Ayrim - Ïîñëåäíèå íîâîñòè [ Ôîòî â íîâîñòÿõ ] | |
Hukumat qarori bilan Kambag‘allikni qisqartirish davlat maqsadli jamg‘armasi faoliyatini tashkil etish bo‘yicha nizom tasdiqlandi. Yangi tartibga ko‘ra, 1-oktabrdan jamg‘arma mablag‘lari hisobidan fuqarolarga naqd pul shaklida beriladigan mablag‘lar bosqichma-bosqich ijtimoiy karta orqali taqdim etiladi. gazeta.uz »
Prezident ayrim idoralar tomonidan sudga ta’sir o‘tkazishga urinishlar hali-hanuz davom etayotganini aytdi. “Barcha rahbarlarni qat’iy ogohlantiraman. Sudlar faoliyatiga har qanday aralashish odil sudlovga soya solish, deb baholanadi. gazeta.uz »
Prezident Shavkat Mirziyoyev ayrim tuman va shahar ichki ishlar rahbarlari statistikani yaxshilash uchun jinoyatni yashirayotgani, ro‘yxatga olishni oylab cho‘zib yurganini ta’kidladi. Davlat rahbari bosh prokuratura ham, ichki ishlar vazirligi ham uyg‘onishi, yangicha ishlab, bir-birini tiyib turishi kerakligini aytdi. gazeta.uz »
Toshkent shahrida 28-fevraldan boshlab taroveh namozi o‘qiladigan vaqtda - soat 18:00 dan 00:00 ga qadar masjidlar yaqinidagi yo‘llar yopiladi. Ro‘yxat. gazeta.uz »
Toshkent shahrida yoqqan qor tufayli Yangihayot va Sergeli tumanlaridagi qator mavzelar elektr va issiqlik ta’minotidan uzilib qoldi. Veolia Energy Tashkent elektr tiklangani, hozirda issiqlik ta’minotini tiklash ishlari ketayotganini ma’lum qildi. gazeta.uz »
O‘zbekistonda notarial xizmatlar uchun komissiya miqdorlari o‘zgartirildi. Ko‘chmas mulk va avtotransport vositalarini boshqa shaxsga o‘tkazish bo‘yicha maslahat berish BHMning 15 foizigacha, ko‘chmas mulkni o‘tkazish bo‘yicha notarial tasdiqlangan shartnomalarni tayyorlash BHMning 30 foizigacha bo‘lgan miqdorda oshirildi. gazeta.uz »
Hukumat qarori bilan import qilinadigan ayrim asbob-uskunalarni sug‘urtalash hamda xomashyo va materiallarni sertifikatlash xarajatlarining bir qismini qoplab berish bo‘yicha nozim tasdiqlandi. Tartib 2025-yil oxiriga qadar amal qiladi. gazeta.uz »
Toshkent va Navoiy viloyatlarining aksariyat tuman-shaharlarida maishiy chiqindilarni olib chiqish uchun tariflar oshirildi. Ta’kidlanishicha, majburiy yagona tariflar xizmatlar sifatini oshirishga va yangi ish o‘rinlarini yaratishga xizmat qiladi. gazeta.uz »
9-yanvardan 6-fevralgacha Toshkent supermarketlarida kartoshka, sabzi, lavlagi, tuxum, sut va shakar narxlari sezilarli darajada pasaydi, karam va bodring esa qimmatlashdi, deya xabar berdi MHTI. 94,2 ming tonna kartoshka import qilinishi ortidan mahsulot narxi arzonlashgan. gazeta.uz »
O‘zbekistonda ayrim ulgurji iste’molchilar uchun gaz ta’minotiga cheklovlar joriy etildi, deb xabar qildi “Hududgazta’minot”. Sabab sifatida allaqachon bartaraf etilgan avariya tufayli magistral gaz quvurlarida bosimning pasaygani keltirildi. gazeta.uz »
1-apreldan boshlab go‘sht, sut va tuxum sotishdagi tushumi daromadining 90 foizini tashkil etuvchi chorvachilik va parrandachilik xo‘jaliklari uchun QQSning 50 foizi qaytariladi. “Mikrokreditbank”ka 1 mln ish o‘rni yaratishga mo‘ljallangan “Parranda boqish - daromad topish” loyihasi uchun 50 mln dollar ajratiladi. gazeta.uz »
Surxondaryo viloyati hokimi o‘zining o‘rinbosarlari hamda shahar va tuman hokimlarini mukofotlash uchun 661 million so‘m ajratdi. Farmoyish jamoatchilik e’tirozlaridan so‘ng bekor qilindi. Mablag‘lar “Kambag‘allikdan farovonlik sari” dasturiga yo‘naltirilishi aytildi. gazeta.uz »
