2024-yilda - Ïîñëåäíèå íîâîñòè [ Ôîòî â íîâîñòÿõ ] | |
2024-yili O‘zbekistonda korrupsiya uchun sudlangan har besh kishidan biri ozodlikdan mahrum qilindi. Bunday hukmlar biroz ko‘paygan bo‘lsa-da, sudlanganlarning 40 foizidan ko‘pi hali ham axloq tuzatish ishlari bilan jazolanmoqda. gazeta.uz »
2024-yilda o‘zbekistonliklar Shengen vizasi uchun 58 mingdan ortiq ariza topshirdi - bu 2023-yilga nisbatan 26,2 foizga ko‘p. Viza berish darajasi 88 foiz bo‘ldi (51,6 mingta). O‘zbekistonliklarga eng ko‘p vizani Germaniya taqdim etdi. gazeta.uz »
O‘zbekistonda Yandex Go orqali ishlovchi haydovchilar, kuryerlar va hamkorlar 2024-yilda qariyb 530 mln dollar ishlab topdi, 2025-yilning birinchi yarmida esa 340 mln dollar - bu o‘tgan yilning shu davriga nisbatan 50% ko‘p, dedi Gazeta’ga Yandex Uzbekistan bosh direktori Izzat Shukurov. gazeta.uz »
Prezident Shavkat Mirziyoyev yoshlar bilan uchrashuvda 2024-yilda 150 mingdan ziyod yoshlar xalqaro til sertifikatlari olganini, bu 2023-yilga nisbatan 2 baravar ko‘pligini ta’kidladi. Shuningdek, 2025-yilning birinchi yarmida yoshlar xalqaro fan olimpiadalarida 166 ta medal qo‘lga kiritgan. gazeta.uz »
O‘tgan yili O‘zbekistonda mehnat jarayoni bilan bog‘liq 868 ta baxtsiz hodisa kuzatildi. Oqibatda 261 nafar kishi vafot etdi. Bandlik vazirligiga ko‘ra, xodimlar yoki ularning oila a’zolariga 3 mlrd so‘mdan ziyod tovon pullari undirib berildi. gazeta.uz »
O‘tgan yili O‘zbekistonda 3321 nafar haydovchi yo‘l harakati qoidalarini buzish bo‘yicha sudlanib, ulardan 917 nafari ozodlikdan mahrum etildi. Bir yilda YTHlar oqibatida 2203 kishi halok bo‘ldi, 8901 kishi jarohatlandi. gazeta.uz »
Amnesty International tashkilotiga ko‘ra, 2024-yilda 15 ta mamlakatda 1518 kishi qatl etildi, bu 2015-yildan beri eng yuqori ko‘rsatkichdir. Qatl amaliyotlari eng ko‘p Eron, Iroq va Saudiya Arabistonida ijro etilgan. gazeta.uz »
2024-yil soliq organlari tomonidan xarid cheki bermaslik bo‘yicha salkam 38 ming holatda soliq tekshiruvi o‘tkazildi. Natijada huquqbuzarlik sodir etgan tadbirkorlik subyektlariga nisbatan 135 mlrd so‘mlik jarima qo‘llanildi. gazeta.uz »
2024-yilda O‘zbekistonning tashqi qarz bo‘yicha foiz to‘lovlari 32,7% - 3,3 mlrd dollargacha oshdi. Tashqi qarzga xizmat ko‘rsatish xarajatlarining ortishi ikkita asosiy omil bilan bog‘liq: qarzning o‘zi va dunyoda foiz stavkalarining keskin o‘sishi. gazeta.uz »
2024-yili muzeylar eksponatini boyitish maqsadida aholidan 4 mlrd so‘mga 2 mingdan ortiq madaniy boyliklar xarid qilingan. “Milliy merosga mening hissam” aksiyasi doirasida, asosan, tasviriy va amaliy san’at asarlari sotib olingan. gazeta.uz »
O‘zbekistonning umumiy tashqi qarzi 2024-yil yakuniga ko‘ra 64,1 milliard dollarni yoki YIMning 55,7 foizini tashkil qildi. Yil davomida qarz 10,8 mlrd dollarga oshdi, bu esa tarixdagi eng katta o‘sishdir. gazeta.uz »
2024-yilda bolalar ombudsmani nomiga O‘zbekiston va xorijiy davlatlar fuqarolari hamda ombudsmanlari, jamoat tashkilotlari va boshqa yuridik shaxslardan 1064 ta murojaat kelib tushdi. Bu ko‘rsatkich 2023-yilga qaraganda 2,4 baravar oshgan. gazeta.uz »
