyatchilik va korrupsiyaga qarshi kurashish bo‘yicha axborot berdi. gazeta.uz »
Raqobat qo‘mitasi mamlakatga import qilinayotgan shampunning 84 foizi, tish pastasining 90 foizi, upaning 86 foizi eng yirik 5 ta korxonaga to‘g‘ri kelayotganini ma’lum qildi. Iqtisodchi Behzod Hoshimov bozorning ochiq yoki yopiqligiga qarab konsentratsiya yaxshi ham, yomon ham bo‘lishi mumkinligini ta’kidladi. gazeta.uz »
Prezident “O‘zbekistonda xizmat ko‘rsatgan ekolog” faxriy unvonini ta’sis etish to‘g‘risidagi qonunni imzoladi. U tabiatni asrash, iqlim o‘zgarishi oqibatlarini yumshatish va tabiiy resurslarni qayta tiklash borasida natijalarga erishgan ekofaollarga beriladi. gazeta.uz »
O‘zbekistonda 1-sentabrdan maktab direktorlari, ularning o‘rinbosarlari va bog‘cha mudirlarining maoshi oshiriladi. 2026-yildan boshlab ular uchun KPI asosida oylik ustamalar joriy etiladi. Maktablar bo‘sh turgan binolarini ijaraga berishdan tushgan mablag‘larning 75 foizini tasarruf etish huquqiga ega bo‘ladi. gazeta.uz »
Prezident Shavkat Mirziyoyev O‘zbekistonda bundan buyon tadbirkorlikka endi qadam qo‘yganlar uchun “birinchi imkoniyat” tamoyili joriy etilishini aytdi. Unga ko‘ra, ilk bor ma’muriy huquqbuzarlik qilgan tadbirkor javobgarlikdan ozod qilinib, ularga kamchiligini bartaraf etish uchun imkoniyat beriladi. gazeta.uz »
O‘zbekiston prezidenti mahalla servis kompaniyalari tizimini kengaytirish, ularning sonini yana 1000 taga ko‘paytirish bo‘yicha topshiriq berdi. Bu kompaniyalar yakka uyli barcha mahallalarni qamrab olishi, kamida 30 turdagi xizmatni ko‘rsatishi shart. gazeta.uz »
O‘zbekistonda kanalizatsion infratuzilma kengaytirilmoqda. Joriy yilda 135 ming xonadonni ulash va tizim qamrovini 24% ga yetkazish rejalashtirilgan, dedi “O‘zsuvta'minot” raisi v.b. Qator shaharlardagi oqava suvlarni tozalash inshootlarini DXSh doirasida xususiy boshqaruvga o‘tkazish rejalashtirilmoqda. gazeta.uz »
O‘zbekistonda kanalizatsion infratuzilma kengaytirilmoqda. Joriy yilda 135 ming xonadonni ulash va tizim qamrovini 24% ga yetkazish rejalashtirilgan, dedi “O‘zsuvta’minot” raisi v.b. Qator shaharlardagi oqava suvlarni tozalash inshootlarini DXSH doirasida xususiy boshqaruvga o‘tkazish rejalashtirilmoqda. gazeta.uz »
Xitoyning Temu bozori O‘zbekistonda yuridik shaxsini ro‘yxatdan o‘tkazdi, biroq 20-martdagi platformani ehtimoliy bloklash sanasi o‘z kuchida qolmoqda, deb xabar berdi ILMA “Gazeta.uz”ga. Kompaniya o‘tgan davr uchun QQS to‘lashi va fiskal cheklarni berish uchun soliq organlari bilan integratsiyalashishi kerak. gazeta.uz »
Xitoyning Temu marketpleysi O‘zbekistonda yuridik shaxs sifatida ro‘yxatga olindi. Soliq qo‘mitasining aniqlik kiritishicha, kompaniya bilan muzokaralar davom etmoqda. “Ushbu jarayon yakuniga yetkazilib, uning faoliyati yuzasidan yakuniy xulosa e’lon qilinadi”, - ta’kidladi davlat organi. gazeta.uz »