O‘zbekistonda 1-iyuldan “Ekofaol fuqaro” platformasiga o‘zi ekkan daraxti to‘g‘risida ma’lumotlar kiritgan kambag‘al oilalar a’zolariga o‘rmon fondi yerlarida ekilgan har 100 ta daraxt uchun BHMning 1 baravari miqdorida subsidiya ajratiladi. gazeta.uz »
O‘zbekistonning ayrim banklarida AQSh dollarining sotuv kursi 13 000 va undan yuqori etib belgilandi. Sotib olish kursi esa 12 940 so‘mgacha ko‘tarildi. gazeta.uz »
Tuman va shaharlar hokimliklari sakkizta vazirlik va idoraning bo‘lim rahbarlarini lavozimga tayinlash va ozod etish, shuningdek, ularni rag‘batlantirish va jazolash huquqiga ega bo‘ladi. 15 ta tumanda “Aholi va tadbirkorlar manfaatlariga xizmat qilish” huquqiy eksperimenti o‘tkaziladi. gazeta.uz »
Prezident qarori bilan 2025-yildan boshlab ikki yil davomida belgilangan talablarga javob beruvchi kombaynlar hamda ko‘chat ko‘mish va ochish texnikalari bojxona boji va utilizatsiya yig‘imidan ozod qilinadi. gazeta.uz »
Shanba va yakshanba kunlari O‘zbekistonning ayrim hududlarida qor yog‘adi. Havo harorati kechasi va kunduzi 0…-10 daraja atrofida bo‘ladi. Ba’zi joylarga tuman tushadi. gazeta.uz »
Shavkat Mirziyoyev Qashqadaryo viloyatida oziq-ovqat xavfsizligini ta’minlash rejalari bilan tanishdi. Unga ko‘ra, 2025-yildan hudud kartoshka, meva, parranda go‘shti va tuxum bo‘yicha o‘zini o‘zi to‘liq ta’minlashga o‘tadi. gazeta.uz »
Toshkent shahri Chilonzor tumanida kabel tarmoqlarini o‘tkazish ishlari boshlangani sababli Furqat va Beshyog‘och ko‘chalarining ayrim qismlarida 22-noyabrdan 10-dekabrgacha harakat cheklanadi. gazeta.uz »
2025-yildan boshlab O‘zbekistonda BNEF Tier-1 xalqaro ro‘yxatiga kirmaydigan ishlab chiqaruvchilardan quyosh panellari, invertorlar va akkumulyatorlarni olib kirishga taqiq joriy etiladi. gazeta.uz »
Saylov kuni uchastka saylov komissiyalarida ayrim kamchiliklar qayd etildi: pasportning telefondagi rasmi asosida ovoz berish imkoniyati, kabinalarda bir vaqtda bir necha kishi bo‘lgani va boshqalar. gazeta.uz »
Yangi tashkil etilgan Migratsiya agentligi 2026-yilgacha fuqarolarni xorijga yuborish va ishga joylashtirish bilan bog‘liq funksiyalarini xususiy bandlik agentliklariga o‘tkazadi. Ish takliflari ochiq e’lon qilinadi, saytda rezyume shakllantirish imkoni paydo bo‘ladi. Migrantlariga 10 mln so‘mgacha mikrokredit beriladi. gazeta.uz »
Futzal bo‘yicha FIFA-2024 jahon chempionati o‘tkazilishi munosabati bilan Humo Arena yonidagi ko‘chalarda transport harakati vaqti-vaqti bilan cheklanadi. gazeta.uz »
Toshkent shahri aholisi geonom.tashkent.uz sayti orqali Uchtepa tumanidagi ayrim nomsiz ko‘chalarni nomlash yoki qayta nomlash (jami 187 ta) yuzasidan o‘z fikrini bildirishi mumkin. Jarayon 3-sentabrgacha davom etadi. gazeta.uz »
O‘zbekistonda ozodlikni cheklash tarzidagi jazoni o‘tash davrida jamoat tartibini buzish bilan bog‘liq huquqbuzarliklar uchun ma’muriy javobgarlikka tortilgan probatsiya nazoratidagi shaxsga nisbatan elektron braslet qo‘llaniladi. gazeta.uz »
O‘zbekistonda ayrim davlat xizmatlarini ko‘rsatish soddalashtirildi. Xususan, ERI kalitini berishda Face-ID qilinadi va kalit avtomatik tarzda rasmiylashtirib beriladi. Shuningdek, bolalarni bog‘chaga qabul qilish uchun rasmiylashtirilgan yo‘llanmalarni maxsus axborot tizimi orqali yuborish tartibi joriy etildi. gazeta.uz »