Iqtisodiy tadqiqotlar va islohotlar markazi 2024-yilda O‘zbekistonda uy-joylarning real narxlari o‘sishi 1 foizni tashkil etganini ma’lum qildi. Ko‘rsatkich 2022-yilda 14,6 foizni, 2023-yilda esa 18,5 foizni tashkil etgan. gazeta.uz »
2024-yilda IIV profilaktika inspektorlari kesimida navbatdan tashqari attestatsiya o‘tkazilib, sohaga dog‘ tushiradigan va fuqarolar bilan qo‘pol munosabatda bo‘lgan 300 ga yaqin xodim ishdan olindi. gazeta.uz »
2024-yilda O‘zbekistonda 100 mingdan ortiq xonadonga ega ko‘p qavatli uy-joy qurildi, bu 2023-yilga nisbatan ikki baravar kam. Shuningdek, yil davomida ro‘yxatdan o‘tgan uy-joy oldi-sotdi bitimlari soni o‘tgan yilga nisbatan 5,8 foizga pasaydi, ipoteka kreditlarining o‘sish sur’ati esa sekinlashdi. gazeta.uz »
2024-yilda O‘zbekistonda 100 mingdan ortiq xonadon qurildi. Shuningdek, yil davomida ro‘yxatdan o‘tgan uy-joy oldi-sotdi bitimlari soni o‘tgan yilga nisbatan 5,8 foizga pasaydi, ipoteka kreditlarining o‘sish sur’ati esa sekinlashdi. gazeta.uz »
O‘zbekistonda 2024-yilda o‘tkazilgan reydlarda yo‘lovchilarni noqonuniy tashish bilan shug‘ullangan 108 mingdan ortiq haydovchi aniqlangan. Ularning 42 141 nafari o‘z faoliyatini qonuniylashtirib, litsenziya olgan. gazeta.uz »
Bojxona organlari 2024-yilda qiymati 61,6 mlrd so‘mlik 2,9 mln quti tamaki mahsulotlarining chegaralar orqali noqonuniy ravishda olib o‘tilishi va ichki hududdagi yashirin aylanmasiga chek qo‘ydi. 2025-yilning o‘tgan davri mobaynida noqonuniy tamaki aylanmasi bilan bog‘liq 137 ta holat fosh etildi. gazeta.uz »
Ekologiya vazirligi 2024-yilda 600 ming tupdan ortiq daraxtlar kesilishining oldi olinganini ma’lum qildi. O‘tgan yilda qimmatbaho daraxtlarni noqonuniy kesish holatlari 1098 tani tashkil qilgan. Vazirlik bu boradagi reyd tadbirlari davom etayotganini qayd etdi. gazeta.uz »
2024-yilda O‘zbekiston aholisi dori vositalariga jami 19,7 trln so‘mdan ortiq, shundan 15,7 trln so‘mdan ko‘prog‘i import preparatlar hamda salkam 4 trln so‘m mahalliy ishlab chiqarilgan preparatlarga sarfladi. gazeta.uz »
O‘zbekistonda 2024-yilda jinoyatlar soni 2023-yilga nisbatan 27,1 foizga, 2020-yilga nisbatan esa 2 barobardan ko‘proqqa oshgan. Toshkentda jinoyatchilik darajasi 2023-yilda har 10 ming kishiga nisbatan 71,5 ta bo‘lgan bo‘lsa, 2024-yilda bu ko‘rsatkich 45,9 foizga ortib, 104,3 tani tashkil etgan. gazeta.uz »
2024-yilda haydovchilar 20 millionga yaqin qoidabuzarlik sodir etib, 1 trln so‘mdan ortiq jarima to‘ladi. Mas’ullar bu mablag‘lar davlat budjetiga yo‘naltirilishini ta’kidladi. YHXX 1 mln 250 mingta transport vositasida umuman qoidabuzarlik sodir etilmaganini ma’lum qildi gazeta.uz »
Senatdagi qo‘mita majlisida O‘zbekistonda 2024-yilda sodir bo‘lgan yo‘l-transport hodisalari sabablari to‘g‘risida ma’lumot berildi. Unga ko‘ra, YTHlarning 47,1 foizi haydovchilarning piyodaga yo‘l bermasligi, 3,7 foizi rulda uxlab qolish, 22,8 foizi belgilangan tezlikka rioya qilmaslik oqibatida sodir bo‘lgan. gazeta.uz »
Ichki ishlar vazirligi transportni boshqarish huquqidan sud hukmi bilan mahrum etilgan fuqarolarni profilaktik hisobga olishni taklif etmoqda. 2024-yilda bunday shaxslar avtomobil boshqargani oqibatida 1019 ta YTH sodir bo‘lgan va ularda 873 kishi tan jarohati olgan, 259 nafar fuqaro halok bo‘lgan. gazeta.uz »