Prezident qarori bilan Savdo-sanoat palatasi huzurida Tadbirkor ayollar kengashi tashkil etildi. Unga PA mas’ul xodimi Nozima Davletova rahbarlik qiladi. Kengash tizimli muammolarni hal qilish yuzasidan parlamentga takliflar kiritib boradi. gazeta.uz »
Senat noqonuniy to‘siqlar o‘rnatgan hamda yo‘lni to‘sib qo‘ygan fuqarolar va mansabdorlarga jarima solishni nazarda tutuvchi qonunni ma’qulladi. Senator Malika Qodirxonova aholi turar joylarida to‘xtash joylari tartibsizligi uchun fuqarolar yo‘llarni to‘sib qo‘yishga majbur bo‘layotganini ta’kidladi. gazeta.uz »
O‘zbekistonda 2025-yil 1-iyuldan boshlab 86 turdagi tovarlarga eksport bojxona bojlari joriy etiladi. Ular orasida go‘sht mahsulotlari, bug‘doy, don, guruch, mineral o‘g‘itlar, charm xomashyosi, tabiiy gaz va boshqa tovarlari bor. gazeta.uz »
Adliya vazirligi shaxslarni ularning roziligisiz foto va videoga olish taqiqlanishi belgilangan qonun loyihasini jamoatchilik uchun e’lon qildi. Loyiha bilan axborotni maxfiy tarzda olishga mo‘ljallangan texnika vositalaridan foydalanganlik uchun ham javobgarlik belgilanmoqda. gazeta.uz »
Prezident qarori bilan O‘zbekistonning isitish tizimini isloh qilish rejalashtirilmoqda. Eski qozonxonalar va tarmoqlar yangilanadi, markazlashtirilgan issiqlik ta’minoti qamrovi kengaytiriladi, usiz uylarda lokal qozonxonalar quriladi. Bu gaz sarfini 20 foizga kamaytirishi kerak. gazeta.uz »
Respublika bojxonachilari joriy yil boshidan beri 108 ta qonunbuzilishi holatlarida 790 kilodan ziyod giyohvandlik vositalarining noqonuniy muomalasiga chek qo‘ydi. Bojxona organlari holatlar yuzasidan jinoyat ishlari qo‘zg‘atgan. gazeta.uz »
O‘zbekistonda 2025-yilda Imom Abu Mansur Moturidiy tavalludining 1155-yilligi nishonlanadi. Yubiley doirasida xalqaro ilmiy anjumanlar, tadqiqotchilar o‘rtasida tanlovlar, asarlar nashri, badiiy film yaratish, Samarqanddagi majmuani obodonlashtirish va boshqa tadbirlar rejalashtirilgan. gazeta.uz »
O‘zbekistonda 2024-yilda o‘tkazilgan reydlarda yo‘lovchilarni noqonuniy tashish bilan shug‘ullangan 108 mingdan ortiq haydovchi aniqlangan. Ularning 42 141 nafari o‘z faoliyatini qonuniylashtirib, litsenziya olgan. gazeta.uz »
O‘zbekistonda 2024-yil noyabr oyidan boshlab xavf darajasi yuqori bo‘lgan mahsulotlar, jumladan, bolalar tagliklari, kiyim-kechaklari, paypoqlari va idish-tovoqlarini majburiy davlat ro‘yxatidan o‘tkazish joriy etildi. gazeta.uz »
Fransiyaning Voltalia kompaniyasi O‘zbekistonda quyosh, shamol stansiyalari va energiya saqlash tizimlaridan iborat gibrid klaster uchun elektr energiyasi sotish bo‘yicha 25 yillik shartnomani imzoladi. gazeta.uz »
Jahon bankiga ko‘ra, o‘zbekistonlik muhojirlar oqimi Qirg‘iziston va Tojikistonga qaraganda xilma-xilroq: ularning 57 foizi Rossiyani tanlaydi, 15 foizi Qozog‘istonda, 10 foizi Ukrainada ishlamoqda. O‘zbekiston YAIMda migrantlar o‘tkazmalari ulushi 14 foizni tashkil etadi, bu ham qo‘shnilarga qaraganda kamroq. gazeta.uz »
