çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
1-avgustdan boshlab O‘zbekistonda oziq-ovqat mahsulotlariga texnik reglament va standartlar talab etilmaydi. Buning o‘rniga daxldor idoralar bilan kelishilgan SanQvaNlar joriy etiladi. Yil oxirigacha bir qator sanitar, fitosanitar va veterinariya tartib-taomillarining bajarilishi majburiy bo‘lmaydi. gazeta.uz »
Burger King fastfud restoranlari tarmog‘i O‘zbekiston bozoriga kirishga tayyorlanmoqda. International Beverages Tashkent asoschisi (Pepsi va boshqa ichimliklar ishlab chiqaruvchisi) prezident bilan uchrashuvda ikki-uch oy ichida ilk restoranlar ochilishini ma’lum qildi. gazeta.uz »
O‘zbekistonda yuqori xavfli tovarlar, jumladan, tish cho‘tkalari, tagliklar, bolalar kiyimlarini davlat ro‘yxatidan o‘tkazish amaliyoti bekor qilinadi. Bu ro‘yxatni hukumat o‘tgan yil avgustida tasdiqlagandi. gazeta.uz »
O‘zbekistonda 2021-yilda shakarga nisbatan joriy qilingan 20 foizlik aksiz to‘lovi va quruq sut importidagi cheklovlar bekor qilinadi. Bu qandolatchilik va salqin ichimliklar tarmog‘ini qo‘llashga qaratilgan. gazeta.uz »
Prezident kurerlik xizmatlari mopedlarni sertifikatlash uchun sotib olgan narxicha yana pul to‘lashini ta’kidlab, jarayonni qayta ko‘rib chiqish va majburiy sertifikatlanishi kerak bo‘lgan tovarlar ro‘yxatini qisqartirishni buyurdi. gazeta.uz »
Rossiyaning Rutube videohostingi sayti O‘zbekistondagi ayrim foydalanuvchilarda vaqtincha ochilmay qoldi. Platforma matbuot xizmati servis mamlakatda faoliyatini davom ettirayotganini ma’lum qildi. AOKA ehtimoliy texnik nosozlikka ishora qilib, platforma bloklanganini rad etdi. gazeta.uz »
O‘zbekistonda 1-sentabrdan boshlab har bir qurilish obyekti uchun QR-kodli pasport joriy etiladi. U orqali quruvchi, loyiha va qurilish sanalari haqida ma’lumot olish mumkin bo‘ladi. Tajriba tariqasida Qashqadaryodagi qurilish obyektlarida davlat budjeti hisobidan videokameralar o‘rnatiladi. gazeta.uz »
Lotereya, bukmekerlik va internet orqali tavakkalchilikka asoslangan o‘yinlar faoliyati litsenziya asosida amalga oshiriladigan faoliyatlar qatoriga kiritildi. Istiqbolli loyihalar milliy agentligiga kapital bozori, sug‘urta bozori va lotereyalarni tartibga solish bo‘yicha vakolatlar yuklatildi. gazeta.uz »
Hukumat O‘zbekistonda moped va skuterlarni boshqarish uchun haydovchilik guvohnomasiga ega bo‘lish majburiyatini 2025-yil 1-martdan 1-oktabrga ko‘chirdi. gazeta.uz »
Jizzax viloyatida RITM-200N reaktorlariga ega kichik atom elektr stansiyasi loyihasi doirasida qurilish-montaj bazasining (QMB) birinchi bosqichi qurilishi boshlandi. Ushbu baza energobloklar qurilishining butun davri uchun infratuzilmaning asosiy elementiga aylanadi. gazeta.uz »
2025-yil mart yakuniga ko‘ra, O‘zbekistonda nogironligi bo‘lgan shaxslar 1 031 609 nafarni tashkil etadi, ularning 173 285 nafari bolalar. Viloyatlarda eng yuqori ko‘rsatkich Samarqand, Qashqadaryo va Farg‘onaga to‘g‘ri keladi. gazeta.uz »
Respublika bolalar ijtimoiy moslashuvi markazi va Rossiyaning robotlashtirilgan protezlar ishlab chiqaruvchi “Motorika”si o‘rtasida hamkorlik memorandumi imzolandi. Ishlab chiquvchilar o‘z mahsulotlarini davlat tomonidan muhtojlarga beriladigan reabilitatsiya texnik vositalari ro‘yxatiga kiritmoqchi. gazeta.uz »