O‘zbekistonda 2024-yilda 459 mingdan ortiq fuqaro profilaktik hisobga olindi. Bu ko‘rsatkichni optimallashtirish maqsadida ishlab chiqilgan qonun loyihasi deputatlar tomonidan birinchi o‘qishda qabul qilindi. gazeta.uz »
2024-yilda bolalar ombudsmani nomiga 2023-yilga nisbatan 2,4 baravar ko‘proq - 1064 ta murojaat kelib tushdi. Murojaatlarning eng ko‘pi Toshkent shahri va viloyati hamda Qashqadaryo viloyatidan, eng kami esa Qoraqalpog‘iston Respublikasi va Navoiy viloyatidan yo‘llangan. gazeta.uz »
Raqobat qo‘mitasi 2024-yil davomida o‘tkazilgan o‘rganishlar natijasida 400 dan ortiq holatda xo‘jalik subyektlariga nisbatan ish qo‘zg‘atilganini ma’lum qildi. O‘tgan yilda 200 mingdan ortiq iste’molchiga 50 mlrd so‘mga yaqin mablag‘ qayta hisob-kitob qilingan. gazeta.uz »
O‘tgan yili 40 nafar sudyaning vakolati muddatidan ilgari tugatildi. 19 nafari o‘z arizasiga ko‘ra, 11 nafari sudyalik qasamyodini, 10 nafari esa Sudyalar odobi kodeksi talablarini buzgani uchun ishdan olingan. gazeta.uz »
2024-yilda sud ishlari va sudyalar faoliyatiga aralashuvlar bo‘yicha 3 holatda jinoyat ishi qo‘zg‘atildi, 2 ta holat o‘rganilmoqda. “Sudyalarga nafaqat ijtimoiy tarmoqlar orqali tahdid qilinyapti, balki davlat organlari tomonidan ta’sir o‘tkazish holatlari ham uchramoqda”, - dedi Sudyalar oliy kengashi vakili. gazeta.uz »
O‘zbekistonda 2024-yilda “Yoshlar daftari” orqali 180 ming nafar yoshlarga 345 milliard so‘mlik yordam ko‘rsatildi. Ishsiz yoshlar 2 karra kamayib, ishsizlikdan xoli mahallalar soni 1 ming 889 taga yetdi. gazeta.uz »
Poytaxtda 2024-yilda 1280 avariya sodir bo‘ldi. Oqibatda mingdan ortiq odam jarohatlandi, 91 kishi vafot etdi. YHXB avariyaning o‘choq nuqtalarini aniqlash va o‘lim holatlarini keskin kamaytirish bo‘yicha ishlar olib boradi. gazeta.uz »
Inson huquqlari bo‘yicha vakil (ombudsman) 2024-yilda fuqarolarning ish haqi va mehnat munosabatlari bilan bog‘liq 1 mlrd 832,9 mln so‘m mablag‘ni undirib berdi. Yil davomida ombudsmanga 23 mingdan ziyod murojaat tushgan. gazeta.uz »
O‘zbekistonda 2024-yilda 469 568 nafar shaxs ma’muriy jazoga tortildi. Bu 2023-yilga nisbatan 49 380 nafarga ko‘p. Ko‘rilgan ishlarning asosiy qismi mayda bezorilik, litsenziyasiz yo‘lovchilar tashish, ichki ishlar organlari xodimlarining qonuniy talablarini bajarmaslik kabi huquqbuzarliklardan iborat bo‘lgan. gazeta.uz »
2024-yilda O‘zbekiston iqtisodiyotining kuzatilmaydigan hajmi 505 trln so‘mdan oshib, yalpi ichki mahsulotning 34,8 foizini tashkil etdi. Yashirin iqtisodiyotning asosiy qismi qishloq xo‘jaligi, qurilish va xizmat ko‘rsatish sohalariga to‘g‘ri keladi. gazeta.uz »
2024-yilda Xitoyda nikohlar soni beshdan bir qismga qisqardi: 6,1 milliondan ortiq juftlik nikohdan o‘tdi. Turmush qurishga bo‘lgan qiziqishning pasayishi uzoq vaqtdan beri Xitoyda bola parvarishlash va o‘qitishning qimmatligi bilan bog‘liq. Mamlakat aholisi ketma-ket uchinchi yil kamayib bormoqda. gazeta.uz »
O‘zbekiston iqtisodiyoti 2024-yilda 6,5% o‘sib, 1,45 kvadrillion so‘mga ($115 milliardga yaqin) yetdi. Aholi jon boshiga YIM hajmi 39,1 mln so‘mgacha ($3093) o‘sdi, deya xabar beradi Statistika agentligi. gazeta.uz »