16-iyunda Toshkent shahridagi 121 ta masjidda Qurbon hayiti namozi o‘qilishi kutilmoqda. Shu kuni soat 00:00 dan 7:00 gacha ayrim ko‘cha va yo‘llarda avtotransport vositalarining harakati to‘liq cheklanadi (ro‘yxat). gazeta.uz »
1-iyuldan mahalliy yo‘nalishlardagi “Nasaf”, “Sharq”, “O‘zbekiston” poyezdlari chipta narxlarining tarif qismi 25 foizga oshadi. Bundan avval narxlar 20-yanvardan 20 foizga ko‘tarilgandi. gazeta.uz »
Ichki ishlar vazirligi binosi yaqinida yerosti kabelida yuz bergan yong‘indan so‘ng pasport va manzil bilan bog‘liq xizmatlarni ko‘rsatishda uzilishlar kuzatilmoqda, deb xabar qildi Adliya vazirligi va Toshkent shahar IIBB. gazeta.uz »
Toshkent shahri Sergeli tumanida uzunligi 510 metr bo‘lgan eskirgan issiqlik quvurini yangilash ishlari boshlandi. Shu munosabat bilan hududdagi ayrim yo‘llarda transport harakati kamida bir oyga cheklandi (xarita). gazeta.uz »
24−26-may kunlari Samarqanddan Toshkentga “Afrosiyob” elektropoyezdining qo‘shimcha harakati yo‘lga qo‘yildi. Shuningdek, Buxoro va Qarshidan qatnovchi poyezdlarning harakat vaqtiga o‘zgartirish kiritildi. gazeta.uz »
Toshkentning 6 ta tumanidagi ayrim joylarda 20-may soat 09:00 dan 21-may soat 21:00 gacha ichimlik suvi bo‘lmaydi. Bu paytda rejali profilaktika ishlari amalga oshiriladi. gazeta.uz »
3-iyundan Andijon-Termiz va Toshkent-Andijon, 6-iyundan esa Andijon-Qo‘ng‘irot yo‘nalishida qo‘shimcha poyezdlar qatnay boshlaydi. gazeta.uz »
Yakkasaroy tumanidagi Bobur ko‘chasining ayrim qismlarida yo‘l bir tomonlama noma’lum muddatga yopildi. U yerda 15-may kuni soat 22:00 dan boshlab ta’mirlash ishlari boshlandi. Haydovchilardan yondosh ko‘chalardan harakatlanish so‘ralgan. gazeta.uz »
Chet elda fitosanitariya sertifikati talab etilmaydigan va fitosanitar xavfi past bo‘lgan karantin ostidagi mahsulotlarni xorijdan olib kirishda fitosanitariya sertifikatini talab qilish bekor qilinmoqda. gazeta.uz »
Toshkent shahri aholisi geonom.tashkent.uz sayti orqali 13-maygacha Yunusobod tumanidagi 212 ta ko‘cha va obyektni nomlash bo‘yicha o‘z takliflarini yo‘llashi mumkin. gazeta.uz »
Toshkent shahrida 10-aprel kuni Ramazon hayiti namozi o‘qilishi munosabati bilan ayrim masjidlarga yondosh bo‘lgan ko‘chalarda avtomobillar harakati cheklanadi. gazeta.uz »
O‘zbekistonda 2024/2025 o‘quv yilidan ijod va ixtisoslashtirilgan maktablarda chet tilini bilish bo‘yicha kamida V2 darajadagi sertifikatga ega bo‘lgan o‘qituvchilar tomonidan fanlarni chet tilida o‘qitish amaliyoti joriy etiladi. Buning uchun ularga har oylik qo‘shimcha ustama to‘lanadi. gazeta.uz »
Seshanba kuni ta’mirlash ishlari tufayli poytaxtning Sergeli (10:00 dan 18:00 gacha) va Yangihayot (14:00 dan 17:00 gacha) tumanlaridagi ayrim joylarda gaz yetkazib berish to‘xtatiladi. gazeta.uz »
Toshkent ekologik zonalarga bo‘linadi. Ularga kirishni avtomobil chiqaradigan ifloslantiruvchi moddalar darajasiga qarab cheklash rejalashtirilgan. Bu darajani aniqlash va avtomobilni RFID stikerlari bilan belgilash Fayzoboddagi diagnostika markazida bo‘ladi. Prezident markaz faoliyati bilan tanishdi. Foto. gazeta.uz »
O‘zbekistonda aholiga xizmat ko‘rsatuvchi budjet tashkilotlari, uy-joylarni jismoniy shaxslarga sotishda quruvchilar va boshqalar uchun naqd puldan foydalanishni qisqartirish va naqdsiz to‘lovlarni joriy etish rejalashtirilmoqda. gazeta.uz »
12 |