Tojikistonning Tog‘li Badaxshon hududida 7 balli zilzila sodir bo‘ldi. Bu O‘zbekiston shaharlarida ham sezildi. Poytaxtda, rasmiy ma’lumotlarga ko‘ra, 2 ball bo‘lgan, ammo aholi zilzila kuchliroq bo‘lganini aytmoqda. gazeta.uz »
Xitoyning Leapmotor avtomobil ishlab chiqaruvchisi C16 modeli elektromagnit moslashuvchanlik sinovidan o‘tmagani bo‘yicha test natijalaridan noroziligini bildirdi. Kompaniya avtomobilni test sinovlari uchun taqdim etmaganini va qayta tekshiruv o‘tkazilishini talab qilayotganini ta’kidladi. gazeta.uz »
O‘zbekistonda xizmat ko‘rsatgan san’at arbobi Mansur Ravshanov 88 yoshida vafot etdi. U “Maysaraning ishi”, “Boy ila xizmatchi”, “Alisher Navoiy”, “Oq kema” kabi spektakllarni sahnalashtirgan. gazeta.uz »
O‘zbekistonda 1-maydan mineral o‘g‘itlar va o‘simliklarni himoya qilish uchun ishlatiladigan kimyoviy vositalarini raqamli markirovkalash bo‘yicha tajriba loyihasi boshlanadi. Jarayonda beshta kompaniya ishtirok etadi. Tartib 2026-yil 1-maydan boshlab majburiy bo‘ladi. gazeta.uz »
O‘zbekistonda 1991-yilgacha qurilgan eski binolarni buzib, ularning o‘rnida rekonstruksiya dasturi asosida energiya tejaydigan zamonaviy uy-joylar qurish rejalashtirilmoqda. Loyihani amalga oshirishning majburiy sharti aholining roziligi va tegishli kompensatsiya to‘lash bo‘ladi. gazeta.uz »
Limon yetishtiriladigan hududlarda ixcham issiqxonalar quriladi va imtiyozli shartlarda aholiga beriladi. Xorijdan limondan murabbo, jem va limonad ishlab chiqaradigan uskunalar olib kelinib, tadbirkorlarga lizingga taqdim etiladi. gazeta.uz »
Fransiyaning “Kurshevel” tog‘-chang‘i kurorti O‘zbekistonda Yevropa darajasidagi sayyohlik zonalarini yaratishdan manfaatdor, dedi prezident. Parkentdagi “Oltin bel” cho‘qqisida allaqachon Amirsoy majmuasidan to‘rt barobar katta yangi chang‘i zonasi qurilmoqda. gazeta.uz »
2025-yil 1-maydan hukumat mablag‘lari hisobidan tashkil etiladigan konsertlarda fonogrammadan foydalanish bosqichma-bosqich cheklanadi. Reklamalarda jonli ijro yoki fonogrammadan foydalanilishi aniq ko‘rsatilishi kerak. gazeta.uz »
O‘zbekistonda barcha tarixiy obidalarga kirish imkonini beruvchi “yagona turistik karta” joriy etiladi, deya ma’lum qildi prezident. Tizim shaffoflashishi uchun turizm obyektlarda kirib-chiqishni avtomatik hisobga oluvchi moslama o‘rnatiladi. 400 ta obyekt tadbirkorlarga ijaraga beriladi. gazeta.uz »
O‘zbekiston prezidenti Samarqand, Buxoro, Xiva va Shahrisabzga bormagan oilalar ko‘p ekanini qayd etdi. U, shu bois, mamlakatda har oyning bitta shanba va yakshanbasi “oila va mehnat jamoasi bilan sayohatga chiqish” kuni deb e’lon qilinishini ma’lum qildi. gazeta.uz »
ChatGPT ishlab chiquvchisi bo‘lgan OpenAI sun’iy intellekt kompaniyasi O‘zbekistonda QQS to‘lovchisi sifatida ro‘yxatdan o‘tdi. O‘zbekistonliklar undan 2023-yilning noyabr oyidan buyon foydalanib kelmoqda. gazeta.uz »
Hukumat 201 kVt/soatdan 500 kVt/soatgacha elektr iste’moli uchun alohida tariflar joriy etmoqda. 2026-yildan elektr va gaz tariflari har yili 1-maydan inflyatsiyani hisobga olib, ammo 10 foizdan oshmagan miqdorda ko‘tariladi. gazeta.uz »
O‘zbekistonda yangi hosil bo‘lgan ertaki kuzgi piyoz narxi o‘tgan yilga nisbatan 10 barobar qimmat bo‘ldi. Hosil yig‘im-terimi boshlangan Surxondaryo viloyati dehqonlari piyozning har kilogrammini 5000 so‘mdan jo‘natmoqda. gazeta.uz »