O‘zbekistonda ipotekani qayta moliyalashtirish kompaniyasi talablari asosida hamkor banklar tomonidan taqdim etiladigan ipoteka kreditlari bo‘yicha foiz stavkalari pasaytirildi. Endi yangi uy-joylarni avvalgi 21,5 foiz o‘rniga 19,5 foiz stavkada sotib olish mumkin. gazeta.uz »
Xitoy O‘zbekiston fuqarolarini ta’lim va kasbiy faoliyatga tayyorlash bo‘yicha xizmatlar ko‘rsatish markazini ochadi. Shuningdek, “yashil” energetika, qishloq xo‘jaligi, AKT, turizm kabi soha mutaxassislari uchun qayta tayyorlash va malaka oshirish dasturlari ishlab chiqiladi. gazeta.uz »
O‘zbekistonda iyundan boshlab chiqindilarni to‘plash va olib chiqish xizmatlari bo‘yicha qarzdorligi bo‘lgan iste’molchilarning elektr energiyasi uchun to‘lovlarni amalga oshirishi cheklanadi. Cheklov qarzdorlik to‘langandan so‘ng avtomatik ravishda bekor qilinadi. Qarzdorlikni qoplash uchun 5 kun vaqt beriladi. gazeta.uz »
O‘zbekistonda ixtisoslashtirilgan maktablar, maktab-internatlarda tahsil olayotgan, ko‘rish organlari va tayanch-harakat apparati kasalliklari bo‘lgan bolalarga transport xizmatlari ko‘rsatiladi. Transportdan foydalanish uchun ajratiladigan summa har bir o‘quvchiga oyiga BHMning 1,2 baravaridan oshmaydi. gazeta.uz »
O‘zbekistonda yaqin uch yilda noyob metallarni qazib olish va qayta ishlash bo‘yicha umumiy qiymati $2,6 mlrd bo‘lgan 76 loyihani amalga oshirish rejalashtirilmoqda. Shuningdek, Toshkent va Samarqand viloyatlarida molibden va volframga boy texnoparklar tashkil etish rejalashtirilgan. gazeta.uz »
O‘zbekistonda 1-iyuldan aholiga xizmat ko‘rsatuvchi budjet tashkilotlari, shuningdek, gaz, neft mahsulotlarini sotuvchi va mol-mulkini ijaraga beruvchi kompaniyalar elektron to‘lov tizimlariga ulanishi shart. gazeta.uz »
Ekologiya vazirligi 2024-yilda 600 ming tupdan ortiq daraxtlar kesilishining oldi olinganini ma’lum qildi. O‘tgan yilda qimmatbaho daraxtlarni noqonuniy kesish holatlari 1098 tani tashkil qilgan. Vazirlik bu boradagi reyd tadbirlari davom etayotganini qayd etdi. gazeta.uz »
O‘zbekiston fuqarolari endi kredit olishdan ixtiyoriy ravishda voz kechishi mumkin. Shu orqali kredit bitimi tuzish taqiqlangan shaxslar reyestri tuziladi. Reyestrda bo‘lgan shaxslarga kredit ajratish taqiqlanadi. gazeta.uz »
20-martdan O‘zbekistonda Xitoyning Temu marketpleysiga kirish cheklanadi. “Gazeta. uz” Istiqbolli loyihalar milliy agentligi vakili Kamronbek Muhammadiyev bilan blokirovka sabablari haqida suhbatlashdi. gazeta.uz »
Vazirlar Mahkamasining qarori bilan foydali qazilmalarni qazib chiqarishni nazorat qilish tartibi tasdiqlandi. gazeta.uz »
Prezident kadrlarni baholashda yangi tizimga o‘tish, bunda diplom va ish joyi emas, balki bilim va yutuqlar asosiy mezon bo‘lishi bo‘yicha ko‘rsatma berdi. Shuningdek, u yoshlarni halollik ruhida tarbiyalash muhimligini ta’kidlab, “korrupsiya - kelajakka tahdid” g‘oyasini mustahkamlaydigan tizim yaratishni taklif qildi. gazeta.uz »