2024-yilda o‘zbekistonliklarga ro‘yxatdan o‘tgan cheklar uchun 1 trillion so‘mdan ortiq keshbek to‘landi. Eng ko‘p mablag‘ni Toshkent shahri (412,2 mlrd so‘m) va viloyati (107,1 mlrd so‘m) iste’molchilari olgan. gazeta.uz »
2024-yilda O‘zbekistonga 224,8 million dollarlik 24 095 ta elektromobil olib kirildi. Ulardan 23 982 tasi Xitoydan import qilingan. gazeta.uz »
2024-yilda Toshkentda ikkilamchi uy-joyning o‘rtacha narxi 1,8% - kv. m uchun 1190 dollargacha pasaydi (2023-yilda - 30% o‘sish), yer esa 2,9% arzonladi - sotixiga 352 mln so‘m. Avvalroq MB ehtimoliy narx korreksiyasidan ogohlantirgandi. gazeta.uz »
2024-yilda aholining real daromadlari 8,1% o‘sdi, bu 2023-yildagi ko‘rsatkichdan sezilarli darajada yuqori. Shu bilan birga, eng boy uchta va eng kambag‘al uchta hudud o‘rtasidagi aholi jon boshiga daromadlar farqi 2,4 baravargacha oshdi. Uchta viloyatda real daromadlar sezilmas darajada o‘sdi. gazeta.uz »
O‘zbekistonda 2024-yilda ro‘yxatdan o‘tmay ishlayotgan 60 mingdan ortiq tadbirkor faoliyati qonuniylashtirildi. 12,2 ming tadbirkorga huquqiy yordam berildi, profilaktika sababli 15,3 mlrd so‘m soliq ixtiyoriy to‘landi. gazeta.uz »
O‘zbekistonda 2024-yilda “103” xizmatiga 2713 ta yolg‘on chaqiriq kelib tushdi. Eng ko‘p yolg‘on chaqiriq Samarqand, Qashqadaryo va Farg‘ona viloyatlarida kuzatilgan. Bunday chaqiriqlar o‘tgan yilga nisbatan 792 taga kamaygan. gazeta.uz »
2024-yil yakuniga ko‘ra, O‘zbekistonda kambag‘allik darajasi 11 foizdan 8,9 foizga kamaydi. Bandlik dasturlari tufayli 719 ming kishi kambag‘allikdan chiqarildi. Kambag‘allikning eng past ko‘rsatkichi Navoiy viloyatida (5,7 foiz), eng yuqori ko‘rsatkichi Xorazm viloyatida (11,9 foiz) qayd etilgan. gazeta.uz »
2024-yilda O‘zbekistonda 9364 ta YTH qayd etilgan bo‘lib, shundan 3045 tasi (32,5%) yuk mashinalari va yo‘lovchi tashuvchi transportlar ishtirokida sodir bo‘ldi. YTHlarning deyarli yarmi Damas ishtirokida bo‘lgan. gazeta.uz »
2024-yilda Toshkent metrosi 270,3 million yo‘lovchini tashidi, 2023-yilgiga qaraganda 98,3 million kishiga ko‘p. gazeta.uz »
O‘zbekistonda 2024-yilda 9364 ta YTH rasmiy ravishda ro‘yxatga olingan bo‘lib, ularda 8901 kishi jarohatlangan va 2203 kishi halok bo‘lgan. gazeta.uz »
2024-yilda O‘zbekiston yana gazni eksportdan ko‘ra ko‘proq import qildi va sof importyor maqomini saqlab qoldi. Import qiymat jihatdan 2,4 barobar - $1,68 milliardgacha o‘sdi. Eksport ham oshdi - $627,6 milliongacha yoki 18,4%. gazeta.uz »
O‘zbekistonda 2024-yilda hokim yordamchilari 309 ta korrupsiyaga oid jinoyatlar sodir etgan. Umuman olganda, 2024-yilda jami 6898 nafar shaxs tomonidan 5716 ta korrupsiyaga oid jinoyat sodir etilgan. gazeta.uz »
2024-yilda O‘zbekistonga pul o‘tkazmalari 2023-yilga nisbatan 3,4 mlrd dollar (30 foiz)ga ko‘payib, 14,8 mlrd dollarni tashkil qildi. Mablag‘larning 77 foizi Rossiyadan kelib tushdi. Buyuk Britaniyadan o‘tkazmalar 83 foizga, Janubiy Koreyadan 56 foizga, AQShdan 35 foizga hamda YeIdan 32 foizga oshdi. gazeta.uz »
2024-yilda O‘zbekiston yana YTTBning Markaziy Osiyoda moliyalashtirish bo‘yicha yetakchi davlatiga aylandi; bank yil davomida mamlakat iqtisodiyotiga 938 mln yevro sarmoya kiritdi. Mablag‘larning yarmidan ko‘pi yashil iqtisodiyot loyihalarini qo‘llab-quvvatlashga yo‘naltirildi. gazeta.uz »