2026-yildan boshlab aylanmadan olinadigan soliq stavkalaridan voz kechilmoqda. Mubin Mirzayevga ko‘ra, barcha tadbirkorlar uchun teng sharoit yaratish maqsadida shunday qilinyapti. “Soliqqa tortish tartibi maksimum ikkita bo‘lishi kerak. gazeta.uz »
2026-yilda O‘zbekistonda Global ekologik fond donorlari assambleyasini o‘tkazish rejalashtirilmoqda, deya ma’lum qildi ekologiya vaziri Aziz Abduhakimov iqlim forumida. Tadbir doirasida Markaziy Osiyo mamlakatlari uchun ekologiya sohasida qo‘shimcha mablag‘ va texnik yordam jalb qilinishi kutilmoqda. gazeta.uz »
Raqobat qo‘mitasi eksklyuziv huquqlarga ega 67 ta kompaniya reyestrini e’lon qildi. Biroq ro‘yxatda ayrim kompaniyalar, jumladan, UzIMEI tizimi operatori yo‘q. Qo‘mitaning tushuntirishicha, huquqlari maxfiy tarzda berilganlar uchun alohida ro‘yxat tuzilgan - uni e’lon qilish noqonuniy. gazeta.uz »
O‘zbekistonda Butunjahon tozalik kunini o‘tkazish rejalashtirilmoqda. Prezident BMT-Xabitat ijrochi direktori Anaklaudiya Rossbax bilan shu masala imkoniyatlarini muhokama qildi. Ular, shuningdek, Toshkentda tashkilot ofisini ochish va “aqlli” hamda “yashil” shaharlarni rivojlantirish mavzularini ko‘rib chiqdi. gazeta.uz »
O‘zgidromet agentligi 2025-yilning mart oyi iqlimiy me’yorga yaqin bo‘lganini ma’lum qildi. Respublika hududining katta qismida mart oyi uchun yog‘ingarchilikning umumiy miqdori oylik me’yor atrofida va undan kam bo‘ldi. Tog‘li hududlarida qorning jadal erishi kuzatildi. gazeta.uz »
O‘zbekistonda to‘lov xizmatlari mijozlarni mobil ilovalarda hisobvaraq ochish, elektron terminallar chiqarish, 11,25 mln so‘m miqdoridagi pul o‘tkazmalarini jo‘natish, qabul qilishda tegishli tekshiruvdan o‘tkazishi shart. gazeta.uz »
Aprel - iqlimni his qilish nuqtai nazaridan yilning eng yoqimli oylaridan biri. 2025-yilning apreli harorat bo‘yicha me’yordan yuqori, yog‘ingarchilik bo‘yicha esa aksariyat hududlarda quruqroq o‘tishi taxmin qilinyapti. gazeta.uz »
Toshkent shahrida Yevropa investitsiya bankining mintaqaviy ofisi ochiladi. Bu boradagi bitim Samarqandda Shavkat Mirziyoyev, Yevropa kengashi prezidenti va Yevropa komissiyasi prezidenti huzurida imzolandi. gazeta.uz »
O‘zbekistonda xizmat ko‘rsatgan quruvchi, texnika fanlari nomzodi, Toshkent politexnika instituti Qo‘qon filiali asoschilaridan biri No‘monxon Abbosxonov 90 yoshida olamdan o‘tdi. gazeta.uz »
Air Products and Chemicals kompaniyasi O‘zbekistonda yangi loyihalar - uglerodni ushlash va saqlash, aviatsiya yoqilg‘isi ishlab chiqarish va ko‘mirni gazlashtirishni ko‘rib chiqmoqda. Mazkur rejalar kompaniya rahbariyati va Investitsiyalar, sanoat va savdo vazirligi o‘rtasida bo‘lib o‘tgan uchrashuvda muhokama qilindi. gazeta.uz »
2025-yil 1-iyuldan boshlab O‘zbekistonda energiya samaradorligini oshirish loyihalari uchun kreditlar va subsidiyalar ajratila boshlaydi. Dastur aholi va energiya xizmati kompaniyalarini qamrab oladi, shuningdek, uy-joylarni “yashil ta’mirlash” uchun imtiyozli kreditlash shartlarini ko‘zda tutadi. gazeta.uz »
O‘zbekistonda Xitoyning Leapmotor mashinalarini sertifikatlash jarayoni vaqtincha to‘xtatildi. C16 modelining sinovlari elektromagnit shovqin darajasidan oshib ketganini ko‘rsatgan. Talablarga javob bermaydigan transport vositalarini mamlakatga olib kirishga ruxsat etilmaydi. Kompaniya holatni o‘rganmoqda. gazeta.uz »