Kameralar va radarlar tomonidan qayd etiladigan transport tezligi xatoligini 5 dan 10 km/soatgacha oshirish rejalashtirilmoqda. Yo‘l chiziqlari bo‘yicha qoidabuzarliklarni faqat standartlarga javob beradigan joylarda qayd etish taklif qilinmoqda. Asos sifatida haydovchilarning noroziligi ko‘rsatilmoqda. gazeta.uz »
“O‘zbekkonsert”da o‘tgan yig‘ilishda san’atkorlarga konsertlarda diniy targ‘ibotga yo‘l qo‘ymaslik, qonunchilikka so‘zsiz rioya etish va o‘zbekona qadriyatlarni unutmaslik tushuntirildi. Madaniyat vaziri o‘rinbosari ularga shohona hayotni ko‘z-ko‘z qilmaslik va qo‘shiqlar mazmuniga e’tibor qaratish kerakligini aytdi. gazeta.uz »
O‘zbekiston qonunchiligi talablariga muvofiq, 20-martdan Temu platformasidan foydalanish cheklanadi. Fuqarolarga buyurtma bermaslik, oldinroq rasmiylashtirilgan buyurtmalarni esa bekor qilish va pulni qaytarishni so‘rash tavsiya etildi. gazeta.uz »
O‘zbekistonda Italiya investorlari ko‘magida nok, yong‘oq va pomidor yetishtirish hamda qayta ishlash zavodlarini ochish reja qilinmoqda. Qolaversa, qattiq bug‘doydan makaron ishlab chiqaradigan zavod qurish, Yaponiya bilan hamkorlikda Sirdaryoda kivini tajriba tariqasida yetishtirish masalalari ham muhokama qilinmoqda. gazeta.uz »
Fevral oyida O‘zbekistonda inflyatsiya 0,54 foizni tashkil etdi, bu o‘tgan yilning fevral oyiga nisbatan yuqoriroq. Bodring va pomidor, propan, aviachiptalar va poyezdlar narxi keskin oshdi. Kartoshka, tuxum, guruch va shakar arzonladi. gazeta.uz »
O‘zbekistonda davlat-xususiy sheriklik doirasida beshta yirik tibbiyot markazini boshqarish bo‘yicha xalqaro tender o‘tkazilishi reja qilinmoqda, deya ma’lum qildi SSV rahbari. Tibbiyot bilan bog‘liq bo‘lmagan xizmatlar ham xususiy sektorga o‘tkaziladi. gazeta.uz »
O‘zbekistonda jismoniy shaxslarga doimiy asosda o‘zini o‘zi band qilgan shaxs sifatida taksichilik qilishga ruxsat berildi. O‘rinlar soniga qo‘yilgan cheklov ham olib tashlandi. Yiliga 100 mln so‘mgacha daromad soliqqa tortilmaydi, hisob-kitob esa har yili qayta boshlanadi. gazeta.uz »
Ichki ishlar vazirligi ID kartalar, xorijga chiqish pasportlari va istalgan raqamlar kombinatsiyasiga ega haydovchilik guvohnomalarini yuqori to‘lov evaziga berish xizmatini yo‘lga qo‘yishni taklif etuvchi qaror loyihasini muhokamaga qo‘ydi. gazeta.uz »
Davlat organlarining veb-saytlari yagona portalga o‘tadi, pensiyalar avtomatik ravishda tayinlana boshlaydi, avtomobillar uchun eko-stikerlar joriy etiladi, renovatsiya asosida qurilishning yangi tartibi joriy etiladi - 1-martdan nimalar o‘zgaradi? gazeta.uz »
O‘zbekistonda uy-joy sotib olayotganda to‘lanadigan QQSning bir qismini keshbek shaklida qaytarish mexanizmini joriy etish rejalashtirilmoqda. Ushbu chora uy-joy sohasida yashirin iqtisodiyotni kamaytirishga qaratilgan. gazeta.uz »
Oliy Majlis huzuridagi NNTlarni qo‘llab-quvvatlash jamg‘armasi O‘zbekistonda xorijiy grantlar to‘xtatilishidan jabr ko‘rgan tashkilotlarni qo‘llab-quvvatlashga tayyor. Jamg‘arma rahbari bu haqda AQShning yangi ma’muriyati USAID’ning xorijiy yordamini to‘xtatgani haqidagi xabarlar fonida ma’lum qildi. gazeta.uz »