2024-yilda O‘zbekistonning tashqi qarz bo‘yicha foiz to‘lovlari 32,7% - 3,3 mlrd dollargacha oshdi. Tashqi qarzga xizmat ko‘rsatish xarajatlarining ortishi ikkita asosiy omil bilan bog‘liq: qarzning o‘zi va dunyoda foiz stavkalarining keskin o‘sishi. gazeta.uz »
OTB O‘zbekistonga inklyuziv ipoteka bozorini kengaytirish uchun 30 mln dollar qarz ajratishni ma’qulladi. Mablag‘ uy-joy kreditlarini, shuningdek, ekologik va energiya tejamkor ta’mirlashni qo‘llab-quvvatlashga yo‘naltiriladi. gazeta.uz »
Hukumat qarori bilan tomorqalar va ijara asosidagi yer maydonlarida samarasiz foydalanayotganlarga ko‘riladigan choralar ishlab chiqildi. Ularning ayrim imtiyozlari to‘xtatiladi, kreditlar berilmaydi va ekin ekilmagani aniqlangan yil uchun yer solig‘i uch karra miqdorida hisoblanadi. gazeta.uz »
Musulmonlar idorasi Ramazon hayiti namozining o‘qilish vaqtlarini e’lon qildi. U Toshkent shahrida soat 06:30 da, boshqa hududlarda namoz vaqtidagi tafovutni inobatga olib o‘qiladi. gazeta.uz »
Sentabrda O‘zbekistonda 8-sinf bitiruvchilari uchun xalqaro maktab ochiladi. Yoshlarni Pechak ligasi universitetlariga tayyorlash milliy dasturini ishga tushirish rejalashtirilgan - 3000 nafar maktab o‘quvchisi intensiv tayyorgarlikdan o‘tadi, eng yaxshilari AQShda tajriba almashish imkoniyatiga ega bo‘ladi. gazeta.uz »
O‘zbekistonda bozorlarga egalik qilishda hokimliklarning majburiy ishtiroki to‘g‘risidagi norma bekor qilinadi. Bu biznes uchun qo‘shimcha imkoniyatlar yaratadi, deyiladi prezident huzuridagi yig‘ilishda. gazeta.uz »
2026-yil 1-yanvardan boshlab o‘zini o‘zi band qilgan shaxslar shug‘ullanishi mumkin bo‘lgan faoliyat turlari 104 tadan 72 taga qisqaradi. Sartaroshlik, repetitorlik, foto-videochilik, kopirayterlik va boshqalar ro‘yxatdan chiqarib tashlanadi. gazeta.uz »
O‘zbekistonda Ramazon hayiti bayrami 30-martda nishonlanadi. Hayitning birinchi kuni yakshanbaga to‘g‘ri kelishi munosabati bilan dam olish 31-mart, dushanbaga ko‘chiriladi. gazeta.uz »
O‘zbekistonda 1-iyuldan boshlab kichik va o‘rta biznes subyektlari uchun yangi majburiyatlar yuklashga moratoriy e’lon qilinadi. Shuningdek, “Birinchi imkoniyat” tamoyili joriy etiladi va tadbirkorlar faoliyatining birinchi yilidagi ilk qoidabuzarligi uchun javobgarlikdan ozod etiladi. gazeta.uz »
1-maydan YATT yoki yuridik shaxs sifatida ro‘yxatdan o‘tganda o‘zini o‘zi band qilgan shaxslar davlat bojidan ozod qilinadi. Bu tadbirkorlarning yiriklashuvini rag‘batlantirish dasturining bir qismidir. gazeta.uz »
O‘zbekistonda 2025-yil 1-iyuldan birinchi faoliyati davomida savdo va tadbirkorlik sohalariga oid ma’muriy huquqbuzarlikni ilk bor sodir etgan kichik tadbirkorlik subyektlarini ma’muriy javobgarlikdan ozod etadigan “Birinchi imkoniyat” tamoyili joriy qilinadi. gazeta.uz »
Kichik va o‘rta biznes subyektlarini yiriklashtirishga oid yangi dastur ishga tushirildi. Unga ko‘ra, yillik aylanmasi va yaratgan ish o‘rinlari soniga qarab, biznes egalari orasidan “chempion” tadbirkorlar ro‘yxati shakllantiriladi. gazeta.uz »
Kadastr agentligi ruxsatsiz o‘rnatilgan bankomatlar demontaj qilinayotganini xabar berdi. Tashkilot ish muntazam olib borilayotganini aytdi, biroq demontaj qilingan qurilmalarning aniq soni oshkor etilmayapti. gazeta.uz »
